Numeros 11:20

Ang Biblia 2011

kondili sa usa ka bulan gayod hangtod nga kini manggula sa inyong mga ilong ug lud-on kamo niini tungod kay gisalikway ninyo ang Ginoo nga anaa sa taliwala ninyo ug nanghilak kamo sa atubangan niya nga nag-ingon, “Ngano man nga nanggula kita gikan sa Ehipto?” ’ ”

Cross References

2 Samuel 12:10

Busa karon ang espada dili mobiya gikan sa imong balay, tungod kay imo akong gitamay ug gikuha nimo ang asawa ni Uria nga Hitihanon aron imong maasawa.’

Salmo 106:15

siya mihatag kanila sa ilang gipangayo, apan gipadad-an sila ug makaut-ot nga sakit.

Exodo 16:13

Sa pagkagabii mitungha ang mga buntog ug milukop sa kampo ug sa pagkabuntag ang yamog milukop sa kampo.

Exodo 16:3

Ug ang katawhan sa Israel miingon kanila, “Maayo pa ug nangamatay kami pinaagi sa kamot sa Ginoo didto sa Ehipto sa dihang naglingkod kami tupad sa mga kulon sa mga unod ug nagkaon ug pan hangtod sa mabusog. Kay kamo nagdala kanamo dinhi niining kamingawan aron sa pagpatay niining tibuok nga katilingban pinaagi sa gutom.”

Exodo 16:8

Ug miingon si Moises, “Ang Ginoo maghatag kaninyo ug unod aron kaonon sa pagkagabii, ug sa pagkabuntag pan hangtod kamo mabusog, kay siya nakadungog man sa mga bagulbol nga batok kaniya. Unsa ba kami? Ang inyong mga pagbagulbol dili batok kanamo, kondili batok sa Ginoo.”

Mga Panultihon 27:7

Siya nga nabusog magdumili sa dugos, apan kaniya nga gigutom ang tanang pait tam-is,

Malaquias 1:6

“Ang usa ka anak nagtahod sa iyang amahan ug ang usa ka sulugoon, sa iyang agalon. Kon ako usa ka amahan, hain man ang akong dungog? Ug kon ako usa ka agalon hain man ang kahadlok kanako? nag-ingon ang Ginoo sa mga panon kaninyo, O mga pari nga nagtamay sa akong ngalan. Kamo nag-ingon, ‘Giunsa namo pagbugalbugal ang imong ngalan?’

Numeros 11:13

Asa man ako ug karne nga ikahatag niining tibuok nga katawhan? Nanghilak sila diri kanako, ug nag-ingon, ‘Hatagi kami ug karne aron among kaonon.’

Numeros 11:19

Magkaon kamo dili sa usa ka adlaw o sa duha ka adlaw o sa lima ka adlaw o sa napulo ka adlaw o sa 20 ka adlaw lamang,

Numeros 11:21

Apan si Moises miingon, “Ang katawhan diin ako uban unom ka gatos ka libo nga naglakaw, ug ikaw nag-ingon, ‘Hatagan nako sila ug karne aron mangaon sila sulod sa usa ka bulan!’

Numeros 14:3

Ug nganong gidala man kami sa Ginoo niining yutaa aron mangapukan pinaagi sa espada? Ang among mga asawa ug ang among kabataan mahimo nga tukbonon. Dili ba maayo pa kanamo nga mamalik sa Ehipto?”

Numeros 14:4

Ug miingon sila sa usa ug usa, “Magpili kita ug usa ka pangulo, ug mamalik kita sa Ehipto.”

Numeros 16:13

Gamay ba lamang kini nga butang nga gidala nimo kami gikan sa usa ka yuta diin nag-agas ang gatas ug dugos aron sa pagpatay kanamo dinhi sa kamingawan, nga ikaw maghimo pa gayod sa imong kaugalingon nga pangulo ibabaw kanamo?

Numeros 20:4

Ngano nga gidala man ninyo ang katilingban sa Ginoo niining kamingawan aron mangamatay kami dinhi, kami ug ang among mga kahayopan?

Numeros 21:5

Ug ang katawhan misulti batok sa Dios ug batok kang Moises, “Ngano man nga gipatungas ninyo kami gikan sa Ehipto aron mangamatay kami niining kamingawan? Kay walay pan ug walay tubig ug ang among kalag giluod niining pan nga hilabihan ka gaan.”

Mga Buhat 13:41

‘Tan-aw, kamong mga mayubiton, katingala ug pangalaglag, kay sa inyong mga adlaw nagbuhat ako ug usa ka buhat, buhat nga dili gayod ninyo tuohan, bisan pa kon adunay magsugilon niini kaninyo.’ ”

1 Mga Taga-Tesalonica 4:8

Busa bisan kinsa nga mosalikway niini, wala magsalikway sa tawo kondili sa Dios nga naghatag usab sa iyang Espiritu Santo nganha kaninyo.

Josue 24:27

Ug si Josue miingon sa tibuok katawhan, “Tan-awa, kining batoha mahimong usa ka saksi batok kanato kay kini nakadungog sa tanang mga pulong sa Ginoo nga iyang gisulti kanato, busa kini mahimong usa ka saksi batok kaninyo kay tingali unya ug inyong limbongan ang inyong Dios.”

1 Samuel 10:19

Apan kamo niining adlawa nagsalikway sa inyong Dios nga nagluwas kaninyo gikan sa tanan ninyong katalagman ug sa inyong kasakit, ug kamo nagsulti kaniya, ‘Dili! pagbutang hinuon ug usa ka hari ibabaw kanamo.’ Busa karon ipakita ang inyong kaugalingon ngadto sa Ginoo pinaagi sa inyong mga banay ug sa inyong mga linibo.”

1 Samuel 2:30

Busa ang Ginoo, ang Dios sa Israel nagpahayag, ‘Akong gisaad nga ang imong panimalay ug ang panimalay sa imong amahan mosulod ug mogawas sa akong atubangan hangtod sa kahangtoran,’ apan karon ang Ginoo nagpahayag, ‘Ipalayo kana kanako, kay sila nga nagpasidungog kanako akong pasidunggan, ug sila nga nagtamay kanako tamayon.