Numeros 13:27

Ang Biblia 2011

Ug gisuginlan nila siya, “Miabot kami sa yuta nga imong gipaadtoan kanamo, ang gatas ug dugos nag-agas diha niini ug kini mao ang bunga niini.

Cross References

Nehemias 9:25

Ug ilang gipanguha ang mga siyudad nga kinutaan ug ang tabunok nga yuta ug gipanag-iya ang mga balay nga puno sa mga maayong butang, mga tangke nga kinalot, mga kaparasan, mga kaolibohan ug daghang kaprutasan. Busa nangaon sila ug nangabusog, ug nanambok ug nalipay sa ilang kaugalingon tungod sa imong dakong kaayo.

Exodo 13:5

Sa dihang dad-on na kamo sa Ginoo ngadto sa yuta sa mga Canaanhon, sa mga Hitihanon, sa mga Amorihanon, sa mga Hibihanon ug sa mga Jebusihanon, nga gipanumpa niya sa inyong mga katigulangan nga iyang ihatag kaninyo, yuta diin nag-agas ang gatas ug dugos, tumana ninyo kini nga tulumanon niining bulana.

Exodo 3:17

Ug ako nagsaad sa pagkuha kaninyo gikan sa kalisdanan sa Ehipto ngadto sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon, usa ka yuta diin nag-agas ang gatas ug dugos.” ’

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Exodo 33:3

Lakaw ngadto sa yuta diin nag-agas ang gatas ug dugos apan ako dili motungas uban kaninyo kay tingali unya ug puohon ko kamo diha sa dalan, kay kamo katawhan nga tikig ug liog.”

Jeremias 11:5

aron akong mabuhat ang panumpa nga akong gipanumpa sa inyong mga katigulangan, nga hatagan sila ug yuta diin nag-agas ang gatas ug dugos, ingon niining adlawa.” Unya ako mitubag, “Hinaot pa, O Ginoo.”

Jeremias 32:22

Ikaw naghatag kanila niining yutaa nga imong gipanumpa sa ilang mga katigulangan nga ihatag kanila, yuta diin nag-agas ang gatas ug dugos;

Ezequiel 20:15

Gipanumpa usab nako kanila didto sa kamingawan nga sila dili nako dad-on ngadto sa yuta nga gihatag nako kanila, yuta diin nag-agas ang gatas ug dugos, ang labing mahimayaon sa tanang mga yuta,

Ezequiel 20:6

Niadtong adlawa ako nanumpa kanila nga dad-on nako sila gikan sa yuta sa Ehipto, ngadto sa usa ka yuta nga akong nasusi alang kanila, yuta diin nag-agas ang gatas ug dugos, ang labing mahimayaon sa tanang mga yuta.

Levitico 20:24

Apan ako nag-ingon kaninyo, ‘Kamo makapanunod sa ilang yuta, ug ako maghatag kaninyo niini aron inyong mapanag-iya, usa ka yuta diin nag-agas ang gatas ug dugos.’ Ako mao ang Ginoo nga inyong Dios, nga naglain kaninyo gikan sa mga katawhan.

Numeros 14:7

ug misulti sila ngadto sa tibuok nga katilingban sa katawhan sa Israel, nga nag-ingon, “Ang yuta nga among gilatas aron sa pagpaniid usa ka yuta nga maayo kaayo.

Numeros 14:8

Kon ang Ginoo nahimuot kanato, pasudlon gayod kita niya sa maong yuta ug kini ihatag niya kanato, usa ka yuta diin nag-agas ang gatas ug dugos.

Numeros 16:13

Gamay ba lamang kini nga butang nga gidala nimo kami gikan sa usa ka yuta diin nag-agas ang gatas ug dugos aron sa pagpatay kanamo dinhi sa kamingawan, nga ikaw maghimo pa gayod sa imong kaugalingon nga pangulo ibabaw kanamo?

Numeros 16:14

Dugang pa niini, ikaw wala magdala kanamo ngadto sa yuta diin nag-agas ang gatas ug dugos o maghatag kanamo ug panulondon nga kaumahan ug kaparasan. Palugwaon ba nimo ang mga mata niining mga tawhana? Dili kami mangadto.”

Deuteronomio 11:9

ug aron motaas ang inyong pagkinabuhi dinhi sa yuta nga gipanumpa sa Ginoo ngadto sa inyong katigulangan nga iyang ihatag kanila ug sa ilang kaliwatan, yuta diin nag-agas ang gatas ug dugos.

Deuteronomio 26:9

Ug kami gidala niya niining dapita ug gihatag kanamo kining yutaa, yuta diin nag-agas ang gatas ug dugos.

Deuteronomio 27:3

Ug sulati kini sa tanang mga pulong niini nga Balaod, sa dihang motabok kamo aron sa pagsulod sa yuta nga gihatag kaninyo sa Ginoo nga inyong Dios, yuta diin nag-agas ang gatas ug dugos sumala sa saad kaninyo sa Ginoo nga Dios sa inyong katigulangan.

Deuteronomio 31:20

Kay sa diha nga madala na nako sila ngadto sa yuta, diin nag-agas ang gatas ug dugos, nga gipanumpa nako nga ihatag sa ilang katigulangan, ug sa makakaon na sila ug mabusog ug manambok, sila moadto sa laing mga dios ug mag-alagad kanila ug magtamay kanako ug maglapas sa akong kasabotan.

Deuteronomio 6:3

Busa pamati, O Israel, ug tinguhaa ang pagbuhat niini aron mamaayo ang inyong kahimtang, ug aron modaghan kamo pag-ayo sumala sa gisaad kaninyo sa Ginoo, ang Dios sa inyong mga katigulangan, didto sa yuta diin nag-agas ang gatas ug dugos.

Josue 5:6

Kay ang katawhan sa Israel nagpanaw sulod sa 40 ka tuig didto sa kamingawan hangtod nga ang tibuok nga nasod, ang mga tawo nga manggugubat nga nanggula sa Ehipto, nangamatay kay sila wala mamati sa tingog sa Ginoo. Kanila ang Ginoo nanumpa nga dili niya sila pakit-on sa yuta nga gipanumpa sa Ginoo ngadto sa ilang katigulangan nga iyang ihatag kanato, usa ka yuta diin nag-agas ang gatas ug dugos.