Numeros 14:14

Ang Biblia 2011

ug isugilon nila kini sa mga nagpuyo niining yutaa nga sila nakadungog nga ikaw, O Ginoo, anaa sa taliwala niining maong katawhan, nga sa nawong ug nawong nakita ikaw, O Ginoo, ug ang imong panganod nagbarog sa ibabaw nila ug sa adlaw ikaw naglakaw nga nag-una kanila sa usa ka haligi nga panganod ug sa gabii sa usa ka haligi nga kalayo.

Cross References

Genesis 32:30

Ug ginganlan ni Jacob kadtong dapita ug Peniel, nga nag-ingon, “Nakita nako ang Dios sa nawong ug nawong ug nagpabilin ako nga buhi.”

Nehemias 9:12

Pinaagi sa usa ka haligi nga panganod ikaw nag-una kanila sa adlawan ug pinaagi sa usa ka haligi nga kalayo sa pagkagabii, aron sa pag-iwag kanila sa dalan nga ilang agian.

Nehemias 9:19

ikaw sa imong dakong kaluoy wala mobiya kanila didto sa kamingawan. Ang haligi nga panganod wala mobiya sa ibabaw nila sa panahon sa adlaw aron sa pagtultol kanila sa dalan ug ang haligi nga kalayo sa pagkagabii, aron sa pag-iwag kanila sa dalan nga ilang agian.

Salmo 105:39

Gibuklad niya ang usa ka panganod aron mahimong salimbong, ug kalayo nga maghatag ug kahayag panahon sa kagabhion.

Salmo 78:14

Sa adlawan gitultolan niya sila pinaagi sa usa ka panganod, ug sa tibuok nga gabii pinaagi sa usa ka kahayag sa kalayo.

Exodo 15:14

Ang mga katawhan nakadungog, ug sila nangurog; gihakop sa mga kasakit ang nagpuyo sa Filistia.

Exodo 33:11

Busa naandan sa Ginoo ang pagpakigsulti kang Moises sa nawong ug nawong sama sa usa ka tawo nga makigsulti sa iyang higala. Sa diha nga si Moises mobalik ngadto sa kampo, ang iyang kaabag nga si Josue nga anak ni Nun, usa ka batan-on, dili mobiya sa Tolda.

Exodo 33:16

Kay unsaon man sa pag-ila nga ako nakakaplag ug kahimuot diha sa imong panan-aw, ako ug ang imong katawhan? Dili ba diha sa imong pag-uban kanamo nga kami mahimong lahi, ako ug ang imong katawhan, gikan sa tanang mga katawhan nga ania ibabaw sa yuta?”

Exodo 40:38

Kay sa tibuok nilang panaw, ang panganod sa Ginoo anaa sa ibabaw sa Tolda, panahon sa adlaw ug ang kalayo anaa niini panahon sa gabii, makita sa tibuok nga banay ni Israel.

Numeros 10:34

Ug ang panganod sa Ginoo diha sa ibabaw nila sa adlawan, sa diha nga mogikan sila sa kampo.

Numeros 12:8

Uban kaniya makigsulti ako baba sa baba, sa dayag gayod ug dili pinaagi sa mga tanghaga, ug makita niya ang dagway sa Ginoo. Busa nganong wala man kamoy kahadlok sa pagsulti batok sa akong alagad nga si Moises?”

Juan 1:18

Wala pa gayoy tawo nga nakakita sa Dios. Ang bugtong nga Dios nga anaa sa sabakan sa Amahan mao ang nagpaila kaniya.

Juan 14:9

Si Jesus mitubag kaniya, “Kadugay na nakong nakig-uban kaninyo ug wala ikaw makaila kanako, Felipe? Ang nakakita kanako nakakita sa Amahan. Nganong nag-ingon man ikaw, ‘Ipakita kanamo ang Amahan?’

1 Mga Taga-Corinto 13:12

Kay sa pagkakaron, ang atong makita sa salamin hanap lamang nga panagway apan unya sa nawong ug nawong na. Sa pagkakaron, bahin lamang ang akong nahibaloan, apan unya masabtan ra nako ang tanan, ingon nga ang tanan kanako nasabtan.

Deuteronomio 1:19

“Unya mipanaw kita gikan sa Horeb ug milatas niadtong tanang dagko ug makalilisang nga kamingawan nga inyong nakita didto sa dalan sa kabungtoran sa mga Amorihanon, sumala sa gisugo sa Ginoo nga atong Dios kanato ug miabot kita sa Kades-barnea.

Deuteronomio 34:10

Ug wala na gayoy mitungha nga propeta sa Israel nga sama kang Moises nga nailhan sa Ginoo sa nawong ug nawong,

Deuteronomio 5:24

Ug miingon kamo, ‘Tan-awa, ang Ginoo nga atong Dios nagpakita kanato sa iyang himaya ug sa iyang pagkagamhanan ug atong nadungog ang iyang tingog gikan sa taliwala sa kalayo. Nakita nato niining adlawa nga ang Dios nakigsulti sa tawo ug ang tawo buhi gihapon.

Deuteronomio 5:4

Ang Ginoo misulti kaninyo sa nawong ug nawong didto sa bukid gikan sa taliwala sa kalayo.

Josue 5:1

Sa diha nga ang mga hari sa mga Amorihanon nga didto sa tabok sa Jordan dapit sa kasadpan ug ang tanang hari sa mga Canaanhon nga didto duol sa dagat nakadungog nga gipahubas sa Ginoo ang katubigan sa Jordan alang sa katawhan sa Israel hangtod nga sila nakatabok na, ang ilang mga kasingkasing nangatunaw ug wala nay bisan unsang espiritu diha kanila tungod sa katawhan sa Israel.

1 Juan 3:2

Mga hinigugma, kita karon mga anak sa Dios, kon maunsa unya kita, kini wala pa ipadayag, apan kita nasayod nga sa dihang ipadayag na siya, kita mahisama kaniya kay makita man unya nato siya sa iyang pagkamao.