Numeros 12:8

Ang Biblia 2011

Uban kaniya makigsulti ako baba sa baba, sa dayag gayod ug dili pinaagi sa mga tanghaga, ug makita niya ang dagway sa Ginoo. Busa nganong wala man kamoy kahadlok sa pagsulti batok sa akong alagad nga si Moises?”

Cross References

Genesis 32:30

Ug ginganlan ni Jacob kadtong dapita ug Peniel, nga nag-ingon, “Nakita nako ang Dios sa nawong ug nawong ug nagpabilin ako nga buhi.”

Salmo 17:15

Alang kanako, magsud-ong ako sa imong nawong diha sa pagkamatarong; sa diha nga mahigmata ako, matagbaw ako sa pagsud-ong sa imong dagway.

Salmo 49:4

Akong ikiling ang akong igdulungog ngadto sa usa ka sambingay; akong hubaron ang akong tigmo uban sa huni sa alpa.

Exodo 19:19

Sa nag-anam na ka kusog ang tingog sa trumpeta, si Moises misulti ug ang Dios mitubag kaniya pinaagi sa dalugdog.

Exodo 20:4

“Ayaw pagbuhat alang kanimo ug usa ka larawan nga kinulit sama sa dagway sa bisan unsang butang nga atua sa langit sa itaas, o nga ania sa yuta sa ilalom, o nga anaa sa tubig sa ilalom sa yuta.

Exodo 33:11

Busa naandan sa Ginoo ang pagpakigsulti kang Moises sa nawong ug nawong sama sa usa ka tawo nga makigsulti sa iyang higala. Sa diha nga si Moises mobalik ngadto sa kampo, ang iyang kaabag nga si Josue nga anak ni Nun, usa ka batan-on, dili mobiya sa Tolda.

Exodo 33:19

Ug siya miingon, “Akong paagion ang tanan nakong kaayo diha sa imong atubangan ug ipadayag nako diha sa imong atubangan ang akong ngalan, ‘Yahweh,’ ug ako magmapuangoron niadtong buot nakong hatagan ug puangod ug magpakita ako ug kaluoy niadtong buot nakong kaluy-an.”

Exodo 33:23

Unya kuhaon nako ang akong kamot ug ikaw makakita sa akong likod apan ang akong nawong dili makita.”

Exodo 34:30

Sa diha nga si Aaron ug ang tanang katawhan sa Israel nakakita kang Moises, ilang nakita nga ang panit sa iyang nawong misilaw, ug nangahadlok sila sa pagduol kaniya.

Mga Panultihon 1:6

sa pagsabot sa usa ka panultihon ug sa usa ka pulong nga salabtonon, sa mga pulong sa mga maalamon ug sa ilang mga tigmo.

Isaias 40:18

Kang kinsa man diay ninyo ipakasama ang Dios, o unsang dagwaya ang inyong itandi kaniya?

Isaias 46:5

“Kang kinsa man ninyo ako ipakasama ug itupong, ug itandi aron nga kami mahimong sama?

Ezequiel 17:2

“Anak sa tawo, pagpagula sa usa ka tigmo, ug pagsulti ug usa ka sambingay ngadto sa panimalay sa Israel,

Ezequiel 20:49

Unya miingon ako, “Ah Ginoong Dios! Sila nag-ingon mahitungod kanako, ‘Dili ba siya usa ka tigsulti ug mga sambingay?’ ”

Oseas 12:13

Pinaagi sa usa ka propeta gidala sa Ginoo si Israel gikan sa Ehipto, ug pinaagi sa usa ka propeta siya giluwas.

Numeros 14:14

ug isugilon nila kini sa mga nagpuyo niining yutaa nga sila nakadungog nga ikaw, O Ginoo, anaa sa taliwala niining maong katawhan, nga sa nawong ug nawong nakita ikaw, O Ginoo, ug ang imong panganod nagbarog sa ibabaw nila ug sa adlaw ikaw naglakaw nga nag-una kanila sa usa ka haligi nga panganod ug sa gabii sa usa ka haligi nga kalayo.

Numeros 7:89

Ug sa pagsulod ni Moises sa tolda nga tagboanan aron sa pagpakigsulti sa Ginoo, iyang nadungog ang tingog nga nagsulti kaniya gikan sa ibabaw sa tabon nga diha sa ibabaw sa sudlanan sa pagpamatuod, gikan sa taliwala sa duha ka mga kerubin, ug kini nakigsulti kaniya.

Mateo 13:35

Kini aron matuman ang gisulti sa propeta nga nag-ingon, “Bukhon nako ang akong baba ginamit ang mga sambingay, Litokon nako ang mga tinago sukad pa sa pagkatukod sa kalibotan.”

Lucas 10:16

“Ang namati kaninyo namati kanako, ug ang nagsalikway kaninyo nagsalikway kanako, ug ang nagsalikway kanako nagsalikway kaniya nga nagpadala kanako.”

Juan 1:18

Wala pa gayoy tawo nga nakakita sa Dios. Ang bugtong nga Dios nga anaa sa sabakan sa Amahan mao ang nagpaila kaniya.

Juan 15:15

Dili na nako kamo tawgon nga mga ulipon, kay ang ulipon wala masayod sa gibuhat sa iyang agalon. Apan ako nagtawag kaninyo nga mga higala kay ang tanan nga nadungog nako gikan sa akong Amahan gipahibalo nako kaninyo.

Juan 15:24

Kon wala pa nako buhata taliwala kanila ang mga buhat nga wala mabuhat sa uban, wala unta silay sala. Apan karon sila nakakita ug nagdumot na kanako ug sa akong Amahan.

1 Mga Taga-Corinto 13:12

Kay sa pagkakaron, ang atong makita sa salamin hanap lamang nga panagway apan unya sa nawong ug nawong na. Sa pagkakaron, bahin lamang ang akong nahibaloan, apan unya masabtan ra nako ang tanan, ingon nga ang tanan kanako nasabtan.

2 Mga Taga-Corinto 3:18

Ug kitang tanan, nga dili tinabonan ang nawong, sa nagsud-ong kita sa himaya sa Ginoo sama diha sa salamin, giusab kita ngadto sa pagkasama sa iyang dagway gikan sa himaya ngadto sa himaya kay kini gikan man sa Ginoo, ang Espiritu.

Deuteronomio 18:15

“Ang Ginoo nga inyong Dios magpatindog alang kaninyo ug usa ka propeta sama kanako gikan sa inyong taliwala, gikan sa inyong mga igsoon, kaniya mamati kamo.

Deuteronomio 34:10

Ug wala na gayoy mitungha nga propeta sa Israel nga sama kang Moises nga nailhan sa Ginoo sa nawong ug nawong,

Deuteronomio 4:15

“Busa bantayi ninyo pag-ayo ang inyong kaugalingon kay wala kamo makakita ug dagway niadtong adlawa nga ang Ginoo nakigsulti kaninyo didto sa Horeb gikan sa taliwala sa kalayo.

Deuteronomio 5:8

“ ‘Ayaw kamo pagbuhat alang kaninyo ug kinulit nga larawan, o bisan unsang dagway sa bisan unsang butang nga atua sa langit sa itaas o sa yuta sa ubos o sa tubig sa ilalom sa yuta.

Mga Taga-Colosas 1:15

Siya mao ang dagway sa dili makita nga Dios, ang panganay sa tibuok nga kabuhatan.

1 Mga Taga-Tesalonica 4:8

Busa bisan kinsa nga mosalikway niini, wala magsalikway sa tawo kondili sa Dios nga naghatag usab sa iyang Espiritu Santo nganha kaninyo.

1 Timoteo 6:16

nga mao lamang ang bugtong nga walay kamatayon ug nagpuyo sa kahayag nga dili maduol, nga walay tawo nga nakakita o makakita. Kaniya ang dungog ug dayon nga paggahom. Amen.

Mga Hebreo 1:1

Sa daghan ug nagkalainlaing mga pamaagi ang Dios misulti kaniadto ngadto sa atong mga katigulangan pinaagi sa mga propeta.

Mga Hebreo 1:3

Siya ang dan-ag sa himaya sa Dios ug tukma nga hulagway sa iyang kinaiya, nagsapnay sa tanang mga butang pinaagi sa gamhanan nga pagpamulong niya. Sa nahimo na niya ang paghinlo sa mga sala, siya milingkod sa tuo sa Halangdon sa kahitas-an,

2 Pedro 2:10

labi na gayod ang mga nagkinabuhi sumala sa unod diha sa makahugaw nga kaulag ug ang mga nagsalikway sa awtoridad. Sila mapangahason ug mapahitas-on, walay kahadlok sa pagpasipala sa mga halangdon,

Judas 1:8

Sa samang paagi, kining mga tawhana sa ilang mga pagdamgo naghugawhugaw sa lawas, nagsalikway sa kagamhanan, ug nagtamay ug nagsulti ug daotan batok sa mga halangdon.