Ug akong buhaton gikan kanimo ang usa ka dako nga nasod, ug ikaw panalanginan nako ug himoong bantogan ang imong ngalan, aron ikaw mahimo nga usa ka panalangin.
Buhaton nako ang imong mga kaliwat nga ingon sa abog sa yuta, nga kon adunay tawo nga makaihap sa abog sa yuta, ang imong kaliwatan usab mahimong maihap.
Ug gipagula niya siya ug giingnan, “Hangad sa langit ug ihapa ang mga bituon kon makahimo ka ba sa pag-ihap kanila.” Ug siya miingon kaniya, “Ingon usab niana ang imong kaliwatan.”
ikaw panalanginan gayod nako ug akong padaghanon ang imong mga kaliwat sama sa mga bituon sa langit ug ingon sa balas nga anaa sa baybayon sa dagat, ug ang imong mga kaliwat manag-iya sa ganghaan sa ilang mga kaaway.
Puyo dinhi niining yutaa, ug ako mag-uban kanimo ug ikaw akong panalanginan, kay kanimo ug sa imong kaliwatan, ihatag nako kining tanang mga yuta ug tumanon nako ang gipanumpa nako kang Abraham nga imong amahan.
Ug ang imong mga kaliwat mahimong sama sa abog sa yuta ug mokatap kamo ngadto sa kasadpan, sa silangan, sa amihanan ug sa habagatan. Ug pinaagi kanimo ug sa imong kaliwatan panalanginan ang tanan nga mga kabanayan sa yuta.
Ug gihatag ni Joab ang gidaghanon sa katawhan ngadto sa hari. Sa Israel adunay walo ka gatos ka libo ka tawo nga isog ug ang mga tawo sa Juda lima ka gatos ka libo.
Ug si Joab mihatag sa lista sa gidaghanon sa katawhan ngadto kang David. Sa tibuok Israel adunay 1,100,000 ka tawo nga naggamit ug espada ug sa Juda 470,000 ka tawo nga naggamit ug espada.
Si Abias nakiggubat uban ang usa ka panon sa kasundalohan nga mga tawong isog sa gubat, upat ka gatos ka libo ka piniling tawo, ug si Jeroboam nagpahimutang sa iyang han-ay alang sa pagpakiggubat batok kaniya uban sa walo ka gatos ka libo ka piniling kusgan nga manggugubat.
ang matag tawo tagsa ka beka, sa ato pa, tunga sa siklo, sumala sa siklo sa balaang dapit, kay ang tanan nga naihap sa pagpanglista sukad sa nagpanuigon ug 20 ka tuig ug pataas, 603,550.
Busa ang kinatibuk-an nga gidaghanon sa katawhan sa Israel, nga naihap sumala sa mga banay sa ilang katigulangan, sukad sa nagpanuigon ug 20 ug pataas, ang tanan sa Israel nga makahimo sa pag-adto sa panggubatan:
Apan si Moises miingon, “Ang katawhan diin ako uban unom ka gatos ka libo nga naglakaw, ug ikaw nag-ingon, ‘Hatagan nako sila ug karne aron mangaon sila sulod sa usa ka bulan!’
niining kamingawan mangapukan ang inyong mga lawas nga patay ug ang tanang mga naihap kaninyo, sumala sa inyong gidaghanon, gikan sa nagpanuigon ug 20 ka tuig ug pataas, kadtong nagbagulbol batok kanako,
Kini sila mao ang katawhan sa Israel sumala sa naihap diha sa mga banay sa ilang katigulangan. Ang tanang mga naihap sa mga kampo sumala sa ilang mga panon 603,550.
Kinsa ba ang makaihap sa abog ni Jacob o makaihap sa ikaupat nga bahin sa Israel? Tugoti ako nga mamatay sa kamatayon sa matarong, ug himoa nga ang akong kataposan mahisama sa iyang kataposan!”
Ang inyong katigulangan milugsong ngadto sa Ehipto, 70 ka tawo, ug karon ang Ginoo nga inyong Dios naghimo kaninyo nga sama sa mga bituon sa langit ang gidaghanon.
