Numeros 10:1

Ang Biblia 2011

Ang Ginoo miingon kang Moises,

Cross References

Genesis 42:13

Ug sila miingon, “Kami nga imong mga ulipon, napulo ug duha ka magsoon, mga anak sa usa ka tawo sa Canaan. Ug tan-awa, ang kamanghoran namo atua karon kauban sa among amahan ug ang usa wala na.”

Genesis 46:15

Kini sila mao ang mga anak nga lalaki ni Lea nga iyang gipanganak alang kang Jacob didto sa Padan-aram uban sa iyang anak nga babaye nga si Dina. Ang iyang mga anak nga lalaki ug mga anak nga babaye, 33 ang tanan.

2 Samuel 6:15

Busa si David ug ang tibuok banay sa Israel midala sa sudlanan sa kasabotan sa Ginoo uban sa mga singgit ug sa tingog sa trumpeta.

2 Mga Hari 11:14

Ug sa pagtan-aw niya, ang hari nagtindog duol sa haligi sumala sa nabatasan, ug ang mga pangulo ug ang mga tigtrumpeta tupad sa hari, ug ang tibuok katawhan sa yuta naglipay ug nagpatingog sa mga trumpeta. Unya gigisi ni Atalia ang iyang mga bisti ug misinggit, “Pagbudhi kini! Pagbudhi!”

2 Cronicas 23:13

ug sa diha nga mitan-aw siya, didto ang hari nagtindog tupad sa iyang haligi sa agianan sa pagsulod ug ang mga pangulo ug ang mga tigpatingog sa trumpeta tupad sa hari ug ang tibuok katawhan sa yuta nalipay, ug nagpatingog sa mga trumpeta ug ang mga mag-aawit usab uban sa ilang mga tulunggon nagdumala sa pag-awit sa pagdayeg. Unya si Atalia migisi sa iyang mga bisti, ug miingon, “Pagbudhi kini! Pagbudhi!”

2 Cronicas 5:12

ug ang tanang Levihanon nga mga mag-aawit, sila si Asaf, si Heman, si Jedutun, ang ilang mga anak nga lalaki ug mga kadugo nga nagbisti ug mga pino nga lino, uban sa mga piyangpiyang, mga alpa ug mga lira, nagtindog dapit sa silangan nga bahin sa halaran uban ang 120 ka pari nga tigpatingog ug trumpeta,

2 Cronicas 7:6

Ang mga pari nagbarog sa ilang dapit, ang mga Levihanon usab uban ang mga tulunggon alang sa awit sa Ginoo nga gihimo ni Hari David alang sa pagpasalamat sa Ginoo—kay ang iyang gugmang walay paglubad nagpadayon hangtod sa kahangtoran—sa diha nga nagdayeg si David pinaagi sa ilang pagpangalagad. Atbang kanila ang mga pari nagpatingog sa mga trumpeta ug ang tibuok Israel nagtindog.

Esdras 3:10

Ug sa diha nga ang mga nagtukod mipahiluna sa patukoranan sa Templo sa Ginoo, ang mga pari nga nagsul-ob sa ilang mga bisti miduol nga may mga trumpeta, ug ang mga Levihanon, ang mga kaliwat ni Asaf, may mga piyangpiyang, aron sa pagdayeg sa Ginoo sumala sa sugo ni David nga hari sa Israel.

Salmo 47:5

Mikayab ang Dios inubanan sa paghugyaw, ang Ginoo inubanan sa tingog sa trumpeta.

Salmo 81:3

Patingoga ang trumpeta sa bag-ong subang sa bulan, sa pagtakdol sa bulan, sa atong adlaw sa kasaulogan.

Salmo 98:6

Uban sa mga trumpeta ug tingog sa sungay, panghugyaw kamo sa tingog nga malipayon sa atubangan sa Hari, ang Ginoo!

Numeros 1:52

Ug ang katawhan sa Israel magpahiluna sa ilang mga tolda, sumala sa ilang pundok, ug ang matag usa diha sa iyang kaugalingong kampo, ang matag usa sumala sa iyang bandila.

Numeros 10:2

“Pagbuhat ug duha ka trumpeta nga plata. Buhata kini pinaagi sa pagsalsal ug gamita kini alang sa pagtawag sa katilingban ug alang sa pagpalakaw sa nagkampo.

Numeros 29:1

“Sa unang adlaw sa ikapito nga bulan, maghimo kamo ug usa ka balaan nga panagtigom, dili kamo magbuhat ug bug-at nga buluhaton. Kini mao ang adlaw sa pagpatingog sa mga trumpeta alang kaninyo.

Numeros 7:2

ang mga pangulo sa Israel, ang mga pangulo sa mga panimalay sa ilang katigulangan, ang mga pangulo sa mga banay nga nangulo niadtong mga naihap naghimo ug paghalad.

Numeros 9:23

Sa sugo sa Ginoo magpahiluna sila sa kampo ug sa sugo sa Ginoo manglakaw sila. Sila mituman sa sugo sa Ginoo, sa sugo sa Ginoo pinaagi kang Moises.

Mateo 24:31

Ug ipadala niya ang iyang mga anghel uban sa kusog nga tingog sa trumpeta ug ilang tigomon ang iyang mga pinili gikan sa upat ka suok sa kalibotan, gikan sa usa ka tumoy sa langit ngadto sa pikas.

Josue 6:4

Ug ang pito ka pari magdala ug pito ka trumpeta nga sungay sa laking karnero nga mag-una sa sudlanan sa kasabotan. Ug sa ikapito nga adlaw pagmartsa kamo libot sa siyudad sa makapito ug ang mga pari magpatingog sa mga trumpeta.

Gipadayag 8:2

Unya akong nakita ang pito ka anghel nga nagtindog sa atubangan sa Dios, ug sila gihatagan ug pito ka trumpeta.

Mga Maghuhukom 7:20

Ug ang tulo ka panon mipatingog sa mga trumpeta ug ilang gibuak ang mga tibod, gibitbit ang mga sulo sa ilang wala nga mga kamot, ug ang mga trumpeta sa ilang tuo nga mga kamot aron sa pagpatingog niini. Ug sila misinggit, “Espada alang sa Ginoo ug kang Gideon!”