Numeros 11:10

Ang Biblia 2011

Unya nabati ni Moises ang mga paghilak sa katawhan diha sa tanan nilang kabanayan, ang matag tawo diha sa pultahan sa iyang tolda, ug ang kasuko sa Ginoo misilaob sa hilabihan gayod ug si Moises wala mahimuot niini.

Cross References

Salmo 106:25

Nagbagulbol sila diha sa ilang mga tolda, ug wala mamati sa tingog sa Ginoo.

Salmo 139:21

Wala ba nako kasilagi ang nasilag kanimo, O Ginoo? Ug wala ba nako dumti ang mialsa batok kanimo?

Salmo 78:21

Busa sa dihang nakadungog ang Ginoo, nasuko siya pag-ayo; gipasilaob ang usa ka kalayo batok kang Jacob, ang iyang kasuko misaka batok sa Israel;

Salmo 78:59

Sa diha nga nakadungog ang Dios, siya nasuko, ug gisalikway niya sa hilabihan ang Israel.

Isaias 5:25

Busa ang kasuko sa Ginoo misilaob batok sa iyang katawhan, ug iyang gibakyaw ang iyang kamot batok kanila ug gilaglag sila; ug ang kabukiran nauyog, ug ang ilang mga minatay nahisama sa basura taliwala sa mga dalan. Bisan pa niining tanan ang iyang kasuko wala mapalong, ug ang iyang kamot iya pa gihapong gibakyaw.

Jeremias 17:4

Mabuhian nimo ang panulundon nga akong gihatag kanimo ug paalagaron ko ikaw sa imong mga kaaway didto sa yuta nga wala nimo mahibaloi, kay sa akong kasuko nahaling ang kalayo nga magdilaab hangtod sa kahangtoran.”

Numeros 11:1

Unya ang katawhan nagbagulbol diha sa pangdungog sa Ginoo mahitungod sa ilang kalisdanan. Ug sa dihang nadungog kini sa Ginoo, misilaob ang iyang kasuko ug midilaab batok kanila ang kalayo sa Ginoo ug milamoy sa mga daplin nga bahin sa kampo.

Numeros 11:11

Busa si Moises miingon sa Ginoo, “Ngano man nga nagbuhat ikaw ug daotan sa imong ulipon? Ug ngano nga wala man ako makakaplag ug kahimuot sa imong panan-aw, nga gibutang man nimo ang palas-anon niining tibuok katawhan nganhi kanako?

Numeros 11:9

Ug sa diha nga ang yamog mangahulog sa ibabaw sa kampo sa pagkagabii, ang mana mahulog uban niini.

Numeros 12:3

Karon ang tawo nga si Moises mapaubsanon kaayo, labaw kay sa tanang mga tawo sa ibabaw sa yuta.

Numeros 12:9

Ug ang kasuko sa Ginoo misilaob batok kanila ug siya mibiya.

Numeros 16:27

Busa nagpalayo sila gikan sa palibot sa tolda ni Korah, ni Datan ug ni Abiram. Unya si Datan ug si Abiram migula ug mibarog sa pultahan sa ilang mga tolda, ug ang ilang mga asawa ug ang ilang mga anak nga lalaki ug ang ilang mga kabataan.

Numeros 21:5

Ug ang katawhan misulti batok sa Dios ug batok kang Moises, “Ngano man nga gipatungas ninyo kami gikan sa Ehipto aron mangamatay kami niining kamingawan? Kay walay pan ug walay tubig ug ang among kalag giluod niining pan nga hilabihan ka gaan.”

Marcos 10:14

Apan sa pagkakita ni Jesus niini, nasuko siya ug miingon kanila, “Paduola kanako ang gagmayng kabataan, ug ayaw ninyo sila pugngi kay ang gingharian sa Dios ila sa mga sama kanila.

Marcos 3:5

Sa gilibot niya ug sud-ong sila uban ang kasuko, nasubo tungod sa kagahi nila ug kasingkasing, miingon siya sa tawo, “Ituy-od ang imong kamot.” Gituy-od niya kini ug ang iyang kamot naulian.

Deuteronomio 32:22

Kay may kalayo nga nahaling sa akong kapungot ug kini nagdilaab hangtod sa kinahiladman sa Sheol, kini naglamoy sa yuta ug sa abot niini ug nagsunog sa mga patukoranan sa kabukiran.