Numeros 10:9

Ang Biblia 2011

Ug sa diha nga kamo moadto sa panggubatan sa inyong yuta batok sa kaaway nga nagdaogdaog kaninyo, patingoga ninyo ang tunog sa pasidaan pinaagi sa mga trumpeta ug kamo hinumdoman sa atubangan sa Ginoo nga inyong Dios ug maluwas kamo gikan sa inyong mga kaaway.

Cross References

Genesis 8:1

Apan ang Dios nahinumdom kang Noe ug sa tanan nga mga mananap ug sa tanang kahayopan nga uban kaniya didto sa arka. Ug gipahuros sa Dios ang usa ka hangin sa ibabaw sa kalibotan, ug mianam paghubas ang tubig.

2 Cronicas 13:12

Tan-awa, ang Dios maoy nangulo kanamo ug ang iyang mga pari uban ang mga trumpeta sa gubat aron sa pagpatingog sa tawag sa pagpakiggubat kaninyo. O mga anak sa Israel, ayaw pakig-away batok sa Ginoo, ang Dios sa inyong mga katigulangan, kay dili kamo magmauswagon.”

2 Cronicas 13:14

Sa diha nga mitan-aw ang Juda, ang gubat didto sa atubangan ug sa luyo nila, ug sila mituaw ngadto sa Ginoo, ug ang mga pari mipatingog sa mga trumpeta.

Salmo 106:4

Hinumdomi ako, O Ginoo, sa dihang ikaw magpakita ug kaluoy sa imong katawhan; tabangi ako sa dihang luwason nimo sila;

Salmo 106:42

Ang ilang mga kaaway usab midaogdaog kanila, ug sila nailalom sa ilang gahom.

Salmo 136:23

Siya ang nahinumdom kanato sa atong ubos nga kahimtang, kay ang iyang gugmang walay paglubad naglungtad hangtod sa kahangtoran;

Isaias 18:3

Kamong tanan nga nagpuyo sa kalibotan, kamong mga nagpuyo sa yuta, sa diha nga ang usa ka bandila iisa diha sa kabukiran, tan-aw! Sa diha nga patingogon na ang trumpeta, pamati!

Isaias 58:1

“Singgit ug kusog, ayaw pugngi, ipatugbaw ang imong tingog sama sa usa ka trumpeta; ipadayag ngadto sa akong katawhan ang ilang kalapasan, ngadto sa balay ni Jacob ang ilang kasal-anan.

Jeremias 4:19

Ang akong kaguol, ang akong kaguol! Naglimbaglimbag ako sa kasakit! Daw mapikas ang akong kasingkasing! Ang akong kasingkasing gikulbaan pag-ayo; dili ako makahimo sa paghilom; kay akong nadungog ang tingog sa trumpeta, ang pasidaan alang sa gubat.

Jeremias 4:21

Hangtod kanus-a ba nga akong makita ang bandila, ug mabati ang tingog sa trumpeta?

Jeremias 4:5

Ipahayag ninyo sa Juda, ug isangyaw sa Jerusalem, ug ingna sila, “Patingoga ang mga trumpeta diha sa yuta; singgit ug kusog ug pag-ingon, ‘Pagtigom kamo, ug paadtoa kami sa mga kinutaan nga mga siyudad!’

Jeremias 49:2

Busa, tan-awa, ang mga adlaw miabot na, nag-ingon ang Ginoo, nga akong ipadungog ang usa ka singgit sa gubat batok sa Raba sa mga Amonihanon. Kini mahimong biniyaan nga tinapok, ug ang iyang mga balangay sunogon sa kalayo; unya ang Israel mangilog niadtong nangilog kaniya, nag-ingon ang Ginoo.

Jeremias 6:1

Pangagiw kamo aron maluwas, O katawhan ni Benjamin, gikan sa kinataliwad-an sa Jerusalem! Patingoga ang trumpeta didto sa Tekoa, ug pag-isa ug ilhanan diha sa Bet-hakerem, kay ang daotan mitunga gikan sa amihanan, ug ang usa ka dakong pagkalaglag.

Jeremias 6:17

Ako nagbutang ug mga tigbantay ibabaw kaninyo, nga mag-ingon, ‘Pamati kamo sa tingog sa trumpeta!’ Apan sila miingon, ‘Dili kami mamati.’

Ezequiel 7:14

“Gipatingog na nila ang trumpeta ug gipaandam na ang tanan, apan walay usa nga miadto sa gubat tungod kay ang akong kasuko anaa sa tibuok katawhan.

Oseas 5:8

Patingoga ninyo ang budyong sa Gibea, ang trumpeta sa Rama. Patingoga ang pasidaan diha sa Bet-aven, pagkurog, O Benjamin!

Levitico 23:24

“Sultihi ang katawhan sa Israel: Sa ikapito nga bulan, sa unang adlaw sa bulan maoy usa ka balaan nga pahulay alang kaninyo, usa ka balaang panagtigom nga saulogon pinaagi sa pagpatingog sa mga trumpeta.

Amos 3:6

Gipatingog ba ang trumpeta diha sa siyudad, ug ang katawhan wala mahadlok? Mahiagom ba sa kadaotan ang usa ka siyudad gawas kon ang Ginoo ang naghimo niini?

Sofonias 1:16

adlaw sa pagpatingog sa trumpeta, singgit alang sa gubat, batok sa mga kinutaang siyudad ug batok sa mga habog nga mga bantayanang tore.

Numeros 31:6

Ug si Moises mipadala kanila ngadto sa gubat, usa ka libo gikan sa matag banay, uban kang Pinehas nga anak ni Eleasar nga pari, uban ang mga galamiton sa balaang dapit ug ang mga trumpeta alang sa pagpasidaan diha sa iyang kamot.

1 Mga Taga-Corinto 14:8

Ug kon ang trumpeta dili mohatag ug tin-aw nga tingog, kinsa may maandam alang sa gubat?

Deuteronomio 20:1

“Sa diha nga moadto kamo aron sa pagpakiggubat batok sa inyong mga kaaway ug makakita ug mga kabayo ug mga karwahi ug usa ka kasundalohan nga dako kay kaninyo, ayaw kamo kahadlok kanila kay ang Ginoo nga inyong Dios mag-uban kaninyo, siya nga nagkuha kaninyo gikan sa yuta sa Ehipto.

Josue 6:5

Sa diha nga sila magpatingog ug kusog sa trumpeta nga sungay sa laking karnero, sa diha nga kamo makadungog sa tingog sa trumpeta, ang tanang katawhan kinahanglang maninggit sa kusog nga pagsinggit ug ang paril sa siyudad matumpag nga mahapla gayod, ug ang katawhan manaka sa itaas ang matag tawo lahos sa iyang giatubang.”

Mga Maghuhukom 10:12

Ang mga Sidonhanon usab, ang mga Amalekanhon, ang mga Maonihanon nagdaogdaog kaninyo ug kamo mituaw kanako ug giluwas ko kamo gikan sa ilang kamot.

Mga Maghuhukom 10:8

Ilang gidaogdaog pag-ayo ang katawhan sa Israel niadtong tuiga. Sulod sa napulo ug walo ka tuig ilang gidaogdaog ang tanang mga anak sa Israel nga didto sa tabok sa Jordan, sa yuta sa mga Amorihanon, nga didto sa Gilead.

Mga Maghuhukom 2:18

Sa diha nga ang Ginoo nagpatungha ug mga maghuhukom alang kanila, ang Ginoo nag-uban sa maghuhukom, ug siya nagluwas kanila gikan sa kamot sa ilang mga kaaway sa tanang mga adlaw sa maghuhukom, kay ang Ginoo natandog sa pagkaluoy kanila tungod sa ilang mga pag-agulo tungod sa mga nagdaogdaog ug nagpaantos kanila.

Mga Maghuhukom 3:27

Sa diha nga miabot na siya, iyang gipatingog ang trumpeta didto sa kabungtoran sa Efraim. Ug ang katawhan sa Israel milugsong uban kaniya gikan sa kabungtoran, ug siya ang nangulo kanila.

Mga Maghuhukom 6:34

Apan ang espiritu sa Ginoo mikunsad kang Gideon ug iyang gipatingog ang trumpeta ug ang mga kaliwat ni Abieser gitawag aron sa pagsunod kaniya.

Mga Maghuhukom 6:9

ug giluwas kamo nako gikan sa kamot sa mga Ehiptohanon ug gikan sa kamot sa tanan nga nagdaogdaog kaninyo ug gihinginlan nako sila gikan sa inyong atubangan ug gihatag nako kaninyo ang ilang yuta.

1 Samuel 10:18

Ug siya miingon ngadto sa katawhan sa Israel, “Mao kini ang gisulti sa Ginoo, ang Dios sa Israel, ‘Ako nagdala sa Israel gikan sa Ehipto ug nagluwas kaninyo gikan sa kamot sa mga Ehiptohanon ug gikan sa kamot sa tanang gingharian nga nagdaogdaog kaninyo.’