Numeros 11:23

Ang Biblia 2011

Ug ang Ginoo miingon kang Moises, “Mubo ba diay ug kamot ang Ginoo? Karon makita nimo kon mahitabo ba kanimo ang akong gipamulong o dili.”

Cross References

Genesis 18:14

Aduna bay mga butang nga lisod alang sa Dios? Sa gitakda nga panahon mobalik ako kanimo, sa tingpamulak, ug si Sarah makabaton ug usa ka anak nga lalaki.”

2 Mga Hari 4:43

Apan ang iyang sulugoon miingon, “Unsaon nako pagbutang niini sa atubangan sa usa ka gatos ka tawo?” Busa siya miingon, “Hatagi ang katawhan, aron sila makakaon, kay kini mao ang giingon sa Ginoo, ‘Sila mangaon ug magbilin ug salin niini.’ ”

2 Mga Hari 7:2

Unya ang pangulo nga maoy sinaligan sa hari miingon sa tawo sa Dios, “Kon ang Ginoo maghimo ug mga tamboanan sa langit, mahitabo kaha kining butanga?” Apan siya miingon, “Ikaw makakita niana sa imong mga mata, apan dili ikaw makakaon niana.”

Salmo 78:41

Miusab pa gayod sila sa pagsulay sa Dios, ug mihagit sa Balaan sa Israel.

Exodo 6:1

Apan ang Ginoo miingon kang Moises, “Karon imong makita kon unsay buhaton nako sa Paraon kay pinaagi sa kamot nga kusgan motugot siya sa pagpalakaw kanila ug pinaagi sa kamot nga kusgan iyang abogon sila ngadto sa gawas sa iyang yuta.”

Isaias 50:2

Ngano man nga sa akong pag-abot walay tawo? Sa akong pagtawag, walay usa nga mitubag? Gipamub-an ba ang akong kamot nga kini dili makalukat? O wala ba akoy gahom aron sa pagluwas? Tan-awa, tungod sa akong pagbadlong gipauga nako ang dagat, gihimo nako ang mga sapa nga usa ka kamingawan; ang ilang mga isda nangabaho, tungod kay wala nay tubig ug nangamatay tungod sa kauhaw.

Isaias 59:1

Tan-awa, ang kamot sa Ginoo dili mubo nga kini dili makaluwas, o ang iyang dalunggan bungol, nga kini dili makadungog;

Jeremias 14:9

Ngano nga sama man ikaw sa usa ka tawo nga nalibog, sama sa usa ka tawong kusgan nga dili makaluwas? Apan ikaw, O Ginoo, ania sa among taliwala, ug kami gitawag sa imong ngalan; ayaw kami biyai.”

Jeremias 32:17

‘O Ginoong Dios! Ikaw mao ang nagbuhat sa langit ug sa yuta pinaagi sa imong dakong gahom ug pinaagi sa tinuy-od nimong mga bukton! Walay bisan unsa nga lisod kaayo alang kanimo,

Jeremias 32:27

“Tan-awa, ako mao ang Ginoo, ang Dios sa tanang unod; aduna bay lisod alang kanako?

Ezequiel 12:25

Apan ako, ang Ginoo, ako mosulti sa pulong nga akong isulti ug kini matuman. Kini dili na gayod langayon pa, hinuon sa inyong mga adlaw, O balay nga masupilon, akong isulti ang pulong ug himoon kini, nag-ingon ang Ginoong Dios.”

Ezequiel 24:14

“Ako, ang Ginoo, mao ang nagsulti; Kini mahitabo gayod ug buhaton nako kini. Dili ako mosibog, dili ako magsaylo, dili ako maghinulsol. Sumala sa imong mga pamaagi ug sa imong mga buhat, hukman ko ikaw, nag-ingon ang Ginoong Dios.”

Daniel 6:20

Sa pagduol niya sa langob diin didto si Daniel, misinggit siya sa usa ka tingog nga masulob-on ug miingon kang Daniel, “O Daniel, alagad sa Dios nga buhi, ang imong Dios nga imong gialagaran sa kanunay nagluwas ba kanimo gikan sa mga liyon?”

Miqueas 2:7

Kinahanglan ba kini nga isulti, O balay ni Jacob? Wala bay pailob ang Espiritu sa Ginoo? Mao ba kini ang iyang mga buhat? Dili ba makaayo man ang akong mga pulong ngadto kaniya nga naglakaw nga matarong?

Numeros 11:22

Ihawan ba sila ug mga panon sa mga karnero ug mga baka aron sa pagbusog kanila? O tigomon ba alang kanila ang tanang mga isda sa dagat aron sa pagbusog kanila?”

Numeros 23:19

Ang Dios dili tawo nga siya mamakak, o anak sa tawo nga siya maghinulsol. Nagsulti ba siya ug dili niya kini buhaton? O nagsulti ba siya ug dili niya kini tumanon?

Mateo 19:26

Si Jesus mitan-aw kanila ug miingon, “Sa tawo, dili kini mahimo apan sa Dios ang tanan mahimo.”

Mateo 24:35

Ang langit ug ang yuta mahanaw, apan ang akong mga pulong dili gayod mahanaw.

Lucas 1:37

Kay sa Dios walay dili mahimo.”