Numeros 11:17

Ang Biblia 2011

Unya ako mokunsad ug makigsulti kanimo didto, ug ako magkuha ug espiritu nga anaa kanimo, ug kini ibutang nako kanila ug sila magpas-an sa kabug-at sa katawhan uban kanimo aron dili ikaw magpas-an niini nga mag-inusara.

Cross References

Genesis 11:5

Ug nanaog ang Ginoo aron sa pagtan-aw sa siyudad, ug sa tore nga gitukod sa mga anak sa mga tawo.

Genesis 17:22

Ug sa dihang nahuman siya sa pagpakigsulti kang Abraham, ang Dios mikayab gikan kaniya.

Genesis 17:3

Unya si Abram mihapa ug ang Dios miingon kaniya,

Genesis 18:33

Ug mipadayon ang Ginoo sa paglakaw human siya makigsulti kang Abraham, ug si Abraham mipauli sa iyang dapit.

2 Mga Hari 2:15

Unya sa pagkakita kaniya sa pundok sa mga propeta nga didto sa Jerico atbang kaniya, sila miingon, “Ang espiritu ni Elias anaa kang Eliseo.” Ug sila nangadto sa pagtagbo kaniya ug miyukbo diha sa yuta sa atubangan niya.

2 Mga Hari 2:9

Sa dihang nakalabang na sila, si Elias miingon kang Eliseo, “Pangayo unsay akong buhaton alang kanimo, sa dili pa ako kuhaon gikan kanimo.” Ug si Eliseo miingon, “Ako naghangyo kanimo, ipapanunod kanako ang imong espiritu sa duha ka pilo.”

Nehemias 9:20

Ikaw naghatag sa imong maayong Espiritu aron sa pagtudlo kanila ug wala maghikaw sa mana gikan sa ilang baba, ug naghatag kanila sa tubig alang sa ilang kauhaw.

Exodo 18:18

Sa pagkatinuod ikaw maugtas ug ang katawhan nga uban kanimo maugtas kay kining butanga bug-at kaayo alang kanimo. Dili ikaw makahimo sa pagbuhat niini nga ikaw lamang usa.

Exodo 18:22

Ug sila ang pahukma sa katawhan sa tanang panahon ug ang tanang dagkong butang ilang dad-on nganha kanimo, apan sa mga gagmayng butang, sila ang pahukma. Busa sayon na lang alang kanimo, ug sila magpas-an sa kabug-at uban kanimo.

Exodo 19:11

Ug paandama sila sa ikatulong adlaw kay sa ikatulong adlaw mokunsad ang Ginoo sa Bukid sa Sinai, sa atubangan sa tanang katawhan.

Exodo 19:20

Unya ang Ginoo mikunsad sa Bukid sa Sinai, sa kinatumyan sa bukid, ug gitawag niya si Moises ngadto sa kinatumyan sa bukid ug mitungas si Moises.

Exodo 34:5

Ug ang Ginoo mikunsad diha sa panganod ug mitindog didto uban kaniya ug nagpahayag sa ngalan, Yahweh.

Isaias 44:3

Kay magbubo ako ug tubig diha sa giuhaw nga yuta, ug mga sapa diha sa uga nga yuta; ako magbubo sa akong Espiritu sa ibabaw sa imong kaliwatan, ug sa akong panalangin sa imong kaliwat.

Isaias 63:11

Unya nahinumdom siya sa mga adlaw sa kanhing panahon, mahitungod kang Moises nga iyang sulugoon. Hain na man siya nga nagpakawas kanila gikan sa dagat sa mga tigbantay sa iyang panon sa karnero? Hain man siya nga nagbutang sa iyang balaan nga Espiritu taliwala kanila,

Joel 2:28

“Unya mahitabo sa ulahi nga ibubo nako ang akong espiritu sa tanang tawo, ang inyong mga anak nga lalaki ug ang inyong mga anak nga babaye magpropesiya, ang inyong mga tigulang magdamgo ug mga damgo, ug ang inyong mga batan-ong lalaki makakita ug mga panan-awon.

Numeros 11:25

Ug ang Ginoo mikunsad sa panganod ug misulti kaniya ug mikuha sa ubang espiritu nga anaa kaniya ug gibutang kini ngadto sa 70 ka kadagkoan. Ug sa diha na ang espiritu kanila, nagpropesiya sila apan wala sila mopadayon.

Numeros 12:5

Ug ang Ginoo mikunsad diha sa usa ka haligi nga panganod ug mibarog diha sa pultahan sa Tolda ug mitawag kang Aaron ug kang Miriam ug miduol silang duha.

Numeros 12:8

Uban kaniya makigsulti ako baba sa baba, sa dayag gayod ug dili pinaagi sa mga tanghaga, ug makita niya ang dagway sa Ginoo. Busa nganong wala man kamoy kahadlok sa pagsulti batok sa akong alagad nga si Moises?”

Numeros 27:18

Ug ang Ginoo miingon kang Moises, “Dad-a si Josue nga anak ni Nun, usa ka tawo nga kaniya anaa ang Espiritu, ug ipandong ang imong kamot ibabaw kaniya,

Numeros 7:89

Ug sa pagsulod ni Moises sa tolda nga tagboanan aron sa pagpakigsulti sa Ginoo, iyang nadungog ang tingog nga nagsulti kaniya gikan sa ibabaw sa tabon nga diha sa ibabaw sa sudlanan sa pagpamatuod, gikan sa taliwala sa duha ka mga kerubin, ug kini nakigsulti kaniya.

Juan 3:13

Walay nakasaka ngadto sa langit gawas kaniya nga nanaog gikan sa langit, nga mao ang Anak sa Tawo

Juan 7:39

Ug siya nagsulti niini mahitungod sa Espiritu nga dawaton sa mga nagtuo kaniya kay ang Espiritu wala pa man ikahatag, kay niadtong tungora si Jesus wala pa man himayaa.

Roma 8:9

Apan kamo wala na diha sa unod kondili anaa sa Espiritu, kon tinuod man nga ang Espiritu sa Dios nagpuyo diha kaninyo. Ang wala magbaton sa Espiritu ni Cristo dili iyaha.

1 Mga Taga-Corinto 2:12

Apan kita nakadawat dili sa espiritu sa kalibotan kondili sa Espiritu nga gikan sa Dios, aron kita makasabot sa mga butang nga gihatag sa Dios kanato.

1 Mga Taga-Tesalonica 4:8

Busa bisan kinsa nga mosalikway niini, wala magsalikway sa tawo kondili sa Dios nga naghatag usab sa iyang Espiritu Santo nganha kaninyo.

1 Pedro 1:22

Kay nahinloan na man ninyo ang inyong mga kalag pinaagi sa inyong pagkamasinugtanon sa kamatuoran ngadto sa matinud-anon nga paghigugma nga inigsoon gikan sa putli nga kinasingkasing, paghigugmaay kamo sa usa ug usa nga mainiton gayod.

Judas 1:19

Mao kini sila ang naghimo ug mga pagbahinbahin, mga tawong kalibotanon, wala magbaton sa Espiritu.

1 Samuel 10:6

Unya ang Espiritu sa Ginoo moabot kanimo nga puno sa gahom ug ikaw magpropesiya uban kanila ug mahimo ikaw nga lahi nga tawo.