Numeros 12:2

Ang Biblia 2011

Ug sila miingon, “Kang Moises ba lamang diay nakigsulti ang Ginoo. Wala ba usab siya makigsulti kanamo?” Ug ang Ginoo nakadungog niini.

Cross References

Genesis 29:33

Nagsamkon siya pag-usab ug nanganak siya ug usa ka bata nga lalaki ug miingon siya, “Kay ang Ginoo nakadungog nga ako gikasilagan, mao nga gihatag usab niya kining bataa kanako.” Ug gitawag niya ang iyang ngalan ug Simeon.

2 Samuel 11:27

Ug sa diha nga nahuman na ang pagbangutan, si David nagpasugo ug gipadala siya ngadto sa iyang balay, ug siya nahimo nga iyang asawa ug siya nanganak kaniya ug usa ka anak nga lalaki. Apan ang butang nga gihimo ni David wala makapahimuot sa Ginoo.

2 Mga Hari 19:4

Tingali ang Ginoo nga imong Dios nakadungog sa mga pulong sa Rabsakes, nga gipadala sa hari sa Asiria nga iyang agalon aron sa pagbiaybiay sa buhing Dios ug mobadlong sa mga pulong nga nadungog sa Ginoo nga imong Dios. Busa ipatugbaw ang imong pag-ampo alang sa mga nahibilin.”

Exodo 4:14

Unya ang Ginoo nasuko kang Moises ug miingon, “Wala ba diha si Aaron, ang imong igsoon nga Levihanon? Nahibalo ako nga siya maayong manulti. Ug tan-awa, siya nagpaingon nganhi sa pagsugat kanimo, ug sa dihang makakita siya kanimo, malipay siya diha sa iyang kasingkasing.

Exodo 4:30

Ug gisugilon ni Aaron ang tanang pulong nga gisulti sa Ginoo kang Moises ug siya mibuhat ug mga ilhanan diha sa panan-aw sa katawhan.

Exodo 5:1

Unya miadto si Moises ug si Aaron sa Paraon ug miingon kaniya, “Mao kini ang giingon ni Yahweh, ang Dios sa Israel, ‘Tugoti sa paglakaw ang akong katawhan aron sila makahimo ug kasaulogan alang kanako didto sa kamingawan.’ ”

Exodo 7:10

Busa si Moises ug si Aaron miadto sa Paraon ug gibuhat nila kini sumala sa gisugo sa Ginoo ug giitsa ni Aaron ang iyang sungkod sa atubangan sa Paraon ug sa iyang mga alagad, ug kini nahimong bitin.

Mga Panultihon 13:10

Tungod sa pagkamapahitas-on, ang gahi ug ulo maghimo ug kasamok, apan kanila nga magpatambag anaa ang kaalam.

Isaias 37:4

Tingali nga ang Ginoo nga imong Dios namati sa mga pulong sa Rabsakes nga gipadala sa hari sa Asiria nga iyang agalon aron sa paghagit sa Dios nga buhi, ug mobadlong sa mga pulong nga nadungog sa Ginoo nga imong Dios. Busa ipatugbaw ang imong pag-ampo alang sa salin nga nahabilin.’ ”

Miqueas 6:4

Kay gikuha ko ikaw gikan sa yuta sa Ehipto, ug gilukat ko ikaw gikan sa balay sa pagkaulipon; ug gipadala nako kanimo si Moises, si Aaron, ug si Miriam.

Numeros 11:1

Unya ang katawhan nagbagulbol diha sa pangdungog sa Ginoo mahitungod sa ilang kalisdanan. Ug sa dihang nadungog kini sa Ginoo, misilaob ang iyang kasuko ug midilaab batok kanila ang kalayo sa Ginoo ug milamoy sa mga daplin nga bahin sa kampo.

Numeros 11:29

Apan si Moises mitubag kaniya, “Nasina ba ikaw alang kanako? Maayo unta kon ang tibuok nga katawhan sa Ginoo mga propeta pa, nga ibutang sa Ginoo ang iyang Espiritu diha kanila!”

Numeros 12:3

Karon ang tawo nga si Moises mapaubsanon kaayo, labaw kay sa tanang mga tawo sa ibabaw sa yuta.

Numeros 16:3

Naghiusa sila sa pagtigom sa pagbatok kang Moises ug sa pagbatok kang Aaron ug miingon kanila, “Naghingapin na kamo! Ang tibuok nga katilingban balaan, ang matag usa kanila, ug ang Ginoo anaa sa taliwala nila busa ngano nga nagpataas kamo sa inyong kaugalingon ibabaw sa katilingban sa Ginoo?”

Roma 12:10

Paghigugmaay kamo nga mainiton sa usa ug usa ingon nga mga igsoon, pagpalabwanay kamo sa pagtahod sa usa ug usa.

Roma 12:3

Kay ako nagsulti pinaagi sa grasya nga gihatag kanako ngadto sa matag usa kaninyo sa dili paghunahuna ug labaw sa angay ninyo nga hunahunaon mahitungod sa inyong kaugalingon, kondili sa paghunahuna uban sa kaligdong sibo sa gidak-on sa pagtuo nga gihatag sa Dios sa matag usa.

Mga Taga-Filipos 2:14

Buhata ninyo ang tanang butang sa walay pagbagulbol o pagpakiglalais,

Mga Taga-Filipos 2:3

Ayaw kamo pagbuhat ug bisan unsa pinaagi sa kahakog o pagpagarbo sa kaugalingon, apan diha sa pagpaubos isipa ang uban nga labaw pang maayo kay sa inyong kaugalingon.

1 Pedro 5:5

Kamo usab nga mga batan-on, pagmasinugtanon kamo sa mga kadagkoan. Ug kamong tanan, pagsul-ob sa pagkamapaubsanon ngadto sa usa ug usa, kay “Ang Dios mobatok sa mga mapahitas-on, apan sa mga mapaubsanon siya maghatag ug grasya.”