Numeros 10:10

Ang Biblia 2011

Sa adlaw usab sa inyong kalipay ug sa inyong gitakda nga mga kasaulogan ug sa mga sinugdanan sa inyong mga bulan, patingoga ninyo ang mga trumpeta alang sa inyong mga halad nga sunogon ug alang sa mga inihaw ninyong mga halad sa pakigdait ug kini mahimo alang kaninyo nga handomanan sa atubangan sa inyong Dios. Ako mao ang Ginoo nga inyong Dios.”

Cross References

2 Mga Hari 4:23

Ug siya miingon, “Nganong moadto man ikaw kaniya niining adlawa? Dili man unta bag-ong bulan o adlaw nga igpapahulay.” Ug siya miingon, “Mahimo ra kana.”

1 Cronicas 15:24

Si Sebanias, si Josafat, si Netanel, si Amasai, si Zacarias, si Benaias ug si Elieser, ang mga pari, mao ang magpatingog sa mga trumpeta sa atubangan sa sudlanan sa kasabotan sa Dios. Si Obed-edom ug si Jehias mao ang tigbantay sa mga ganghaan sa sudlanan sa kasabotan.

1 Cronicas 15:28

Busa gidala sa tibuok Israel ang sudlanan sa kasabotan sa Ginoo uban sa pagsinggit ug sa tingog sa sungay, sa mga trumpeta ug sa mga piyangpiyang, ug nagtugtog ug lanog nga honi pinaagi sa mga alpa ug mga lira.

1 Cronicas 16:42

Si Heman ug si Jeduton adunay mga trumpeta ug mga piyangpiyang alang sa musika ug sa pagpatugtog sa balaang awit. Ang mga anak nga lalaki ni Jeduton gibutang didto sa ganghaan.

2 Cronicas 29:26

Ang mga Levihanon nagtindog uban sa mga tulunggon ni David ug ang mga pari uban sa mga trumpeta.

2 Cronicas 29:28

Ang tibuok katilingban misimba ug ang mga mag-aawit nag-awit ug ang mga tigpatingog sa trumpeta nagpatingog; kining tanan nagpadayon hangtod nga natapos ang halad nga gisunog.

2 Cronicas 7:6

Ang mga pari nagbarog sa ilang dapit, ang mga Levihanon usab uban ang mga tulunggon alang sa awit sa Ginoo nga gihimo ni Hari David alang sa pagpasalamat sa Ginoo—kay ang iyang gugmang walay paglubad nagpadayon hangtod sa kahangtoran—sa diha nga nagdayeg si David pinaagi sa ilang pagpangalagad. Atbang kanila ang mga pari nagpatingog sa mga trumpeta ug ang tibuok Israel nagtindog.

Esdras 3:10

Ug sa diha nga ang mga nagtukod mipahiluna sa patukoranan sa Templo sa Ginoo, ang mga pari nga nagsul-ob sa ilang mga bisti miduol nga may mga trumpeta, ug ang mga Levihanon, ang mga kaliwat ni Asaf, may mga piyangpiyang, aron sa pagdayeg sa Ginoo sumala sa sugo ni David nga hari sa Israel.

Nehemias 12:35

ug pipila sa mga anak nga lalaki sa mga pari nga nagdala ug mga trumpeta: si Zacarias nga anak ni Jonatan nga anak ni Semaias nga anak ni Matanias nga anak ni Micaias nga anak ni Zacur nga anak ni Asaf.

Salmo 150:3

Dayega siya uban sa tingog sa trumpeta; dayega siya uban sa lira ug alpa!

Salmo 81:3

Patingoga ang trumpeta sa bag-ong subang sa bulan, sa pagtakdol sa bulan, sa atong adlaw sa kasaulogan.

Salmo 81:4

Kay kini usa ka lagda alang sa Israel, usa ka tulumanon sa Dios ni Jacob.

Salmo 89:15

Bulahan ang katawhan nga nahibalo sa malipayong singgit, nga naglakaw, O Ginoo, diha sa kahayag sa imong nawong;

Exodo 28:29

Ug dad-on ni Aaron ang mga ngalan sa mga anak nga lalaki ni Israel diha sa tabon sa dughan sa paghukom, diha sa iyang kasingkasing, sa dihang mosulod siya sa dapit nga balaan, aron sa pagdala kanila ngadto sa usa ka mapadayonong handomanan diha sa atubangan sa Ginoo.

Exodo 30:16

Ug dawata ang salapi nga halad sa pagtabon sa sala gikan sa katawhan sa Israel, ug gamita kini alang sa pag-alagad sa tolda nga tagboanan aron kini mahimo nga handomanan sa katawhan sa Israel, sa atubangan sa Ginoo aron paghimo ug pagtabon sa sala alang sa inyong kaugalingon.”

Isaias 27:13

Ug nianang adlawa ang usa ka dakong trumpeta patingogon, ug kadtong mga nangawala sa yuta sa Asiria ug kadtong giabog ngadto sa yuta sa Ehipto manganhi ug magsimba sa Ginoo diha sa balaang bukid sa Jerusalem.

Levitico 23:24

“Sultihi ang katawhan sa Israel: Sa ikapito nga bulan, sa unang adlaw sa bulan maoy usa ka balaan nga pahulay alang kaninyo, usa ka balaang panagtigom nga saulogon pinaagi sa pagpatingog sa mga trumpeta.

Numeros 10:9

Ug sa diha nga kamo moadto sa panggubatan sa inyong yuta batok sa kaaway nga nagdaogdaog kaninyo, patingoga ninyo ang tunog sa pasidaan pinaagi sa mga trumpeta ug kamo hinumdoman sa atubangan sa Ginoo nga inyong Dios ug maluwas kamo gikan sa inyong mga kaaway.

Numeros 28:11

“Sa mga sinugdanan sa inyong mga bulan, kamo maghalad ug usa ka halad nga sunogon ngadto sa Ginoo: duha ka nating baka nga laki ug usa ka laking karnero, pito ka nating karnero nga laki nga usa ka tuig ang kagulangon nga walay tatsa,

Numeros 29:1

“Sa unang adlaw sa ikapito nga bulan, maghimo kamo ug usa ka balaan nga panagtigom, dili kamo magbuhat ug bug-at nga buluhaton. Kini mao ang adlaw sa pagpatingog sa mga trumpeta alang kaninyo.

Mateo 11:28

Duol kanako, kamong tanan nga nagbudlay ug nabug-atan ug papahulayon ko kamo.

Mga Buhat 10:4

Ug siya mitutok kaniya uban sa kahadlok ug miingon, “Unsa man Ginoo?” Ug siya miingon kaniya, “Ang imong mga pag-ampo ug mga pagtabang miabot sa itaas ingon nga handomanan sa atubangan sa Dios.

1 Mga Taga-Corinto 15:52

sa kalit, sa usa ka pagpamilok, inigtingog na sa kataposang trumpeta kay ang trumpeta patingogon, ug ang mga patay banhawon nga dili na madunot, ug kita mangausab.

1 Mga Taga-Tesalonica 4:16

Kay ang Ginoo gayod mao ang manaog gikan sa langit uban sa pagmando, ug uban sa tingog sa pangulong anghel, ug uban sa tingog sa trumpeta sa Dios. Ug unya ang mga nangamatay diha kang Cristo mouna sa pagpamangon.

1 Mga Taga-Tesalonica 4:18

Busa lipaya ninyo ang usa ug usa pinaagi niining mga pulonga.

Josue 4:7

Unya sultihan ninyo sila nga ang mga tubig sa Jordan nabahin sa duha sa atubangan sa sudlanan sa kasabotan sa Ginoo. Sa pag-agi niini sa Jordan, ang mga tubig sa Jordan nabahin busa kining mga batoha handomanan sa katawhan sa Israel hangtod sa kahangtoran.”

Josue 6:4

Ug ang pito ka pari magdala ug pito ka trumpeta nga sungay sa laking karnero nga mag-una sa sudlanan sa kasabotan. Ug sa ikapito nga adlaw pagmartsa kamo libot sa siyudad sa makapito ug ang mga pari magpatingog sa mga trumpeta.

Gipadayag 22:17

Ang Espiritu ug ang Pangasaw-onon nag-ingon, “Dali ngari.” Ug siya nga namati paingna, “Dali ngari.” Ug ang giuhaw paaria, ang may tinguha paimna nga walay bayad sa tubig sa kinabuhi.

1 Samuel 20:5

Ug si David miingon kang Jonatan, “Ugma mao ang bag-ong subang sa bulan ug dili gayod nako pakyason ang pagtambong sa lamisa uban sa hari, apan palakta ako aron ako motago diha sa kapatagan hangtod sa gabii sa ikatulo nga adlaw.