Numeros 11:12

Ang Biblia 2011

Ako ba ang nagsamkon niining tibuok nga katawhan? Ug ako bay nanganak kanila aron mag-ingon ikaw kanako, ‘Dad-a sila sa imong sabakan sama sa tig-alima nga nagdala sa batang masuso’ ngadto sa yuta nga imong gipanumpa sa ilang katigulangan?

Cross References

Genesis 13:15

Kay ang tanang yuta nga imong nakita, ihatag nako kanimo ug sa imong kaliwatan hangtod sa kahangtoran.

Genesis 24:7

Ang Ginoo, ang Dios sa langit, nga mikuha kanako gikan sa balay sa akong amahan ug gikan sa yuta nga akong natawhan ug misulti kanako ug nanumpa kanako, ‘Ngadto sa imong kaliwatan ihatag nako kining yutaa,’ siya magsugo sa iyang anghel una kanimo ug ikaw magkuha ug maasawa sa akong anak gikan didto.

Genesis 26:3

Puyo dinhi niining yutaa, ug ako mag-uban kanimo ug ikaw akong panalanginan, kay kanimo ug sa imong kaliwatan, ihatag nako kining tanang mga yuta ug tumanon nako ang gipanumpa nako kang Abraham nga imong amahan.

Genesis 50:24

Ug si Jose miingon sa iyang mga igsoon nga lalaki, “Hapit na ako mamatay apan ang Dios magduaw kaninyo ug magdala kaninyo gikan niining yutaa ngadto sa yuta nga gisaad niya kang Abraham, kang Isaac ug kang Jacob.”

2 Mga Hari 10:1

Si Ahab may 70 ka anak nga lalaki didto sa Samaria. Busa si Jehu misulat ug mipadala niini ngadto sa Samaria, ngadto sa mga namunoan sa Jesreel, sa mga kadagkoan ug kanila nga nagmatuto sa mga anak ni Ahab, nga nag-ingon,

2 Mga Hari 10:5

Busa siya nga tinugyanan sa palasyo ug siya nga tigdumala sa siyudad, uban sa mga kadagkoan sa mga nagmatuto nagsugo ngadto kang Jehu sa pag-ingon, “Kami imong mga sulugoon ug motuman sa tanan nga imong isugo kanamo. Dili kami mohimo ni bisan kinsa nga hari; buhata ang unsay maayo diha sa imong mga mata.”

Exodo 13:11

“Sa dihang dad-on na kamo sa Ginoo ngadto sa yuta sa mga Canaanhon, ingon sa iyang gipanumpa kaninyo ug sa inyong mga katigulangan, ug ihatag kini nganha kaninyo,

Exodo 13:5

Sa dihang dad-on na kamo sa Ginoo ngadto sa yuta sa mga Canaanhon, sa mga Hitihanon, sa mga Amorihanon, sa mga Hibihanon ug sa mga Jebusihanon, nga gipanumpa niya sa inyong mga katigulangan nga iyang ihatag kaninyo, yuta diin nag-agas ang gatas ug dugos, tumana ninyo kini nga tulumanon niining bulana.

Exodo 33:1

Unya ang Ginoo miingon kang Moises, “Lakaw ug tungas, ikaw ug ang katawhan nga imong gidala gikan sa yuta sa Ehipto padulong sa yuta nga akong gipanumpa kang Abraham, kang Isaac ug kang Jacob, nga nag-ingon, ‘Ngadto sa imong kaliwatan ihatag ko kini.’

Exodo 6:8

Ug dad-on ko kamo ngadto sa yuta nga akong gipanumpa nga ihatag kang Abraham, kang Isaac ug kang Jacob ug ihatag ko kini kaninyo ingon nga panulundon. Ako mao ang Ginoo.”

Isaias 40:11

Siya magpasibsib sa iyang panon sama sa usa ka tigbantay sa karnero, siya nagtigom sa mga nating karnero diha sa iyang bukton, magkugos kanila diha sa iyang dughan, ug malumong maggiya niadtong adunay mga gagmay.

Isaias 49:15

“Malimot ba ang usa ka babaye sa iyang masuso nga bata, nga dili siya magbaton ug kaluoy sa anak sa iyang taguangkan? Bisan kini sila makalimot, apan ako dili gayod malimot kanimo.

Isaias 49:23

Ang mga hari mahimo nga imong ama-ama ug ang ilang mga rayna mahimong inahan nga mag-atiman. Sila magyukbo kanimo, nga ang ilang nawong anha sa yuta ug magtilap sa abog sa imong mga tiil. Unya ikaw masayod nga ako mao ang Ginoo; ug sila nga maghulat kanako dili maulawan.”

Ezequiel 34:23

Ug ibutang nako ang usa ka tigbantay ibabaw kanila, ang akong alagad nga si David, ug siya magpasibsib kanila. Siya magpasibsib kanila ug siya mahimong ilang tigbantay.

Juan 10:11

Ako mao ang maayong magbalantay sa karnero. Ang maayong magbalantay sa karnero nagtahan sa iyang kinabuhi alang sa karnero.

1 Mga Taga-Corinto 4:15

Kay bisan pa ug pila ka libo ang mag-agak kaninyo diha kang Cristo, dili daghan ang inyong amahan. Kay ako nahimong inyong amahan diha kang Cristo Jesus pinaagi sa Maayong Balita.

Mga Taga-Galacia 4:19

Mga anak ko, nga gikasakitan nako pag-usab hangtod nga si Cristo mahulma diha sa sulod ninyo!

Deuteronomio 1:31

ug didto sa kamingawan, diin nakita ninyo kon giunsa sa Ginoo nga inyong Dios ang pagdala kaninyo sama sa usa ka tawo nga nagdala sa iyang anak diha sa tanang dalan nga inyong giagian hangtod nga midangat kamo niining dapita.’

1 Mga Taga-Tesalonica 2:7

Apan kami malumo uban kaninyo sama sa inahan nga nag-atiman sa iyang mga anak.