Nehemias 4:10

Ang Biblia 2011

Apan si Juda miingon, “Ang kusog sa tigdala sa mga bug-at nagkaluya ug daghan kaayo ang sagbot. Dili kami makahimo sa pagtukod sa paril.”

Cross References

Hageo 1:2

“Mao kini ang gisulti sa Ginoo sa mga panon: Kining katawhan nag-ingon nga ang panahon sa pagtukod pag-usab sa balay sa Ginoo wala pa moabot.”

Ezequiel 29:18

“Anak sa tawo, si Nabucodonosor nga hari sa Babilonia nagpahago pag-ayo sa iyang kasundalohan batok sa Tiro. Ang tanang ulo ug ang tanang abaga nangapaslot, apan bisan pa niana, siya o ang iyang kasundalohan walay nakuha bisan unsa gikan sa Tiro aron pagbayad sa paghago nga iyang gihimo batok niini.

2 Cronicas 2:18

Iyang gitugyanan sa pagdala sa mga bug-at nga dad-onon ang 70,000 kanila ug ang 80,000 aron sa pagpanguha ug kahoy sa mga kabukiran, ug ang 3,600 ingon nga tigdumala aron sa pagpatrabaho sa mga tawo.

Numeros 32:9

Kay sa diha nga sila miadto sa Walog sa Escol ug nakita ang yuta, ilang gipaluya ang kasingkasing sa katawhan sa Israel aron sila dili mosulod sa yuta nga gihatag sa Ginoo kanila.

Numeros 13:31

Apan ang mga tawo nga mitungas uban kaniya miingon, “Dili kita makahimo sa pagtungas batok niadto nga katawhan kay sila kusgan pa kay kanato.”

2 Cronicas 34:13

maoy nagdumala sa mga tigdala sa mga bug-at nga butang ug nagdumala sa tanang nagbuhat sa tanang matang sa pagpangalagad. Pipila sa mga Levihanon mga eskriba, ug mga tinugyanan ug mga tigbantay sa ganghaan.

Nehemias 4:2

Ug siya miingon diha sa atubangan sa iyang kaigsoonan ug sa kasundalohan sa Samaria, “Unsay gibuhat niining mga luya nga mga Judio? Ipahiuli ba nila ang mga butang? Maghalad ba sila? Makahuman ba sila niini sa usa ka adlaw? Mapabalik ba nila ang mga bato gikan sa mga tinapok nga linabay ug mga sinunog?”

Nehemias 4:9

Unya nag-ampo kami sa among Dios ug nagbutang ug usa ka bantay nga panalipod batok kanila sa adlaw ug gabii.

Nehemias 4:11

Ug ang among mga kaaway miingon, “Dili sila makahibalo o makakita, hangtod nga kita moabot sa ilang taliwala ug pamatyon nato sila ug hunongon ang buhat.”