Numeros 12:13

Ang Biblia 2011

Ug mituaw si Moises ngadto sa Ginoo, “Nangaliyupo ako kanimo, O Dios, nga ayohon nimo siya.”

Cross References

Genesis 20:17

Ug si Abraham nag-ampo ngadto sa Dios ug ang Dios nag-ayo kang Abimelek ug sa iyang asawa ug sa iyang mga ulipon nga babaye nga tungod niana nanganak sila.

1 Mga Hari 13:6

Ug ang hari miingon sa tawo sa Dios, “Hangyoa karon ang kaluoy sa Ginoo nga imong Dios ug iampo ako nga ang akong kamot maulian.” Ug ang tawo sa Dios mihangyo sa Ginoo ug ang kamot sa hari naulian ug nabalik kini sama sa kaniadto.

Salmo 30:2

O Ginoo nga akong Dios, kanimo nagpakitabang ako ug imo akong giayo.

Salmo 41:4

Alang kanako ako miingon, “O Ginoo, kaluy-i intawon ako; ayoha ako, kay nakasala ako batok kanimo!”

Exodo 15:26

Siya miingon, “Kon mamati gayod kamo pag-ayo sa tingog sa Ginoo nga inyong Dios ug magbuhat sa unsay matarong sa iyang mga mata, ug magpatalinghog sa iyang mga sugo ug magtuman sa tanan niyang mga lagda, walay bisan unsang sakit nga ipahamtang nako kaninyo nga akong gipahamtang sa mga Ehiptohanon kay ako mao ang Ginoo nga nag-ayo kaninyo.”

Exodo 4:7

Unya ang Dios miingon, “Ibalik pagbutang ang imong kamot sa imong dughan ilalom sa imong kupo.” Ug iyang gibalik pagbutang ang iyang kamot sa ilalom sa iyang kupo ug sa iyang pagkuha niini, naulian kini sama sa ubang bahin sa iyang lawas.

Isaias 30:26

Dugang pa, ang kahayag sa bulan mahisama sa kahayag sa adlaw, ug ang kahayag sa adlaw mahimong pito ka pilo, ingon sa kahayag sa pito ka adlaw, sa adlaw nga ang Ginoo magbaat sa samad sa iyang katawhan ug mag-ayo sa ilang samad tungod sa iyang hampak.

Jeremias 17:14

Ayoha ako, O Ginoo, ug ako mamaayo; luwasa ako, ug ako maluwas; kay ikaw mao ang akong pagdayeg.

Numeros 11:2

Ug ang katawhan nagpakitabang kang Moises, ug si Moises nag-ampo ngadto sa Ginoo ug napalong ang kalayo.

Numeros 12:12

Ayaw intawon siya himoa nga sama sa patay, nga ang unod hapit na madunot sa paggula niya sa taguangkan sa iyang inahan.”

Numeros 14:2

Ug ang tanang katawhan sa Israel nagbagulbol batok kang Moises ug batok kang Aaron, ug ang tibuok nga katilingban miingon kanila, “Maayo pa unta ug nangamatay kami didto sa yuta sa Ehipto! O maayo pa unta ug nangamatay kami niining kamingawan!

Numeros 16:41

Apan sa pagkaugma ang tibuok nga katilingban sa katawhan sa Israel nagbagulbol batok kang Moises ug batok kang Aaron nga nag-ingon, “Gipatay ninyo ang katawhan sa Ginoo.”

Lucas 23:34

Unya si Jesus miingon, “Amahan, pasayloa sila, kay wala sila masayod sa ilang gibuhat.” Ug ilang giripahan ang iyang mga bisti aron sa pagbahin niini.

Lucas 6:28

Panalangini ang mga nagtunglo kaninyo ug pag-ampo alang sa mga nagdaogdaog kaninyo.

Mga Buhat 7:60

Ug siya miluhod ug misinggit sa kusog nga tingog, “Ginoo, ayaw paningla kining salaa diha kanila.” Ug sa nakasulti na siya niini, siya namatay.

Roma 12:21

Ayaw pagpadaog sa daotan, dag-a ang daotan pinaagi sa maayo.

Santiago 5:15

Ang pag-ampo sa pagtuo mag-ayo sa masakiton, ug siya pabangonon sa Ginoo, ug kon siya nakasala man, pasayloon siya.

1 Samuel 12:23

Dugang pa, ipahilayo unta kini gikan kanako nga ako makasala batok sa Ginoo pinaagi sa paghunong sa pag-ampo alang kaninyo, ug ako magtudlo kaninyo sa maayo ug sa matarong nga dalan.

1 Samuel 15:11

“Nasubo ako nga akong gihimo si Saul nga hari kay siya mitalikod gikan sa pagsunod kanako ug wala magbuhat sa akong mga sugo.” Ug si Samuel nasuko ug siya nagtuaw ngadto sa Ginoo sa tibuok nga gabii.