Numeros 1:1

Ang Biblia 2011

Ang Ginoo misulti kang Moises didto sa kamingawan sa Sinai, sulod sa tolda nga tagboanan, sa unang adlaw sa ikaduhang bulan sa ikaduhang tuig human sa ilang paggawas gikan sa yuta sa Ehipto, nga nag-ingon,

Cross References

1 Mga Hari 6:1

Ug sa ika-480 nga tuig human mobiya ang katawhan sa Israel gikan sa yuta sa Ehipto, sa ikaupat nga tuig sa paghari ni Solomon ibabaw sa Israel, sa bulan sa Zib nga mao ang ikaduha nga bulan, siya nagsugod sa pagtukod sa balay sa Ginoo.

Exodo 19:1

Sa ikatulong bag-ong subang sa bulan human ang katawhan sa Israel makagula gikan sa yuta sa Ehipto, niadtong adlawa miabot sila sa kamingawan sa Sinai.

Exodo 19:2

Ug sa pagbiya nila sa Refidim ug sa pag-abot nila sa kamingawan sa Sinai, nagkampo sila sa kamingawan ug didto ang Israel magkampo sa atubangan sa bukid.

Exodo 25:22

Diha niini ako makigtagbo kanimo, ug makigsulti ako kanimo gikan sa ibabaw sa tabon, gikan sa duha ka kerubin nga anaa sa ibabaw sa sudlanan sa pagpamatuod mahitungod sa tanan nga akong ihatag kanimo nga mao ang kasugoan alang sa katawhan sa Israel.

Exodo 40:17

Sa unang bulan sa ikaduhang tuig, ang Tolda gipatindog.

Exodo 40:2

“Sa unang adlaw sa unang bulan, kinahanglan nga patindogon nimo ang Tolda, ang tolda nga tagboanan.

Levitico 1:1

Ang Ginoo mitawag kang Moises ug misulti kaniya gikan sa tolda nga tagboanan, nga nag-ingon,

Levitico 27:34

Kini mao ang mga sugo nga gisugo sa Ginoo kang Moises alang sa katawhan sa Israel didto sa Bukid sa Sinai.

Numeros 1:18

Ug sa unang adlaw sa ikaduhang bulan, gitigom nila ang tibuok nga katilingban ug gipalista nila ang ilang kaliwat sumala sa ilang mga panimalay, sumala sa mga banay sa ilang katigulangan, sumala sa gidaghanon sa mga ngalan, gikan sa nagpanuigon ug 20 ka tuig ug pataas, ang matag ulo gayod,

Numeros 12:4

Ug sa kalit ang Ginoo misulti kang Moises ug kang Aaron ug kang Miriam, “Dali kamong tulo sa tolda nga tagboanan.” Busa nangadto silang tulo.

Numeros 9:1

Ug ang Ginoo misulti kang Moises didto sa kamingawan sa Sinai, sa unang bulan sa ikaduhang tuig human sa ilang paggawas sa yuta sa Ehipto, nga nag-ingon,

Deuteronomio 1:3

Ug sa ika-40 nga tuig, sa unang adlaw sa ikanapulo ug usa nga bulan, si Moises misulti sa katawhan sa Israel sumala sa tanan nga gihatag sa Ginoo kaniya ingon nga kasugoan alang kanila,

Deuteronomio 2:14

Ug ang gidugayon sukad sa atong pagbiya sa Kades-barnea hangtod sa atong paglabang sa sapa sa Zered 38 ka tuig, hangtod nga ang tibuok kaliwatan nga mao ang mga tawo sa panggubatan nangahanaw gikan sa kampo sumala sa gipanumpa kanila sa Ginoo.

Deuteronomio 2:7

Kay ang Ginoo nga inyong Dios nagpanalangin kaninyo sa tanang buhat sa inyong mga kamot. Siya nahibalo sa inyong paglatas niining dakong kamingawan. Niining 40 ka tuig, ang Ginoo nga inyong Dios nag-uban kaninyo, walay bisan unsa nga nakulang kaninyo.’