Numeros 13:29

Ang Biblia 2011

Ang mga Amalekanhon nagpuyo sa yuta sa Negeb, ug ang mga Hitihanon ug ang mga Jebusihanon ug ang mga Amorihanon nagpuyo diha sa kabungtoran, ug ang mga Canaanhon nagpuyo duol sa dagat ug sa daplin sa Jordan.”

Cross References

Genesis 14:7

Ug namalik sila ug nangadto sa Enmispat nga mao ang Kades, ug gibuntog nila ang tanan nga lungsod sa mga Amalekanhon ug ang mga Amorihanon usab nga nagpuyo sa Hasason-Tamar.

Nehemias 9:8

Ug nakita nimo ang iyang kasingkasing nga matinumanon sa imong atubangan ug naghimo ikaw ug usa ka kasabotan uban kaniya sa paghatag sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Jebusihanon ug sa mga Gergasihanon ngadto sa iyang mga kaliwat ug imong gituman ang imong mga saad kay ikaw matarong.

Salmo 83:7

sa Gebal ug sa Amon ug sa Amalek, sa Filistia uban sa mga nagpuyo sa Tiro;

Exodo 3:17

Ug ako nagsaad sa pagkuha kaninyo gikan sa kalisdanan sa Ehipto ngadto sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon, usa ka yuta diin nag-agas ang gatas ug dugos.” ’

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Numeros 13:17

Busa si Moises mipadala kanila sa pagpaniid sa yuta sa Canaan ug miingon, “Tungas kamo agi sa Negeb ug tungas kamo ngadto sa kabungtoran.

Numeros 13:30

Apan gipahilom ni Caleb ang katawhan sa atubangan ni Moises ug siya miingon, “Manungas dayon kita ug panag-iyahon nato kini kay kita makahimo gayod sa pagbuntog niini.”

Numeros 14:25

Karon, ang mga Amalekanhon ug ang mga Canaanhon nagpuyo diha sa mga walog, ugma balik kamo ug adto sa kamingawan agi sa dalan padulong sa Dagat nga Pula.”

Numeros 14:43

Kay ang mga Amalekanhon ug ang mga Canaanhon anaa sa atubangan ninyo ug mangapukan kamo sa espada tungod kay mitalikod kamo gikan sa pagsunod sa Ginoo, busa ang Ginoo dili mag-uban kaninyo.”

Numeros 14:45

Unya ang mga Amalekanhon ug ang mga Canaanhon nga nagpuyo niadtong bukira nanglugsong ug mibuntog kanila ug migukod kanila bisan hangtod sa Horma.

Numeros 24:20

Ug siya mitan-aw kang Amalek ug mihimo sa iyang pakigpulong ug miingon, “Si Amalek mao ang una sa mga nasod, apan sa kataposan siya modangat sa pagkalaglag.”

Deuteronomio 20:17

Hinuon laglaga gayod sila, ang mga Hitihanon ug ang mga Amorihanon, ang mga Canaanhon ug ang mga Perisihanon, ang mga Hibihanon ug ang mga Jebusihanon sumala sa gisugo kaninyo sa Ginoo nga inyong Dios

Deuteronomio 7:1

“Sa diha nga ang Ginoo nga inyong Dios magdala kaninyo ngadto sa yuta nga inyong adtoan aron sa pagpanag-iya niini ug mag-abog sa daghang mga nasod gikan sa inyong atubangan, sa Hitihanon, sa Gergasihanon, sa Amorihanon, sa Canaanhon, sa Perisihanon, sa Hibihanon ug sa Jebusihanon, pito ka nasod nga dagko ug gamhanan kay kaninyo.

Josue 10:5

Busa ang lima ka hari sa mga Amorihanon, ang hari sa Jerusalem, ang hari sa Hebron, ang hari sa Jarmut, ang hari sa Lakis ug ang hari sa Eglon, nagtigom sa ilang kasundalohan ug nangadto sila uban ang tanan nilang kasundalohan ug nagkampo atbang sa Gibeon ug nakiggubat batok niini.

Josue 10:6

Ug ang mga tawo sa Gibeon nagpasugo ngadto kang Josue, sa kampo sa Gilgal, nga nag-ingon, “Ayaw ipalayo ang imong kamot gikan sa imong mga ulipon, ngari dayon kanamo ug luwasa kami ug tabangi kami kay ang tanang hari sa mga Amorihanon nga nagpuyo sa mga kabungtoran nagtigom batok kanamo.”

Josue 3:10

Ug si Josue miingon, “Tungod niini mahibaloan ninyo nga ang buhing Dios anaa uban kaninyo ug sa walay pagkapakyas siya maghingilin gikan sa atubangan ninyo sa mga Canaanhon, sa mga Hitihanon, sa mga Hibihanon, sa mga Perisihanon, sa mga Gergasihanon, sa mga Amorihanon, ug sa mga Jebusihanon.

Josue 5:1

Sa diha nga ang mga hari sa mga Amorihanon nga didto sa tabok sa Jordan dapit sa kasadpan ug ang tanang hari sa mga Canaanhon nga didto duol sa dagat nakadungog nga gipahubas sa Ginoo ang katubigan sa Jordan alang sa katawhan sa Israel hangtod nga sila nakatabok na, ang ilang mga kasingkasing nangatunaw ug wala nay bisan unsang espiritu diha kanila tungod sa katawhan sa Israel.

Josue 9:1

Sa pagkadungog niini sa tanang mga hari nga diha sa tabok sa Jordan, sa kabungtoran ug sa kapatagan, sa tanang kabaybayonan sa Dakong Dagat ngadto sa Lebanon, mga hari sa Hitihanon, sa Amorihanon, sa Canaanhon, sa Perisihanon, sa Hibihanon ug sa Jebusihanon,

Mga Maghuhukom 3:5

Busa ang katawhan sa Israel mipuyo uban sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Mga Maghuhukom 6:3

Kay sa diha nga ang nga Israelinhon magpugas, ang mga Midianhon ug ang mga Amalekanhon ug ang katawhan sa silangan moabot ug mosulong kanila.

1 Samuel 14:48

Siya naghimo niini sa maisogon gayod ug gibuntog ang mga Amalekanhon ug nagluwas sa Israel gikan sa mga kamot sa mga nanulis kanila.

1 Samuel 27:8

Si David ug ang iyang mga tawo nanungas, ug gisulong nila ang mga Gesurhanon, ang mga Gersihanon ug ang mga Amalekanhon kay sila mao man ang nagpuyo sa maong yuta sukad pa sa karaang panahon gikan sa Sur hangtod sa utlanan sa Ehipto.

1 Samuel 30:1

Sa diha nga si David ug ang iyang mga tawo miabot sa Ziklag sa ikatulo nga adlaw, ang mga Amalekanhon misulong na sa Negeb ug sa Ziklag. Ilang nailog ang Ziklag ug gisunog kini sa kalayo,

1 Samuel 7:14

Ang mga siyudad nga nailog sa mga Filistihanon gikan sa Israel, sukad sa Ekron ngadto sa Gat nahibalik sa Israel, ug ang kayutaan niini nakuha pagbalik sa Israel gikan sa kamot sa mga Filistihanon. Adunay kalinaw usab taliwala sa Israel ug sa mga Amorihanon.