Numeros 12:1

Ang Biblia 2011

Unya si Miriam ug si Aaron misulti batok kang Moises tungod sa babaye nga Cusihanon nga iyang gipangasawa kay siya nangasawa man sa babaye nga Cusihanon.

Cross References

Genesis 24:3

ug papanumpaon ko ikaw pinaagi sa Ginoo, ang Dios sa langit, ang Dios sa yuta, nga dili ka mangita ug maasawa alang sa akong anak gikan sa mga anak sa mga Canaanhon diin ako magpuyo.

Genesis 24:37

Ug ako gipapanumpa sa akong agalon nga nag-ingon, ‘Ayaw pagkuha ug maasawa alang sa akong anak gikan sa mga anak sa mga Canaanhon, nga ang yuta maoy akong gipuy-an.

Genesis 27:46

Unya miingon si Rebecca kang Isaac, “Naugtas ako sa akong kinabuhi tungod sa mga babayeng Hitihanon. Kon si Jacob mangasawa sa usa sa mga babayeng Hitihanon nga ingon niini, usa sa mga babaye niining yutaa, unsay kapuslanan sa akong kinabuhi?”

Genesis 41:45

Ug ang Paraon nagngalan kang Jose ug Zafenat-panea ug gihatag kaniya ingon nga asawa si Asenat nga anak ni Potifera ang pari sa On. Ug milibot si Jose sa yuta sa Ehipto.

Exodo 2:16

Unya ang pari sa Midian adunay pito ka anak nga babaye ug miadto sila sa pagkalos ug tubig ug gipuno nila ang mga pasungan nga imnanan sa mga karnero sa ilang amahan.

Exodo 2:21

Ug si Moises miuyon sa pagpuyo uban niadtong tawhana ug iyang gihatag kang Moises ang iyang anak nga babaye nga si Zipora.

Exodo 34:16

ug kuhaon ninyo ang ilang mga anak nga babaye alang sa inyong mga anak nga lalaki, ug ang ilang mga anak nga babaye magsimba sa ilang mga diosdios ug maghimo sa inyong mga anak nga lalaki sa pagpakighilawas sa pagsimba sa ilang mga diosdios.

Levitico 21:14

Sa usa ka biyuda o binulagan o sa usa ka babaye nga napasipad-an o sa usa ka babayeng nagbaligya ug dungog dili gayod siya mangasawa. Apan mangasawa siya ug ulay gikan sa iyang katawhan,

Numeros 14:22

kadtong tanang mga tawo nga nakakita sa akong himaya ug sa mga ilhanan nga akong gihimo didto sa Ehipto ug didto sa kamingawan nagsulay man kanako sa napulo na ka higayon ug wala mamati sa akong tingog,

Numeros 16:2

Ug sila mitindog sa atubangan ni Moises uban sa pipila ka katawhan sa Israel, 250 ka pangulo sa katilingban, mga pinili sa katilingban ug mga tawo nga inila.

Numeros 26:59

Ug ang ngalan sa asawa ni Amram mao si Jocabed nga anak ni Levi, siya natawo kang Levi didto sa Ehipto, ug iyang gipanganak kang Amram si Aaron ug si Moises ug si Miriam nga ilang igsoong babaye.

Mateo 10:36

ug ang mga kaaway sa tawo anaa ra sa sulod sa iyang kaugalingong panimalay.

Mateo 12:48

Apan siya mitubag ngadto sa tawo nga misugilon kaniya, “Kinsa ba ang akong inahan, ug kinsa ba ang akong mga igsoong lalaki?”

Juan 15:20

Hinumdomi ang pulong nga akong gisulti kaninyo, ‘Ang ulipon dili labaw sa iyang agalon.’ Kon sila naglutos kanako, sila maglutos usab kaninyo. Kon sila nagtuman sa akong pulong, sila motuman usab sa inyong pulong.

Juan 7:5

Kay bisan ang iyang mga igsoon wala man motuo kaniya.

Mga Taga-Galacia 4:16

Karon nahimo na ba ako ninyong kaaway tungod sa akong pagsugilon kaninyo sa kamatuoran?