Numeros 1:4

Ang Biblia 2011

Ug uban kaninyo kinahanglan nga may usa ka tawo gikan sa matag banay, ang matag usa pangulo sa panimalay sa iyang katigulangan.

Cross References

1 Mga Hari 8:1

Unya gitigom ni Solomon ang mga kadagkoan sa Israel ug ang tanang mga pangulo sa mga banay, mga pangulo sa panimalay sa katigulangan sa katawhan sa Israel, ngadto kang Hari Solomon sa Jerusalem aron ilang dad-on ang sudlanan sa kasabotan sa Ginoo gikan sa siyudad ni David nga mao ang Zion.

Exodo 18:21

Dugang pa niini, gikan sa tanang katawhan, pagpili ug mga tawo nga may katakos, mga tawo nga mahadlokon sa Dios, mga tawo nga kasaligan ug nagdumot sa suborno. Ibutang kining mga tawhana ibabaw kanila, ingon nga mga pangulo sa mga linibo, sa mga ginatos, sa mga tag-50, ug sa mga tagnapulo.

Exodo 18:25

Ug nagpili si Moises ug mga tawo nga may katakos gikan sa tibuok Israel ug iyang gibutang sila nga mga pangulo sa katawhan, mga pangulo sa mga linibo, sa mga ginatos, sa mga tag-50 ug sa mga tagnapulo.

Numeros 1:16

Kini sila mao ang mga gipili gikan sa katilingban, mga pangulo sa mga banay sa ilang katigulangan, sila mao ang pangulo sa mga linibo sa Israel.

Numeros 1:44

Kini sila mao ang naihap, ang giihap ni Moises ug ni Aaron ug sa napulo ug duha ka mga pangulo sa Israel, usa sa matag banay sa ilang katigulangan.

Numeros 17:3

Ug isulat ang ngalan ni Aaron diha sa sungkod ni Levi kay adunay tagsa ka sungkod alang sa matag pangulo sa mga banay sa ilang katigulangan.

Numeros 25:14

Ang ngalan niadtong lalaki sa Israel nga gipatay uban sa babaye nga Midianhon mao si Zimri nga anak ni Salu nga pangulo sa banay sa mga katigulangan nga sakop sa mga Simeonhanon.

Numeros 25:4

Ug ang Ginoo miingon kang Moises, “Kuhaa ang tanang kadagkoan sa katawhan ug bitaya sila sa atubangan sa Ginoo, binuwad sa adlaw, aron ang bangis nga kasuko sa Ginoo magpalayo gikan sa Israel.”

Numeros 30:1

Ug si Moises miingon sa mga pangulo sa mga banay sa katawhan sa Israel, “Kini mao ang butang nga gisugo sa Ginoo.

Numeros 4:34

Unya si Moises ug si Aaron ug ang mga pangulo sa katilingban miihap sa mga Kohatihanon sumala sa ilang mga panimalay, ug sumala sa mga banay sa ilang katigulangan,

Numeros 7:2

ang mga pangulo sa Israel, ang mga pangulo sa mga panimalay sa ilang katigulangan, ang mga pangulo sa mga banay nga nangulo niadtong mga naihap naghimo ug paghalad.

Deuteronomio 1:15

Busa gikuha nako ang mga pangulo sa inyong mga banay, mga tawo nga maalamon ug may kasinatian ug gibutang nako sila ingon nga mga pangulo ninyo, mga tigmando sa mga linibo, mga tigmando sa mga ginatos, mga tigmando sa mga tagkalim-an, mga tigmando sa tagnapulo ug mga tinugyanan, sa tibuok ninyong mga banay.

Josue 22:14

Ug uban kaniya ang napulo ka pangulo, usa gikan sa matag panimalay sa banay sa Israel. Ang matag usa kanila pangulo sa panimalay diha sa mga banay sa Israel.