Numeros 11:1

Ang Biblia 2011

Unya ang katawhan nagbagulbol diha sa pangdungog sa Ginoo mahitungod sa ilang kalisdanan. Ug sa dihang nadungog kini sa Ginoo, misilaob ang iyang kasuko ug midilaab batok kanila ang kalayo sa Ginoo ug milamoy sa mga daplin nga bahin sa kampo.

Cross References

Genesis 38:10

Ug ang iyang gibuhat wala makapahimuot diha sa panan-aw sa Ginoo busa gipatay usab niya siya.

2 Samuel 11:27

Ug sa diha nga nahuman na ang pagbangutan, si David nagpasugo ug gipadala siya ngadto sa iyang balay, ug siya nahimo nga iyang asawa ug siya nanganak kaniya ug usa ka anak nga lalaki. Apan ang butang nga gihimo ni David wala makapahimuot sa Ginoo.

2 Mga Hari 1:12

Apan si Elias mitubag kanila, “Kon ako usa ka tawo sa Dios, pakanaogon unta ang kalayo gikan sa langit, ug ikaw lamyon ug ang imong 50 ka tawo.” Ug ang kalayo sa Dios mikanaog gikan sa langit ug gilamoy siya ug ang iyang 50 ka tawo.

Job 1:16

Samtang nagsulti pa siya, may lain na usab nga miabot ug miingon, “Ang kalayo sa Dios nahulog gikan sa langit, ug nasunog ang mga karnero ug ang mga sulugoon ug gihurot sila ug ako na lamang ang nakaikyas aron sa pagsugilon kanimo.”

Salmo 106:18

Misilaob usab ang kalayo diha sa ilang kaubanan; ang siga misunog sa mga daotan.

Salmo 78:21

Busa sa dihang nakadungog ang Ginoo, nasuko siya pag-ayo; gipasilaob ang usa ka kalayo batok kang Jacob, ang iyang kasuko misaka batok sa Israel;

Salmo 78:63

Ang kalayo milamoy sa ilang mga batan-on nga lalaki, ug ang ilang mga ulay wala nay mga alawiton sa kaminyoon.

Exodo 16:7

Ug sa pagkabuntag, makita ninyo ang himaya sa Ginoo kay nadungog niya ang inyong mga pagbagulbol batok sa Ginoo. Kay unsa ba kami nga nagbagulbol man kamo batok kanamo?”

Exodo 16:9

Unya si Moises miingon kang Aaron, “Sultihi ang tibuok katilingban sa katawhan sa Israel, ‘Duol kamo sa atubangan sa Ginoo, kay siya nakadungog sa inyong mga pagbagulbol.’ ”

Isaias 10:17

Ang suga sa Israel mahimong kalayo, ug ang iyang Balaan mahimong usa ka siga, ug kini mosunog ug molamoy sa iyang katunokan ug kasampinitan sulod sa usa ka adlaw.

Isaias 30:33

Kay dugay na nga giandam ang usa ka dapit nga nagdilaab, alang sa hari kini giandam. Kini gihimo niya nga lalom ug dako, pinaagi sa kalayo ug daghang kahoy. Ang gininhawa sa Ginoo, sama sa usa ka sapa nga asupre, naghaling niini.

Isaias 33:14

Ang mga makasasala diha sa Zion nangahadlok; ang pagkurog mihakop sa mga mapasipalahon, “Kinsa ba kanato ang makapuyo uban sa kalayo nga naglamoy? Kinsa ba kanato ang makapuyo uban sa walay kataposan nga pagkasunog?”

Mga Pagbangotan 3:39

Nganong magbagulbol man ang tawo nga buhi mahitungod sa silot sa iyang mga sala?

Ezequiel 20:36

Ingon sa paghukom nako sa inyong mga amahan didto sa kamingawan sa yuta sa Ehipto, hukman usab kamo nako, nag-ingon ang Ginoong Dios.

Levitico 10:2

Ug may migula nga kalayo gikan sa atubangan sa Ginoo ug milamoy kanila ug nangamatay sila sa atubangan sa Ginoo.

Nahum 1:5

Ang kabukiran milinog sa iyang atubangan, ug ang kabungtoran nangatunaw; ang yuta nalaglag diha sa iyang atubangan, ang kalibotan ug ang tanan nga nagpuyo niini.

Habacuc 3:5

Una kaniya miabot ang kamatay, ug ang katalagman misunod dayon.

Numeros 10:33

Busa mipanaw sila gikan sa bukid sa Ginoo sulod sa tulo ka adlaw nga paglakaw ug ang sudlanan sa kasabotan sa Ginoo nag-una kanila sulod sa tulo ka adlaw nga panaw sa pagpangita ug dapit nga kapahulayan alang kanila.

Numeros 11:18

Ug ingna ang katawhan, ‘Pagbalaan kamo alang sa pagkaugma ug mangaon kamo ug karne, kay nanghilak kamo diha sa pangdungog sa Ginoo ug nag-ingon, “Kinsa man ang maghatag kanato ug karne nga atong makaon? Kay maayo pa ang atong kahimtang sa didto pa kita sa Ehipto.” Busa ang Ginoo maghatag kaninyo ug karne ug mangaon kamo.

Numeros 12:2

Ug sila miingon, “Kang Moises ba lamang diay nakigsulti ang Ginoo. Wala ba usab siya makigsulti kanamo?” Ug ang Ginoo nakadungog niini.

Numeros 14:2

Ug ang tanang katawhan sa Israel nagbagulbol batok kang Moises ug batok kang Aaron, ug ang tibuok nga katilingban miingon kanila, “Maayo pa unta ug nangamatay kami didto sa yuta sa Ehipto! O maayo pa unta ug nangamatay kami niining kamingawan!

Numeros 14:22

kadtong tanang mga tawo nga nakakita sa akong himaya ug sa mga ilhanan nga akong gihimo didto sa Ehipto ug didto sa kamingawan nagsulay man kanako sa napulo na ka higayon ug wala mamati sa akong tingog,

Numeros 14:27

“Hangtod kanus-a ba nga kining daotan nga katilingban magbagulbol batok kanako? Nabati nako ang mga pagbagulbol sa katawhan sa Israel nga ilang gibagulbol batok kanako.

Numeros 14:28

Sultihi sila, ‘Ingon nga ako buhi,’ nag-ingon ang Ginoo, ‘unsay inyong gisulti sa akong pangdungog, mao ang buhaton nako kaninyo:

Numeros 16:11

Tungod niini, ikaw ug ang tanan nimong kaubanan naghiusa sa pagtigom batok sa Ginoo. Unsa ba si Aaron, nga nagbagulbol man kamo batok kaniya?”

Numeros 16:35

Ug migula ang kalayo gikan sa Ginoo ug milamoy sa 250 ka tawo nga naghalad sa insenso.

Numeros 17:5

Ug ang sungkod niadtong tawo nga akong pilion manalingsing, ug sa ingon niini pahunongon nako ang mga pagbagulbol sa katawhan sa Israel, ang ilang gibagulbol batok kaninyo.”

Numeros 21:5

Ug ang katawhan misulti batok sa Dios ug batok kang Moises, “Ngano man nga gipatungas ninyo kami gikan sa Ehipto aron mangamatay kami niining kamingawan? Kay walay pan ug walay tubig ug ang among kalag giluod niining pan nga hilabihan ka gaan.”

1 Mga Taga-Corinto 10:10

Ug dili kita magbagolbol, sama sa gibuhat sa uban kanila busa gilaglag sila sa tiglaglag.

Deuteronomio 25:18

giunsa niya kamo pag-asdang didto sa dalan, sa diha nga luya ug gikapoy kamo ug gilipot ang tanan sa ulahi ninyo ug wala siya mahadlok sa Dios.

Deuteronomio 32:22

Kay may kalayo nga nahaling sa akong kapungot ug kini nagdilaab hangtod sa kinahiladman sa Sheol, kini naglamoy sa yuta ug sa abot niini ug nagsunog sa mga patukoranan sa kabukiran.

Deuteronomio 9:22

“Ug didto sa Tabera ug sa Masa ug sa Kibrot-hataava gipasuko ninyo ang Ginoo.

Mga Hebreo 12:29

kay ang atong Dios usa ka kalayo nga mag-ut-ot.

Santiago 5:4

Tan-awa, ang mga suhol nga inyong gitikas gikan sa mga mamumuo nga nag-ugmad sa inyong kaumahan nagsinggit, ug ang mga singgit sa mga nag-ani midangat sa mga dalunggan sa Ginoo sa mga panon.

Judas 1:16

Kini sila mga bagulbolan, tigmulo, nagsunod sa ilang mga pangibog, ug ang ilang mga baba nagsulti ug mga hambog, nag-ulog-ulog sa mga tawo aron sa pagpamintaha.