Numeros 1:50

Ang Biblia 2011

Apan itudlo ang mga Levihanon sa pagdumala sa tolda sa pagpamatuod ug sa pagdumala sa tanang mga galamiton niini, ug sa tanang mga butang nga may kalabotan niini. Sila ang magdala sa Tolda ug sa tanang mga galamiton niini ug sila mag-atiman niini, ug sila magkampo libot sa Tolda.

Cross References

2 Cronicas 24:6

Busa ang hari mipatawag kang Jehoiada ug miingon kaniya, “Nganong wala nimo sugoa ang mga Levihanon sa pagdala gikan sa Juda ug sa Jerusalem sa buhis nga gipaningil ni Moises nga alagad sa Ginoo sa katilingban sa Israel alang sa tolda sa pagpamatuod?”

Nehemias 12:22

Mahitungod sa mga Levihanon, sa mga adlaw ni Eliasib, ni Joiada, ni Johanan, ug ni Jadua, adunay gisulat ang mga pangulo sa panimalay sa mga katigulangan ug ang mga pari hangtod sa paghari ni Dario nga Persianhon.

Nehemias 12:47

Ug ang tibuok Israel, sa mga adlaw ni Zerubabel ug sa mga adlaw ni Nehemias, mihatag sa mga inadlawng bahin alang sa mga mag-aawit ug sa mga tigbantay sa ganghaan. Ug ilang gilain ang alang sa mga Levihanon ug gilain sa mga Levihanon ang alang sa mga kaliwat ni Aaron.

Nehemias 12:8

Ang mga Levihanon: si Jesua, si Binui, si Kadmiel, si Serebias, si Juda, ug si Matanias, nga uban sa iyang mga igsoon maoy nagdumala sa mga alawiton sa pagpasalamat.

Nehemias 13:22

Ug akong gisugo ang mga Levihanon nga kinahanglang maghinlo sila sa ilang kaugalingon ug moadto ug magbantay sa mga ganghaan aron sa pagbalaan sa adlaw nga igpapahulay. Hinumdomi kini alang kanako, O akong Dios, ug luwasa ako sumala sa pagkadako sa imong gugmang walay paglubad.

Nehemias 13:5

nag-andam alang kang Tobias ug usa ka dakong lawak, nga kaniadto ilang butangan sa mga halad nga pagkaon, sa insenso, sa mga sudlanan, sa mga ikapulo sa trigo, sa bino ug sa lana nga gihatag pinaagi ug sugo ngadto sa mga Levihanon, sa mga mag-aawit ug sa mga tigbantay sa ganghaan ug ang mga amot alang sa mga pari.

Salmo 122:4

nga mao ang tungason sa mga banay, ang kabanayan sa Ginoo, ingon nga gisugo alang sa Israel, sa paghatag ug mga pasalamat sa ngalan sa Ginoo.

Exodo 31:18

Sa diha nga nakahuman na siya sa pagpakigsulti kaniya didto sa Bukid sa Sinai, gihatag niya kang Moises ang duha ka papan sa pagpamatuod, mga papan nga bato nga gisulatan sa tudlo sa Dios.

Exodo 38:21

Mao kini ang tanang butang alang sa Tolda, sa Tolda sa Pagpamatuod, nga giihap sumala sa sugo ni Moises ubos sa pagmando ni Itamar nga anak ni Aaron nga pari, alang sa buluhaton sa mga Levihanon.

Numeros 1:53

Apan ang mga Levihanon magpahiluna libot sa tolda sa pagpamatuod, aron walay kaligutgot nga moabot sa katilingban sa katawhan sa Israel, ug ang mga Levihanon magdumala sa tolda sa pagpamatuod.”

Numeros 10:21

Unya ang mga Kohatihanon nanglakaw nga nagdala sa balaang mga butang ug gipatindog nila ang Tolda sa wala pa mangabot ang uban.

Numeros 17:7

Ug gibutang ni Moises ang mga sungkod sa atubangan sa Ginoo didto sa tolda sa pagpamatuod.

Numeros 18:5

Ug tumana ninyo ang katungdanan sa dapit nga balaan ug ang katungdanan sa halaran, aron wala nay kasuko nga moabot pag-usab ngadto sa katawhan sa Israel.

Numeros 2:17

“Unya ang tolda nga tagboanan dad-on uban sa kampo sa mga Levihanon diha sa taliwala sa mga kampo. Manglakaw sila sumala sa ilang pagpahiluna, ang matag usa sumala sa ilang mga bandila.

Numeros 20:11

Ug giisa ni Moises ang iyang kamot ug gibunalan ang bato sa iyang sungkod sa makaduha ug mibuhagay ang daghang tubig ug miinom ang katilingban ug ang ilang kahayopan.

Numeros 4:15

Ug sa dihang mahuman na ni Aaron ug sa iyang mga anak ang pagtabon sa balaang dapit ug sa tanang mga kasangkapan sa balaang dapit, sa diha nga mobiya na ang mga nagkampo, human niini, ang mga lalaki nga kaliwat ni Kohat moadto aron sa pagpas-an niini apan kinahanglang dili sila mohikap sa balaang mga butang aron sila dili mamatay. Mao kini ang mga butang sa Tolda nga Tagboanan nga dad-onon sa mga kaliwat ni Kohat.

Numeros 4:3

sukad sa nagpanuigon ug 30 ka tuig ug pataas hangtod sa nagpanuigon ug 50 ka tuig, ang tanan nga makahimo sa pag-alagad, sa pagbuhat sa mga buluhaton diha sa tolda nga tagboanan.

Numeros 8:19

Ug akong gihatag ang mga Levihanon ingon nga gasa kang Aaron ug sa iyang mga anak nga lalaki gikan sa taliwala sa katawhan sa Israel, aron magbuhat sila sa pag-alagad sa katawhan sa Israel diha sa tolda nga tagboanan ug sa paghimo sa pagtabon sa sala alang sa katawhan sa Israel aron walay katalagman sa taliwala sa katawhan sa Israel, sa diha nga moduol ang katawhan sa Israel sa balaang dapit.”

Numeros 8:20

Sa ingon niana gibuhat kini ni Moises ug ni Aaron ug sa tibuok nga katilingban sa katawhan sa Israel ngadto sa mga Levihanon ug sumala sa tanang mga butang nga gisugo sa Ginoo kang Moises mahitungod sa mga Levihanon, gibuhat kini sa katawhan sa Israel ngadto kanila.

Numeros 8:22

Human niana misulod ang mga Levihanon aron sa pagbuhat sa ilang pag-alagad didto sa tolda nga tagboanan sa atubangan ni Aaron ug sa atubangan sa iyang mga anak sumala sa sugo sa Ginoo kang Moises mahitungod sa mga Levihanon, busa gibuhat nila kini alang kanila.

Gipadayag 15:5

Human niini mitan-aw ako, ug didto sa langit nabukas ang templo sa tolda sa pagpamatuod,