Numeros 11:8

Ang Biblia 2011

Ang katawhan naglibotlibot ug namunit niini ug gigaling nila kini sa mga galingan o gilubok kini diha sa mga lusong ug giluto kini diha sa mga kulon ug naghimo sila gikan niini ug mga torta ug ang lami niini sama sa torta nga giluto ug lana.

Cross References

Genesis 25:29

Unya nagluto si Jacob ug sud-an nga sinabawan ug miabot si Esau gikan sa kapatagan ug gigutom pag-ayo.

Exodo 16:23

si Moises miingon kanila, “Kini mao ang gisugo sa Ginoo, ‘Ugma mao ang adlaw sa pagpahulay, balaan nga adlaw nga igpapahulay alang sa Ginoo. Busa lutoa ang buot ninyong lutoon ug lung-aga ang buot ninyong lung-agon, ang tanang nasalin ninyo, tipigi hangtod sa pagkabuntag.’ ”

Exodo 16:31

Ang panimalay sa Israel nagtawag niini ug mana. Sama kini sa liso sa koriandro, puti, ug ang lami niini sama sa pan nga nipis nga may dugos.

Numeros 11:7

Ang mana sama sa liso sa kulantro ug ang dagway niini sama sa uga nga tagok.

Numeros 11:9

Ug sa diha nga ang yamog mangahulog sa ibabaw sa kampo sa pagkagabii, ang mana mahulog uban niini.

Juan 6:27

Ayaw kamo paghago alang sa pagkaon nga mahanaw ra kondili alang sa pagkaon nga molungtad ngadto sa kinabuhing dayon nga ihatag kaninyo sa Anak sa Tawo kay diha kaniya ang Dios nga Amahan nagpatik sa iyang timaan.”

Juan 6:31

Ang among mga katigulangan nangaon sa mana didto sa kamingawan, sumala sa nasulat, ‘Gihatag niya kanila ang pan gikan sa langit aron ilang kaonon.’”