Numeros 1:53

Ang Biblia 2011

Apan ang mga Levihanon magpahiluna libot sa tolda sa pagpamatuod, aron walay kaligutgot nga moabot sa katilingban sa katawhan sa Israel, ug ang mga Levihanon magdumala sa tolda sa pagpamatuod.”

Cross References

1 Cronicas 23:32

Sa ingon sila ang mag-atiman sa tolda nga tagboanan ug sa balaang dapit ug mag-atiman sa mga anak nga lalaki ni Aaron nga ilang mga kaigsoonan, alang sa pag-alagad diha sa balay sa Ginoo.”

2 Cronicas 13:10

Apan alang kanamo, ang Ginoo mao ang among Dios ug wala namo siya biyai. Kami adunay mga pari nga nag-alagad sa Ginoo, mga anak nga lalaki ni Aaron ug ang mga Levihanon nga anaa sa ilang pagpangalagad.

2 Cronicas 13:11

Sila maghalad ngadto sa Ginoo matag buntag ug matag gabii, mga halad nga sunogon ug humot nga insenso, magpahimutang sa pan nga gihalad didto sa lamisa nga lunsayng bulawan ug mag-atiman sa bulawan nga lamparahan aron ang iyang mga lampara magsiga matag gabii kay among gituman ang sugo sa Ginoo nga atong Dios apan kamo mibiya kaniya.

Jeremias 23:15

Busa mao kini ang giingon sa Ginoo sa mga panon mahitungod sa mga propeta: “Tan-awa, pakan-on nako sila ug panyawan ug hatagan nako sila ug tubig nga may hilo aron imnon; kay gikan sa mga propeta sa Jerusalem ang pagkadili diosnon miabot sa tibuok nga yuta.”

Jeremias 5:31

ang mga propeta nagpropesiya ug bakak, ug ang mga pari nagmando diha sa ilang kaugalingong kagahom; ang akong katawhan nahigugma nga maingon niana, apan unsay inyong buhaton kon ang kataposan moabot?

Levitico 10:6

Ug si Moises miingon kang Aaron ug kang Eleasar ug kang Itamar nga iyang mga anak, “Ayaw ninyo ipadunghay ang mga buhok sa inyong mga ulo, ayaw usab ninyo gisia ang inyong mga bisti kay tingali unya ug kamo mangamatay, ug aron dili usab moabot ang kaligutgot ngadto sa tibuok nga katilingban. Apan ang inyong mga igsoon, ang tibuok nga katawhan sa Israel, magsubo tungod sa pagsunog nga gibuhat sa Ginoo.

Numeros 1:50

Apan itudlo ang mga Levihanon sa pagdumala sa tolda sa pagpamatuod ug sa pagdumala sa tanang mga galamiton niini, ug sa tanang mga butang nga may kalabotan niini. Sila ang magdala sa Tolda ug sa tanang mga galamiton niini ug sila mag-atiman niini, ug sila magkampo libot sa Tolda.

Numeros 1:54

Busa gibuhat kini sa katawhan Israel sumala sa tanang mga butang nga gisugo sa Ginoo kang Moises.

Numeros 16:46

Ug si Moises miingon kang Aaron, “Kuhaa ang imong sudlanan sa insenso ug butangi kini ug kalayo nga gikan sa halaran, butangi ug insenso ang ibabaw niini, ug dad-a dayon ngadto sa katilingban, ug paghimo ug pagtabon sa sala alang kanila kay adunay kasuko nga migula gikan sa Ginoo, ang kamatay misugod na.”

Numeros 16:9

Daw gamay ba lamang nga butang alang kaninyo nga ang Dios sa Israel naggahin kaninyo gikan sa katilingban sa Israel, sa pagdala kaninyo duol ngadto kaniya, sa pag-alagad sa Tolda sa Ginoo ug sa pagbarog sa atubangan sa katilingban aron sa pag-alagad kanila,

Numeros 17:7

Ug gibutang ni Moises ang mga sungkod sa atubangan sa Ginoo didto sa tolda sa pagpamatuod.

Numeros 2:17

“Unya ang tolda nga tagboanan dad-on uban sa kampo sa mga Levihanon diha sa taliwala sa mga kampo. Manglakaw sila sumala sa ilang pagpahiluna, ang matag usa sumala sa ilang mga bandila.

Numeros 3:23

Ang mga panimalay sa mga Gersonhanon magkampo sa likod sa Tolda dapit sa kasadpan.

Numeros 3:29

Ang panimalay sa mga anak nga lalaki ni Kohat magkampo sa habagatang bahin sa Tolda.

Numeros 3:35

Ug ang pangulo sa mga sa banay sa katigulangan sa mga panimalay ni Merari mao si Zuriel nga anak ni Abihail. Sila magkampo sa amihanan bahin sa Tolda.

Numeros 3:38

Ug ang magkampo sa atubangan sa Tolda dapit sa silangan, sa atubangan sa tolda nga tagboanan nga nag-atubang sa silangan, mao si Moises ug si Aaron ug ang iyang mga anak nga magdumala sa buluhaton sa balaang dapit, alang sa katawhan sa Israel ug ang walay labot nga moduol patyon.

Numeros 31:30

Ug gikan sa katunga nga alang sa katawhan sa Israel magkuha ikaw ug usa sa matag 50 sa mga tawo, sa mga baka, sa mga asno ug sa mga karnero, sa tanan nga kahayopan, ug ihatag ngadto sa mga Levihanon nga nangatungdanan sa pagbantay sa Tolda sa Ginoo.”

Numeros 31:47

gikan sa katunga nga alang sa katawhan sa Israel, mikuha si Moises ug usa sa matag 50, sa mga tawo ug sa mga mananap, ug gihatag kini ngadto sa mga Levihanon nga nangatungdanan sa pagbantay sa Tolda sa Ginoo sumala sa gisugo sa Ginoo kang Moises.

Numeros 8:19

Ug akong gihatag ang mga Levihanon ingon nga gasa kang Aaron ug sa iyang mga anak nga lalaki gikan sa taliwala sa katawhan sa Israel, aron magbuhat sila sa pag-alagad sa katawhan sa Israel diha sa tolda nga tagboanan ug sa paghimo sa pagtabon sa sala alang sa katawhan sa Israel aron walay katalagman sa taliwala sa katawhan sa Israel, sa diha nga moduol ang katawhan sa Israel sa balaang dapit.”

2 Timoteo 4:2

iwali ang pulong, pagmadasigon maayo man ang kahigayonan o dili; himoa ang pagpamadlong, ang pagpasidaan ug ang pagpangdasig diha sa tanang pagkamainantoson ug sa pagpanudlo.

1 Samuel 6:19

Iyang gipatay ang pipila ka tawo sa Bet-semes tungod kay sila mitan-aw sa sulod sa sudlanan sa kasabotan sa Ginoo. Iyang gipatay ang 70 ka tawo gikan kanila, ug ang mga tawo nagbangotan tungod kay ang Ginoo naghimo ug dakong pagpamatay diha sa katawhan.