Numeros 10:12

Ang Biblia 2011

Ug ang katawhan sa Israel nanglakaw gikan sa kamingawan sa Sinai sumala sa han-ay sa ilang pagpanaw ug ang panganod mihunong sa kamingawan sa Paran.

Cross References

Genesis 14:6

ug ang mga Horihanon didto sa ilang bukid sa Seir hangtod sa patag sa El-paran sa utlanan sa kamingawan.

Genesis 21:21

Ug nagpuyo siya sa kamingawan sa Paran ug ang iyang inahan nagpili alang kaniya ug usa ka asawa gikan sa yuta sa Ehipto.

1 Mga Hari 11:18

Migikan sila sa Midian ug miadto sa Paran ug nagkuha sila ug mga tawo gikan sa Paran ug nangadto sa Ehipto, ngadto sa Paraon nga mihatag kaniya ug usa ka balay ug naghatag kaniya ug mga pagkaon ug mihatag kaniya ug yuta.

Exodo 13:20

Ug migikan sila sa Sucot ug nagkampo sa Etam sa daplin sa kamingawan.

Habacuc 3:3

Ang Dios mianhi gikan sa Teman, ug ang Balaan gikan sa Bukid sa Paran. Ang iyang himaya milukop sa kalangitan, ug ang yuta napuno sa pagdayeg. Selah

Numeros 1:1

Ang Ginoo misulti kang Moises didto sa kamingawan sa Sinai, sulod sa tolda nga tagboanan, sa unang adlaw sa ikaduhang bulan sa ikaduhang tuig human sa ilang paggawas gikan sa yuta sa Ehipto, nga nag-ingon,

Numeros 10:33

Busa mipanaw sila gikan sa bukid sa Ginoo sulod sa tulo ka adlaw nga paglakaw ug ang sudlanan sa kasabotan sa Ginoo nag-una kanila sulod sa tulo ka adlaw nga panaw sa pagpangita ug dapit nga kapahulayan alang kanila.

Numeros 12:16

Human niini ang katawhan mipanaw gikan sa Haserot ug mipahiluna sa ilang kampo didto sa kamingawan sa Paran.

Numeros 13:26

Ug miadto sila kang Moises ug kang Aaron ug sa tibuok nga katilingban sa katawhan sa Israel nga didto sa kamingawan sa Paran, didto sa Cades. Nagdala sila sa taho ngadto kanila ug sa tibuok nga katilingban ug gipakita nila ang bunga sa maong yuta.

Numeros 13:3

Busa si Moises mipadala kanila gikan sa kamingawan sa Paran sumala sa sugo sa Ginoo, silang tanan mga pangulo sa katawhan sa Israel.

Numeros 2:34

Busa ang katawhan sa Israel nagbuhat sumala sa tanan nga gisugo sa Ginoo kang Moises. Nagkampo sila sumala sa ilang mga bandila ug ingon niini ang pagpanglakaw nila, ang matag usa sa ilang panimalay, sumala sa mga banay sa ilang katigulangan.

Numeros 9:1

Ug ang Ginoo misulti kang Moises didto sa kamingawan sa Sinai, sa unang bulan sa ikaduhang tuig human sa ilang paggawas sa yuta sa Ehipto, nga nag-ingon,

Numeros 9:17

Ug sa diha nga ang panganod mopataas gikan sa ibabaw sa Tolda, human niana, ang katawhan sa Israel manglakaw, ug sa dapit diin ang panganod mohunong, didto magpahiluna sa kampo ang katawhan sa Israel.

Numeros 9:5

Ug gisaulog nila ang Pagsaylo sa unang bulan, sa ikanapulo ug upat nga adlaw sa bulan, sa pagkakilomkilom, didto sa kamingawan sa Sinai sumala sa tanang mga butang nga gisugo sa Ginoo kang Moises, busa gibuhat kini sa katawhan sa Israel.

Deuteronomio 1:1

Kini mao ang mga pulong nga gisulti ni Moises sa tibuok Israel sa tabok sa Jordan didto sa kamingawan, didto sa Araba atbang sa Suph sa tungatunga sa Paran ug sa Tofel, sa Laban, sa Haserot ug sa Disahab.

Deuteronomio 1:19

“Unya mipanaw kita gikan sa Horeb ug milatas niadtong tanang dagko ug makalilisang nga kamingawan nga inyong nakita didto sa dalan sa kabungtoran sa mga Amorihanon, sumala sa gisugo sa Ginoo nga atong Dios kanato ug miabot kita sa Kades-barnea.

Deuteronomio 1:7

Padayon sa inyong panaw, pangadto kamo sa kabungtoran sa mga Amorihanon ug sa tanang silingang kayutaan sa Araba, sa kabungtoran ug sa kapatagan ug sa Negeb ug sa baybayon sa dagat, sa yuta sa mga Canaanhon ug sa Lebanon, hangtod sa dakong suba, ang suba nga Eufrates.

Deuteronomio 33:2

Siya miingon: “Ang Ginoo miabot gikan sa Sinai, ug gikan sa Seir siya mitindog ibabaw kanato, misidlak siya gikan sa bukid sa Paran, ug mianhi siya gikan sa napulo ka libo ka balaan, sa iyang tuong kamot adunay nagdilaab nga kalayo.

1 Samuel 25:1

Unya namatay si Samuel, ug ang tibuok nga Israel nagtigom ug nagbangutan alang kaniya, ug gilubong siya didto sa iyang balay sa Rama. Unya si David mitindog ug miadto sa kamingawan sa Paran.