Numeros 12:6

Ang Biblia 2011

Ug siya miingon, “Pamatia ninyo ang akong mga pulong: Kon adunay usa ka propeta sa taliwala ninyo, ako, ang Ginoo magpakita kaniya sa usa ka panan-awon, ako makigsulti kaniya pinaagi sa usa ka damgo.

Cross References

Genesis 15:1

Human niining mga butanga, ang pulong sa Ginoo miabot kang Abram pinaagi sa usa ka panan-awon, “Ayaw kahadlok, Abram, ako mao ang imong taming ug ang imong ganti dako kaayo.”

Genesis 20:7

Busa, karon, iuli ang babaye ngadto sa iyang bana kay siya usa ka propeta ug siya mag-ampo alang kanimo ug mabuhi ikaw. Ug kon dili nimo siya iuli, nasayod na ikaw nga mamatay gayod ikaw lakip ang tanang mga imo.”

Genesis 28:12

Ug nagdamgo siya nga dihay usa ka hagdan nga gipatindog sa yuta ug ang tumoy niini miabot sa langit. Ug ang mga anghel sa Dios nagsaka-kanaog niini.

Genesis 28:16

Unya nakamata si Jacob gikan sa iyang pagkatulog ug miingon, “Ang Ginoo ania gayod niining dapita ug ako wala mahibalo niini.”

Genesis 37:5

Unya si Jose may usa ka damgo ug sa dihang gisugilon niya kini sa iyang mga igsoon, misamot pa hinuon ang ilang pagdumot kaniya.

Genesis 37:9

Unya nagdamgo na usab siya ug lain pang damgo ug gisugilon niya kini sa iyang mga igsoon, “Paminaw, nagdamgo ako ug lain na usab nga damgo. Nakita nako nga ang adlaw ug ang bulan ug ang napulo ug usa ka bituon nangyukbo kanako.”

Genesis 46:2

Ug ang Dios misulti kang Israel pinaagi sa mga panan-awon nianang pagkagabii ug miingon, “Jacob, Jacob.” Ug siya miingon, “Ania ako.”

2 Samuel 7:4

Apan niadtong gabhiona ang pulong sa Ginoo miabot kang Natan,

1 Mga Hari 3:15

Unya si Solomon nahigmata, ug kadto usa ka damgo. Ug siya miadto sa Jerusalem ug mitindog sa atubangan sa sudlanan sa kasabotan sa Ginoo ug naghalad ug mga halad nga sunogon ug mga halad sa pakigdait ug naghimo ug usa ka kasaulogan alang sa tanan niyang mga sulugoon.

1 Mga Hari 3:5

Didto sa Gibeon, ang Ginoo nagpakita kang Solomon pinaagi sa usa ka damgo sa pagkagabii ug ang Dios miingon, “Pangayoa unsay akong ihatag kanimo.”

Job 33:15

Diha sa usa ka damgo, diha sa usa ka panan-awon sa gabii, sa diha nga ang paghinanok anaa sa katawhan, samtang natulog sila diha sa ilang mga higdaanan,

Job 4:13

Taliwala sa mga hunahuna nga gikan sa mga panan-awon sa kagabhion, sa diha nga miabot sa katawhan ang pagkahinanok,

Salmo 105:15

nga nag-ingon, “Ayaw hilabti ang akong mga dinihogan, ug ayaw buhati ug daotan ang akong mga propeta!”

Salmo 89:19

Unya ikaw misulti diha sa panan-awon ngadto sa imong mga matinumanon, ug miingon, “Akong gipahimutang ang panabang ibabaw sa usa ka gamhanan, gibayaw nako ang usa ka pinili gikan sa katawhan.

Exodo 7:1

Ang Ginoo miingon kang Moises, “Tan-awa, gihimo ko ikaw ingon nga Dios ngadto sa Paraon ug si Aaron nga imong igsoon mahimong propeta nimo.

Jeremias 23:25

Nakadungog ako sa giingon sa mga propeta, nga nagpropesiya ug mga bakak pinaagi sa akong ngalan, nga nag-ingon, ‘Ako nagdamgo, ako nadamgo!’

Jeremias 23:28

Ang propeta nga adunay damgo pasultiha sa damgo, apan siya nga nagbaton sa akong pulong pasultiha sa akong pulong diha sa pagkamatinud-anon. Unsa bay kalabotan sa dagami ug sa trigo? nag-ingon ang Ginoo.

Ezequiel 1:1

Sa ika-30 nga tuig, sa ikaupat nga bulan, sa ikalima nga adlaw sa bulan, samtang diha ako uban sa mga binihag daplin sa suba sa Kebar, ang kalangitan naabli, ug akong nakita ang mga panan-awon sa Dios.

Daniel 10:8

Busa ako nahibilin nga nag-inusara ug nakakita niining dakong panan-awon ug walay kusog nga nahibilin kanako. Ang akong dagway nga nagdan-ag nahimo nga kahadlokan ug walay kusog nga nahibilin kanako.

Daniel 2:19

Unya ang tinago gipadayag kang Daniel pinaagi sa usa ka panan-awon sa pagkagabii. Unya gidayeg ni Daniel ang Dios sa langit.

Daniel 7:1

Sa unang tuig ni Belsasar nga hari sa Babilonia si Daniel adunay damgo ug mga panan-awon sa iyang ulo samtang naghigda siya sa iyang higdaanan. Unya iyang gisulat ang damgo ug gisugilon ang kinatibuk-an sa maong butang.

Daniel 8:2

May nakita ako diha sa panan-awon, ug sa akong pagkakita, didto ako sa Susa nga ulohang siyudad nga atua sa lalawigan sa Elam ug nakita nako sa panan-awon nga ako didto sa daplin sa suba sa Ulai.

Oseas 12:11

Ang Gilead adunay sala, sila mosangpot gayod sa pagkawalay pulos. Kon didto sa Gilgal naghalad sila ug mga laking baka, ang ilang mga halaran usab mahisama sa mga tinapok nga bato didto sa mga tudling sa kaumahan.

Joel 3:1

“Kay tan-awa, nianang mga adlawa ug nianang panahona, sa diha nga ibalik nako ang maayong kahimtang sa Juda ug sa Jerusalem,

Zacarias 1:8

“Nakita nako niadtong gabhiona nga may usa ka tawo nga nagkabayo sa usa ka kabayo nga pula! Nagtindog siya taliwala sa mga kahoy nga mirto nga didto sa ubos, ug sa luyo niya dihay mga kabayo nga pula, kabang ug puti.

Numeros 24:4

ang gipamulong niya nga nakadungog sa mga pulong sa Dios, nga nakakita sa panan-awon sa Labing Gamhanan, nga natumba apan ang iyang mga mata wala taptapi:

Mateo 1:20

Apan samtang naglaraw siya sa pagbuhat niini, dihay usa ka anghel sa Ginoo nga mitungha kaniya pinaagi sa damgo ug miingon, “Jose, anak ni David, ayaw kahadlok sa pagpangasawa kang Maria kay kanang iyang gisamkon gikan sa Espiritu Santo.

Mateo 2:19

Apan sa pagkamatay na ni Herodes, dihay, usa ka anghel sa Ginoo nga mipakita kang Jose didto sa Ehipto pinaagi sa damgo, ug miingon kaniya,

Mateo 23:31

Sa ingon niini nagsaksi kamo batok sa inyong kaugalingon nga kamo mga anak diay niadtong mga mipatay sa mga propeta.

Mateo 23:34

Tungod niini, padad-an nako kamo ug mga propeta ug mga maalamon ug mga magtutudlo, patyon ninyo ang uban kanila ug ang uban inyong ilansang sa krus ug ang uban inyong pamunalan sulod sa inyong mga sinagoga ug inyong lutoson gikan sa usa ka lungsod ngadto sa lain,

Mateo 23:37

“O Jerusalem, Jerusalem nga nagpatay sa mga propeta ug nagbato sa mga pinadala nganha kanimo! Sa makadaghan gipangandoy nako ang pagtigom unta sa imong mga anak, sama sa himungaan nga nagtigom sa iyang mga piso ilalom sa iyang mga pako, apan nagdumili kamo!

Mateo 27:19

Ug samtang naglingkod siya didto sa hukmanan, gipadad-an siya sa iyang asawa ug tugon, “Ayaw pangilabot nianang tawo nga matarong kay karong adlawa nahasol ako pag-ayo tungod sa akong damgo mahitungod kaniya.”

Lucas 1:11

Unya may nagpakita kaniya nga usa ka anghel sa Ginoo nga nagtindog dapit sa tuo sa halaran sa insenso.

Lucas 1:22

Sa paggula niya, siya dili na makasulti kanila, ug ilang nasabtan nga nakakita siya ug usa ka panan-awon sulod sa Templo. Busa misinyas siya kanila ug nagpabilin nga amang.

Lucas 20:6

Apan kon moingon kita, ‘Gikan sa mga tawo,’ batoon kita sa tanang mga tawo, kay nagtuo man sila nga si Juan propeta.”

Mga Buhat 10:11

Ug iyang nakita ang langit nga nabukas ug gipaubos ang usa ka sudlanan nga sama sa usa ka dakong habol nga gitunton pinaagi sa upat ka kanto niini paingon sa yuta.

Mga Buhat 10:17

Samtang si Pedro nalibog pa kon unsay kahulogan niadtong panan-awon nga iyang nakita, ang mga tawo nga gisugo ni Cornelio nagtindog diha sa ganghaan human nila masusi kon diin ang balay ni Simon.

Mga Taga-Efeso 4:11

Ug ang iyang mga gasa mao nga ang uban mahimong mga apostoles, ang uban mga propeta, ang uban mga ebanghilista, ang uban mga pastor ug mga magtutudlo,

Deuteronomio 18:15

“Ang Ginoo nga inyong Dios magpatindog alang kaninyo ug usa ka propeta sama kanako gikan sa inyong taliwala, gikan sa inyong mga igsoon, kaniya mamati kamo.

Deuteronomio 18:18

Magpatindog ako alang kanila ug usa ka propeta nga sama kanimo gikan sa taliwala sa ilang mga igsoon ug ibutang nako ang akong mga pulong sa iyang baba ug siya magsulti kanila sa tanan nga gisugo nako kaniya.

Mga Hebreo 1:1

Sa daghan ug nagkalainlaing mga pamaagi ang Dios misulti kaniadto ngadto sa atong mga katigulangan pinaagi sa mga propeta.

Gipadayag 11:10

Ug sila nga nagpuyo sa yuta maglipay tungod kanila ug magsadya ug maghatagay ug mga gasa, tungod kay kining duha ka propeta nakahatag man ug kasakit ngadto sa mga nagpuyo sa kalibotan.

Gipadayag 11:3

Ug ang akong duha ka saksi nga nagsul-ob ug mga bisti nga sako, hatagan nako ug kagahom sa pagpropesiya sulod sa 1,260 ka adlaw.”

1 Samuel 28:6

Sa diha nga nagpakisayod si Saul sa Ginoo, ang Ginoo wala motubag kaniya, bisan pinaagi sa mga damgo o pinaagi sa Urim o pinaagi sa mga propeta.

1 Samuel 3:15

Si Samuel mihigda hangtod sa buntag. Unya giablihan niya ang mga pultahan sa balay sa Ginoo. Si Samuel nahadlok sa pagsugilon kang Eli sa panan-awon.

1 Samuel 3:21

Ang Ginoo mipakita pag-usab didto sa Silo tungod kay siya nagpadayag sa iyang kaugalingon ngadto kang Samuel pinaagi sa pulong sa Ginoo.