Numeros 10:2

Ang Biblia 2011

“Pagbuhat ug duha ka trumpeta nga plata. Buhata kini pinaagi sa pagsalsal ug gamita kini alang sa pagtawag sa katilingban ug alang sa pagpalakaw sa nagkampo.

Cross References

2 Mga Hari 12:13

Apan walay gihimo alang sa balay sa Ginoo nga mga planggana nga plata, mga igpapalong, mga panaksan, mga trumpeta o bisan unsang mga sudlanan nga bulawan o plata gikan sa salapi nga gidala ngadto sa balay sa Ginoo,

2 Cronicas 5:12

ug ang tanang Levihanon nga mga mag-aawit, sila si Asaf, si Heman, si Jedutun, ang ilang mga anak nga lalaki ug mga kadugo nga nagbisti ug mga pino nga lino, uban sa mga piyangpiyang, mga alpa ug mga lira, nagtindog dapit sa silangan nga bahin sa halaran uban ang 120 ka pari nga tigpatingog ug trumpeta,

Salmo 81:3

Patingoga ang trumpeta sa bag-ong subang sa bulan, sa pagtakdol sa bulan, sa atong adlaw sa kasaulogan.

Salmo 89:15

Bulahan ang katawhan nga nahibalo sa malipayong singgit, nga naglakaw, O Ginoo, diha sa kahayag sa imong nawong;

Exodo 25:18

Pagbuhat ug duha ka kerubin nga bulawan nga sinalsal diha sa duha ka tumoy sa tabon.

Exodo 25:31

“Magbuhat ikaw ug usa ka lamparahan gikan sa lunsay nga bulawan. Ang patindoganan ug ang lawas niini kinahanglan nga sinalsal. Ang mga kupa nga daw bulak, ang mga biyoos ug mga gihay kinahanglan nga unay niini.

Isaias 1:13

Ayaw na pagdala ug mga halad nga walay kapuslanan; ang insenso dulumtanan alang kanako. Ang bag-ong pagsubang sa bulan ug ang adlaw nga igpapahulay ug ang pagtawag sa mga panagtigom— dili ako makaantos sa kasal-anan ug sa balaang panagtigom.

Jeremias 4:5

Ipahayag ninyo sa Juda, ug isangyaw sa Jerusalem, ug ingna sila, “Patingoga ang mga trumpeta diha sa yuta; singgit ug kusog ug pag-ingon, ‘Pagtigom kamo, ug paadtoa kami sa mga kinutaan nga mga siyudad!’

Oseas 8:1

Itaon sa imong baba ang trumpeta! Kay ang agila anaa sa balay sa Ginoo, tungod kay ilang giguba ang akong kasabotan ug gilapas ang akong Balaod.

Joel 1:14

Paggahin ug panahon sa pagpuasa, pagtawag ug usa ka balaang panagtigom. Tigoma ang mga kadagkoan ug ang tanang nagpuyo sa yuta ngadto sa balay sa Ginoo nga inyong Dios ug pagtuaw kamo ngadto sa Ginoo.

Joel 2:1

Patingoga ninyo ang trumpeta didto sa Zion; ipalanog ang pasidaan diha sa akong bukid nga balaan! Pakuroga ang tanang nagpuyo sa yuta kay ang adlaw sa Ginoo nagsingabot, nagkaduol na,

Numeros 10:1

Ang Ginoo miingon kang Moises,

Numeros 10:7

Apan sa diha nga tigomon ang katilingban, patingogon ninyo ang trumpeta, apan dili sa tunog sa pasidaan.

Mga Taga-Efeso 4:5

usa ka Ginoo, usa ka pagtuo, usa ka bautismo,