Numeros 10:29

Ang Biblia 2011

Ug si Moises miingon kang Hobab, ang anak ni Reuel nga Midianhon ug ugangan ni Moises, “Kami manglakaw padulong sa dapit nga giingon sa Ginoo, ‘Ihatag ko kini kaninyo.’ Uban kanamo ug magbuhat kami ug maayo kanimo kay ang Ginoo nagsulti ug maayo mahitungod sa Israel.”

Cross References

Genesis 12:7

Unya, ang Ginoo mipakita kang Abram ug miingon kaniya, “Sa imong kaliwat ihatag nako kining yutaa.” Ug nagtukod siya didto ug usa ka halaran alang sa Ginoo nga nagpakita kaniya.

Genesis 13:15

Kay ang tanang yuta nga imong nakita, ihatag nako kanimo ug sa imong kaliwatan hangtod sa kahangtoran.

Genesis 15:18

Niadtong adlawa ang Ginoo naghimo ug usa ka kasabotan uban kang Abram, nga nag-ingon, “Sa imong mga kaliwat ihatag nako kining yutaa, gikan sa suba sa Ehipto hangtod sa dako nga suba, ang suba nga Eufrates,

Genesis 17:8

Ug ihatag nako nganha kanimo ug sa imong kaliwatan nga sunod kanimo ang yuta diin ikaw milangyaw, ang tibuok nga yuta sa Canaan aron mapanag-iya ninyo sa dayon, ug ako mahimo nga ilang Dios.”

Genesis 32:12

Apan ikaw gayod miingon, ‘Sa pagkatinuod, buhaton nako ang maayo ug ang imong mga kaliwat himoon nakong sama sa balas sa dagat nga dili maihap tungod sa kadaghan.’ ”

Salmo 100:1

Panghugyaw kamo nga malipayon ngadto sa Ginoo, tibuok nga yuta!

Salmo 34:8

O sulayi ug makita ninyo nga ang Ginoo maayo! Bulahan ang tawo nga modangop kaniya!

Salmo 95:1

O dali kamo, mag-awit kita alang sa Ginoo; maghimo kita ug usa ka malipayong hugyaw alang sa bato sa atong kaluwasan!

Exodo 18:1

Si Jetro, ang pari sa Midian, nga ugangan ni Moises nakadungog mahitungod sa tanan nga gibuhat sa Dios kang Moises ug sa Israel nga iyang katawhan, kon giunsa sa Ginoo pagkuha sa Israel gikan sa Ehipto.

Exodo 18:12

Ug si Jetro nga ugangan ni Moises mikuha ug halad nga sunogon ug mga halad alang sa Dios. Ug si Aaron miadto uban sa tanang mga kadagkoan sa Israel aron sa pagpangaon ug pan uban sa ugangan ni Moises atubangan sa Dios.

Exodo 18:27

Unya gipagikan ni Moises ang iyang ugangan ug mipauli siya paingon sa iyang kaugalingong yuta.

Exodo 2:18

Sa ilang pagpauli, ang ilang amahan nga si Reuel miingon kanila, “Nganong sayo man kamong miabot karong adlawa?”

Exodo 2:21

Ug si Moises miuyon sa pagpuyo uban niadtong tawhana ug iyang gihatag kang Moises ang iyang anak nga babaye nga si Zipora.

Exodo 3:1

Samtang si Moises nagbantay sa panon sa mga hayop ni Jetro nga iyang ugangan nga pari sa Midian, iyang gidala ang panon sa mga hayop ngadto sa kasadpang bahin sa kamingawan ug miadto sa Horeb, ang bukid sa Dios.

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Exodo 6:4

Gihimo usab nako ang akong kasabotan uban kanila, aron sa paghatag kanila sa yuta sa Canaan, ang yuta nga ilang gipuy-an ingon nga mga langyaw.

Isaias 2:3

Daghang mga katawhan ang mangadto ug mag-ingon, “Dali kamo, mangadto kita sa bukid sa Ginoo, ngadto sa balay sa Dios ni Jacob, aron tudloan niya kita sa iyang mga dalan, ug manglakaw kita sa iyang mga agianan.” Kay gikan sa Zion mogula ang balaod ug ang pulong sa Ginoo gikan sa Jerusalem.

Jeremias 50:5

Sila mangutana sa dalan ngadto sa Zion, ang ilang mga nawong nag-atubang niini ug mag-ingon, ‘Dali kamo ug maghiusa kita alang sa Ginoo diha sa usa ka kasabotan nga walay kataposan nga dili makalimtan.’

Numeros 10:28

Kini mao ang han-ay sa pagpanaw sa katawhan sa Israel sumala sa ilang mga panon sa ilang pagpanglakaw.

Numeros 23:19

Ang Dios dili tawo nga siya mamakak, o anak sa tawo nga siya maghinulsol. Nagsulti ba siya ug dili niya kini buhaton? O nagsulti ba siya ug dili niya kini tumanon?

Mga Buhat 7:5

Apan wala niya siya hatagi ug panulundon dinhi bisan na lang ug igong katumban sa tiil, apan nagsaad nga ihatag kini ngadto kaniya ingon nga iyaha ug ngadto sa iyang kaliwatan nga mosunod kaniya, bisan pa ug wala siyay anak.

Deuteronomio 30:5

Ug ang Ginoo nga inyong Dios magdala kaninyo ngadto sa yuta nga gipanag-iya sa inyong katigulangan, aron inyong mapanag-iya kini. Ug siya maghimo kaninyo nga mauswagon ug daghan kay sa inyong katigulangan.

Deuteronomio 4:40

Busa tumana ninyo ang iyang mga lagda ug ang iyang mga sugo nga akong gisugo kaninyo niining adlawa aron magmaayo ang inyong kahimtang ug sa inyong mga anak nga sunod kaninyo, ug aron motaas ang inyong mga adlaw sa yuta nga gihatag kaninyo sa Ginoo nga inyong Dios hangtod sa kahangtoran.”

Tito 1:2

diha sa paglaom sa kinabuhing dayon, nga sa wala pa ang walay kataposang kapanahonan gisaad sa Dios nga dili mamakak

Mga Hebreo 6:18

aron nga pinaagi sa duha ka butang nga dili mausab, nga dili gayod mahitabo nga ang Dios mamakak, kita nga mikagiw aron makatago, makabaton unta sa dakong kadasig sa paghupot nianang paglaom nga gibutang sa atong atubangan.

Gipadayag 22:17

Ang Espiritu ug ang Pangasaw-onon nag-ingon, “Dali ngari.” Ug siya nga namati paingna, “Dali ngari.” Ug ang giuhaw paaria, ang may tinguha paimna nga walay bayad sa tubig sa kinabuhi.

Mga Maghuhukom 1:16

Ang mga kaliwat sa Kenihanon nga ugangan ni Moises mitungas gikan sa siyudad sa mga palmera uban sa mga kaliwat ni Juda ngadto sa kamingawan sa Juda nga atua sa Negeb sa Arad. Ug sila nangadto ug mipuyo uban sa katawhan.

Mga Maghuhukom 4:11

Unya si Heber nga Kenihanon mibulag gikan sa mga Kenihanon nga mga kaliwat ni Hobab, ang ugangan nga lalaki ni Moises, ug nagpatindog sa iyang tolda diha sa dagkong kahoy sa Zaananim nga duol sa Kedes.

1 Samuel 15:6

Si Saul miingon sa mga Kenihanon, “Lakaw, pahawa kamo, palayo kamo gikan sa mga Amalekanhon kay tingali unya ug laglagon ko kamo uban kanila, kay kamo nagpakita ug kaluoy sa tibuok katawhan sa Israel sa diha nga sila migula gikan sa Ehipto.” Busa ang mga Kenihanon mibiya gikan sa mga Amalekanhon.