Numeros 1:3

Ang Biblia 2011

sukad sa nagpanuigon ug 20 ug pataas, ang tanan nga makahimo pag-adto sa panggubatan. Ikaw ug si Aaron mag-ihap kanila sumala sa ilang mga panon.

Cross References

2 Samuel 24:9

Ug gihatag ni Joab ang gidaghanon sa katawhan ngadto sa hari. Sa Israel adunay walo ka gatos ka libo ka tawo nga isog ug ang mga tawo sa Juda lima ka gatos ka libo.

1 Cronicas 5:18

Ang mga Rubenhanon, ang mga Gadihanon ug ang katungang banay ni Manases may mga isog nga mga tawo nga nagdala ug taming ug espada, ug naggamit ug pana, ug batid sa gubat, 44,760 nga andam sa pagpanggubat.

2 Cronicas 25:5

Unya gitigom ni Amasias ang katawhan sa Juda ug gipahimutang sila sumala sa mga banay sa ilang mga katigulangan, ilalom sa mga tigmando sa linibo ug sa mga ginatos, alang sa tibuok Juda ug Benjamin. Iyang giihap kadtong 20 ka tuig ang panuigon ug pataas, ug nasuta nga sila tulo ka gatos ka libo ka tawo nga mga pinili, takos alang sa gubat, makahimo paggamit sa bangkaw ug taming.

Exodo 12:17

Ug himoa ninyo ang kasaulogan sa Pan nga Walay Patubo, kay niining adlawa gikuha nako ang inyong mga panon gikan sa yuta sa Ehipto. Busa sauloga ninyo kining adlawa sa tanan ninyong kaliwatan ingon nga usa ka tulumanon hangtod sa kahangtoran.

Exodo 30:14

Ang matag usa nga maihap sa pagpanglista, sukad sa nagpanuigon ug 20 ug pataas kinahanglan nga maghatag ug halad sa Ginoo.

Exodo 38:26

ang matag tawo tagsa ka beka, sa ato pa, tunga sa siklo, sumala sa siklo sa balaang dapit, kay ang tanan nga naihap sa pagpanglista sukad sa nagpanuigon ug 20 ka tuig ug pataas, 603,550.

Numeros 14:29

niining kamingawan mangapukan ang inyong mga lawas nga patay ug ang tanang mga naihap kaninyo, sumala sa inyong gidaghanon, gikan sa nagpanuigon ug 20 ka tuig ug pataas, kadtong nagbagulbol batok kanako,

Numeros 26:2

“Ipha ang tibuok nga katilingban sa katawhan sa Israel, sukad sa nagpanuigon ug 20 ka tuig ug pataas, sumala sa mga banay sa ilang katigulangan, ang tanan sa Israel nga makahimo sa pag-adto sa panggubatan.”

Numeros 3:15

“Ipha ang mga kaliwat ni Levi sumala sa mga banay sa ilang katigulangan ug sumala sa ilang mga panimalay, ang tanang mga lalaki sukad sa usa pa ka bulan ang kagulangon ug pataas iphon nimo.”

Numeros 32:11

‘Sa pagkatinuod walay si bisan kinsa sa mga tawo nga migula gikan sa Ehipto, sukad sa 20 ka tuig ang panuigon ug pataas nga makakita sa yuta nga akong gipanumpa nga ihatag kang Abraham, kang Isaac ug kang Jacob, tungod kay sila wala mosunod kanako sa bug-os,

Numeros 33:1

Kini mao ang mga hugna sa pagpanaw sa katawhan sa Israel sa paggula nila gikan sa yuta sa Ehipto sumala sa ilang mga panon ubos sa pagpangulo ni Moises ug ni Aaron.

Numeros 4:3

sukad sa nagpanuigon ug 30 ka tuig ug pataas hangtod sa nagpanuigon ug 50 ka tuig, ang tanan nga makahimo sa pag-alagad, sa pagbuhat sa mga buluhaton diha sa tolda nga tagboanan.

Deuteronomio 24:5

“Sa diha nga ang usa ka tawo bag-ong naminyo, dili siya makalakaw uban sa kasundalohan, dili usab siya matugyanan ug bisan unsang patigayon. Magpuyo siya sa iyang balay nga walay katungdanan sa usa ka tuig nga magmalipayon uban sa iyang asawa nga iyang gipili.

Deuteronomio 3:18

“Ug niadtong panahona nagsugo ako kaninyo nga nag-ingon, ‘Ang Ginoo nga inyong Dios mihatag kaninyo niining yutaa aron inyong mapanag-iya. Kinahanglan nga ang tanang tawo nga isog molabang nga sangkap sa hinagiban sa atubangan sa inyong mga kaigsoonan, ang katawhan sa Israel.