Numeros 13:26

Ang Biblia 2011

Ug miadto sila kang Moises ug kang Aaron ug sa tibuok nga katilingban sa katawhan sa Israel nga didto sa kamingawan sa Paran, didto sa Cades. Nagdala sila sa taho ngadto kanila ug sa tibuok nga katilingban ug gipakita nila ang bunga sa maong yuta.

Cross References

Genesis 14:7

Ug namalik sila ug nangadto sa Enmispat nga mao ang Kades, ug gibuntog nila ang tanan nga lungsod sa mga Amalekanhon ug ang mga Amorihanon usab nga nagpuyo sa Hasason-Tamar.

Salmo 29:8

Ang tingog sa Ginoo nag-uyog sa kamingawan, ang Ginoo nag-uyog sa kamingawan sa Kades.

Numeros 13:25

Human sa 40 ka adlaw namauli sila gikan sa pagpaniid sa yuta.

Numeros 13:3

Busa si Moises mipadala kanila gikan sa kamingawan sa Paran sumala sa sugo sa Ginoo, silang tanan mga pangulo sa katawhan sa Israel.

Numeros 20:1

Ug ang katawhan sa Israel, ang tibuok katilingban, miabot sa kamingawan sa Zin sa unang bulan ug ang katawhan nagpabilin didto sa Cades ug didto namatay si Miriam ug gilubong siya didto.

Numeros 20:14

Ug si Moises nagpadala ug mga sulugoon ngadto sa hari sa Edom gikan sa Cades. “Mao kini ang gisulti ni Israel nga imong igsoon: Ikaw nahibalo sa tanan nga kalisdanan nga miabot kanamo,

Numeros 20:16

Ug sa dihang mituaw kami sa Ginoo, namati siya sa among tingog ug nagsugo sa usa ka anghel ug gikuha kami gikan sa Ehipto, ug ania kami dinhi sa Cades, usa ka lungsod sa utlanan sa imong yuta.

Numeros 32:8

Mao kini ang gibuhat sa inyong katigulangan, sa diha nga ako nagpadala kanila gikan sa Kades-barnea aron sa pagtan-aw sa yuta.

Numeros 32:9

Kay sa diha nga sila miadto sa Walog sa Escol ug nakita ang yuta, ilang gipaluya ang kasingkasing sa katawhan sa Israel aron sila dili mosulod sa yuta nga gihatag sa Ginoo kanila.

Numeros 33:36

Unya mibiya sila gikan sa Esion-geber ug nagkampo didto sa kamingawan sa Zin nga mao ang Kades.

Deuteronomio 1:19

“Unya mipanaw kita gikan sa Horeb ug milatas niadtong tanang dagko ug makalilisang nga kamingawan nga inyong nakita didto sa dalan sa kabungtoran sa mga Amorihanon, sumala sa gisugo sa Ginoo nga atong Dios kanato ug miabot kita sa Kades-barnea.

Deuteronomio 1:2

Napulo ug usa ka adlaw kini nga panaw gikan sa Horeb agi sa dalan sa Bukid sa Seir ngadto sa Kades-barnea.

Josue 14:6

Unya ang katawhan ni Juda miduol ngadto kang Josue didto sa Gilgal. Ug si Caleb, nga anak ni Jefone nga Kenisihanon miingon kaniya, “Nasayod ikaw kon unsay gisulti sa Ginoo kang Moises nga tawo sa Dios mahitungod kanako ug kanimo didto sa Kades-barnea.

Josue 14:7

Ang akong panuigon 40 ka tuig sa dihang si Moises nga alagad sa Ginoo, nagpadala kanako gikan sa Kades-barnea aron sa pagpaniid sa yuta ug ako nagsugilon kaniya sumala sa anaa sa akong kasingkasing.