Numeros 14:18

Ang Biblia 2011

‘Ang Ginoo hinay sa kasuko ug madagayaon sa gugmang walay paglubad, nagpasaylo sa kasal-anan ug sa kalapasan ug nga dili gayod magpakamatarong sa tawong sad-an, naghinumdom siya sa sala sa mga amahan diha sa mga anak, diha sa ikatulo ug diha sa ikaupat nga kaliwatan.’

Cross References

Nehemias 9:17

Nagdumili sila sa pagsugot, ug wala maghunahuna sa mga katingalahan nga imong gihimo taliwala kanila, apan gipatikig nila ang ilang liog ug nagtudlo ug usa ka pangulo aron sa pagbalik ngadto sa ilang pagkaulipon sa Ehipto. Apan ikaw usa ka Dios nga andam sa pagpasaylo, mapuangoron ug maluluy-on, hinay sa pagkasuko ug madagayaon sa gugmang walay paglubad ug wala mobiya kanila.

Job 21:19

Kamo nag-ingon, ‘Ang Dios nagtagana sa ilang pagkadaotan alang sa ilang mga anak.’ Pasagdi siya nga maghatag kanila sa iyang balos, aron sila mahibalo niini.

Salmo 103:8

Ang Ginoo maluluy-on ug puno sa grasya, hinay sa pagkasuko ug madagayaon sa gugmang walay paglubad.

Salmo 108:4

Kay ang imong gugmang walay paglubad dako ibabaw sa kapanganoran, ug ang imong pagkamatinumanon miabot sa kalangitan.

Salmo 109:14

Mahinumdoman unta sa Ginoo ang kasal-anan sa iyang katigulangan, ug ayaw papasa ang sala sa iyang inahan!

Salmo 145:8

Ang Ginoo puno sa grasya ug maluluy-on, hinay sa pagkasuko ug madagayaon sa gugmang walay paglubad.

Salmo 78:38

Apan siya nga maluluy-on, nagpasaylo sa ilang kasal-anan, ug wala molaglag kanila; sa makadaghan gipugngan niya ang iyang kasuko, ug wala niya pukawa ang tibuok niyang kaligutgot.

Salmo 86:15

Apan ikaw, O Ginoo, Dios nga maluluy-on ug puno sa grasya, hinay sa pagkasuko ug madagayaon sa gugmang walay paglubad ug sa pagkamatinumanon.

Exodo 20:5

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Exodo 20:6

Apan nagpakita ako sa gugmang walay paglubad ngadto sa linibo nga mga nahigugma kanako ug nagtuman sa akong kasugoan.

Jeremias 23:2

Busa mao kini ang giingon sa Ginoo, ang Dios sa Israel, mahitungod sa mga tigbantay nga nag-atiman sa akong katawhan: “Inyong gipatibulaag ang akong panon ug giabog sila, ug wala kamo magtagad kanila. Busa, ako magtagad kaninyo tungod sa daotan ninyong mga buhat, nag-ingon ang Ginoo.

Jeremias 32:18

nga nagpakita ug gugmang walay paglubad sa mga linibo apan nagsilot sa kasal-anan sa mga amahan ngadto sa ilang mga anak sunod kanila, O dako ug makagagahom nga Dios, nga ang ngalan mao si Yahweh sa mga panon,

Mga Pagbangotan 5:7

Ang among mga amahan nakasala ug wala na, ug among giantos ang ilang kasal-anan

Jonas 4:2

Ug siya nag-ampo sa Ginoo ug miingon, “O Ginoo, dili ba kini mao ang akong giingon sa didto pa ako sa akong yuta? Mao gani nga nagdali ako sa pag-ikyas ngadto sa Tarsis kay ako nasayod nga ikaw Dios nga puno sa grasya ug maluluy-on, hinay nga masuko ug madagayaon sa gugmang walay paglubad ug masubo mahitungod sa daotan.

Miqueas 7:18

Kinsa ba ang Dios nga sama kanimo, nga nagpasaylo sa kasal-anan ug mopalabay lamang sa mga kalapasan sa salin sa iyang panulundon? Siya wala maghupot sa iyang kasuko hangtod sa kahangtoran, kay siya malipay diha sa gugmang walay paglubad.

Numeros 14:17

Busa karon, himoang dako ang gahom sa Ginoo, sumala sa imong gisaad nga nag-ingon,

Numeros 23:21

Siya wala makakita ug kadaotan diha kang Jacob; o makakaplag ug kasamok diha sa Israel. Ang Ginoo nga ilang Dios nag-uban kanila, ug ang singgit sa usa ka hari anaa sa taliwala kanila.

Roma 5:21

aron nga kon ang sala naghari pinaagi sa kamatayon, ang grasya usab maghari pinaagi sa katarong ngadto sa kinabuhing dayon pinaagi kang Jesu-Cristo nga atong Ginoo.

Deuteronomio 5:10

Apan nagpakita ako sa gugmang walay paglubad ngadto sa mga linibo nga nahigugma kanako ug nagtuman sa akong mga sugo.

Deuteronomio 5:9

Ayaw kamo pagyukbo kanila o pag-alagad kanila kay ako ang Ginoo nga inyong Dios abubhoan nga Dios, nga nagsilot sa mga anak tungod sa pagkadaotan sa mga ginikanan ngadto sa ikatulo ug sa ikaupat nga kaliwatan sa mga nagdumot kanako.

Deuteronomio 7:10

ug nanimalos nganha sa ilang nawong sa mga nagdumot kaniya pinaagi sa paglaglag kanila. Siya dili maglangan niadtong nagdumot kaniya; siya magbalos kaniya nganha sa iyang nawong.

Deuteronomio 7:9

Busa hibaloi ninyo nga ang Ginoo nga inyong Dios Dios gayod, ang matinumanon nga Dios nga nagtuman sa kasabotan ug sa gugma nga walay paglubad ngadto sa mga nahigugma kaniya ug nagtuman sa iyang mga sugo ngadto sa usa ka libo ka kaliwatan,