Numeros 1:2

Ang Biblia 2011

“Ipha ang gidaghanon sa tanang katawhan sa Israel sumala sa ilang mga panimalay, sumala sa mga banay sa ilang katigulangan, sumala sa gidaghanon sa mga ngalan, ang matag lalaki, ang matag ulo,

Cross References

Exodo 12:37

Ang katawhan sa Israel mipanaw gikan sa Rameses padulong sa Sucot. Mga unom ka gatos ka libo ka lalaki ang nanglakaw, gawas sa mga bata.

Exodo 30:12

“Sa diha nga maghimo ikaw ug pagpanglista sa katawhan sa Israel, ang matag usa maghatag ngadto sa Ginoo ug lukat alang sa iyang kinabuhi, sa diha nga iphon nimo sila aron walay kamatay nga moabot kanila sa diha nga ikaw mag-ihap kanila.

Exodo 38:25

Ug ang plata nga naihap gikan sa katilingban usa ka gatos ka talanton ug 1,775 ka siklo, sumala sa siklo sa balaang dapit,

Exodo 38:26

ang matag tawo tagsa ka beka, sa ato pa, tunga sa siklo, sumala sa siklo sa balaang dapit, kay ang tanan nga naihap sa pagpanglista sukad sa nagpanuigon ug 20 ka tuig ug pataas, 603,550.

Numeros 1:18

Ug sa unang adlaw sa ikaduhang bulan, gitigom nila ang tibuok nga katilingban ug gipalista nila ang ilang kaliwat sumala sa ilang mga panimalay, sumala sa mga banay sa ilang katigulangan, sumala sa gidaghanon sa mga ngalan, gikan sa nagpanuigon ug 20 ka tuig ug pataas, ang matag ulo gayod,

Numeros 1:19

sumala sa sugo sa Ginoo kang Moises. Busa giihap niya sila didto sa kamingawan sa Sinai.

Numeros 1:22

Sa mga kaliwat ni Simeon, sa ilang mga kaliwatan, sumala sa ilang mga panimalay, sumala sa mga banay sa ilang katigulangan, kadtong naihap sumala sa gidaghanon sa mga ngalan, ang matag ulo, ang matag lalaki nga nagpanuigon ug 20 ug pataas, ang tanang makahimo sa pag-adto sa panggubatan: