Numeros 10:21

Ang Biblia 2011

Unya ang mga Kohatihanon nanglakaw nga nagdala sa balaang mga butang ug gipatindog nila ang Tolda sa wala pa mangabot ang uban.

Cross References

1 Cronicas 15:2

Unya si David miingon, “Walay si bisan kinsa nga modala sa sudlanan sa kasabotan sa Dios gawas sa mga Levihanon, kay ang Dios nagpili kanila aron sa pagdala sa sudlanan sa kasabotan sa Dios ug sa pag-alagad kaniya hangtod sa kahangtoran.”

1 Cronicas 23:24

Kini mao ang mga anak nga lalaki ni Levi sumala sa mga panimalay sa ilang mga katigulangan, ang mga pangulo sa mga balay sa mga amahan sa dihang gilista sila sumala sa gidaghanon sa mga ngalan sa tagsatagsa sukad sa 20 ka tuig ang panuigon ug pataas nga maoy magbuhat sa buluhaton alang sa pag-alagad diha sa balay sa Dios.

Numeros 1:51

Sa diha nga ang Tolda dad-on na, ang mga Levihanon maoy maghipos niini ug sa diha nga ang Tolda pabarogon, ang mga Levihanon maoy magtukod niini ug ang walay labot nga magpaduol niini patyon.

Numeros 10:17

Unya ang Tolda gitangtang ug ang mga kaliwat ni Gerson ug ang mga kaliwat ni Merari nga nagdala sa Tolda nanglakaw.

Numeros 10:20

Ug ang nangulo sa panon sa banay sa mga kaliwat ni Gad mao si Eliasaf nga anak ni Deuel.

Numeros 2:17

“Unya ang tolda nga tagboanan dad-on uban sa kampo sa mga Levihanon diha sa taliwala sa mga kampo. Manglakaw sila sumala sa ilang pagpahiluna, ang matag usa sumala sa ilang mga bandila.

Numeros 4:20

Apan dili sila mosulod sa pagtan-aw sa mga balaang butang, bisan sa daklit lamang aron sila dili mamatay.”

Numeros 7:9

Apan sa mga kaliwat ni Kohat wala siya maghatag, kay sila man ang gitugyanan sa pag-atiman sa balaang dapit nga mao ang ilang pas-anon.