Nehemias 2:6

Ang Biblia 2011

Ug ang hari miingon kanako (ang rayna usab naglingkod tupad kaniya), “Unsa ba ka dugay ang imong panaw ug kanus-a man ikaw mobalik?” Busa gikahimuot sa hari ang pagpalakaw kanako ug nagtakda akog panahon kaniya.

Cross References

Nehemias 1:11

O Ginoo, ako nangamuyo kanimo, papamatia ang imong dalunggan sa pag-ampo sa imong alagad ug sa pag-ampo sa imong mga alagad nga nahinangop sa pagkahadlok sa imong ngalan. Ug hatagi ug kalamposan ang imong alagad karong adlawa ug hatagi siya ug kaluoy sa panan-aw niining tawhana.” Niadtong panahona ako ang tigdala sa kupa sa hari.

Nehemias 13:6

Samtang kini nahitabo, wala ako didto sa Jerusalem kay sa ika-32 nga tuig ni Artaxerxes nga hari sa Babilonia, miadto ako sa hari. Ug human sa pipila ka adlaw, nananghid ako sa hari nga molakaw

Nehemias 2:4

Unya ang hari miingon kanako, “Unsa ba ang imong pangayoon?” Busa nag-ampo ako ngadto sa Dios sa langit.

Nehemias 2:5

Ug ako miingon sa hari, “Kon kini nakapahimuot sa hari ug kon ang imong alagad nakapahimuot sa imong panan-aw, imo unta akong paadtoon sa Juda, ngadto sa siyudad sa mga lubnganan sa akong mga katigulangan, aron matukod nako kini pag-usab.”

Nehemias 5:14

Dugang pa, sukad sa panahon nga ako gitudlo aron mahimo nilang gobernador sa yuta sa Juda, sukad sa ika-20 nga tuig hangtod sa ika-32 nga tuig ni Artaxerxes nga hari, napulo ug duha ka tuig, ako o ang akong mga kaigsoonan wala mokaon sa pagkaon sa gobernador.

Isaias 58:12

Ug ang imong karaang mga dapit nga nangaguba tukoron pag-usab; imong pabarogon ang mga patukoranan sa daghan nga mga kaliwatan; ikaw tawgon nga tig-ayo sa nangatumpag, ang tig-ayo sa kadalanan aron puy-an.

Isaias 61:4

Ilang tukoron ang karaang mga guba, patindogon nila ang karaang mga nangalumpag; ayohon nila ang guba nga mga siyudad, ang mga nangagun-ob sa daghang mga kaliwatan.

Isaias 65:24

Sa dili pa sila magsangpit, ako motubag na, samtang nagsulti pa sila, ako mamati.

Daniel 9:25

Busa hibaloi ug sabta, nga gikan sa paggula sa pulong sa pagpasig-uli ug sa pagtukod sa Jerusalem ngadto sa pag-abot sa dinihogan, usa ka pangulo, adunay pito ka pito ka tuig. Ug sa 62 ka pito ka tuig tukoron kini pag-usab uban ang hawan nga dapit ug ang kanal, apan diha sa samok nga panahon.