Nehemias 11:3

Ang Biblia 2011

Kini sila mao ang mga pangulo sa lalawigan nga nagpuyo sa Jerusalem, apan didto sa mga lungsod sa Juda ang matag usa nagpuyo sa iyang yuta didto sa ilang mga lungsod: ang Israel, ang mga pari, ang mga Levihanon, ang mga alagad sa Templo ug ang mga kaliwat sa mga alagad ni Solomon.

Cross References

Nehemias 7:73

Busa ang mga pari, ang mga Levihanon, ang mga tigbantay sa ganghaan, ang mga mag-aawit, ang uban sa katawhan, ang mga alagad sa Templo ug ang tibuok Israel namuyo sa ilang mga lungsod. Sa pag-abot sa ikapito nga bulan, ang mga kaliwat sa Israel diha na sa ilang mga lungsod.

Esdras 2:43

Ang mga alagad sa Templo: ang mga kaliwat ni Ziha, ang mga kaliwat ni Hasufa, ang mga kaliwat ni Tabaot,

Esdras 2:1

Mao kini sila ang katawhan sa lalawigan, nga nahiuli gikan sa pagkabihag niadtong mga binihag nga gidala ni Nabucodonosor nga hari sa Babilonia ug namauli sila ngadto sa Jerusalem ug sa Juda, ang matag usa ngadto sa iyang kaugalingong lungsod.

Nehemias 11:20

Ug ang nahibilin sa Israel, sa mga pari, sa mga Levihanon, diha sa tanang mga lungsod sa Juda, ang matag usa diha sa iyang panulundon.

Nehemias 7:6

Kini mao ang katawhan sa lalawigan nga miabot gikan sa pagkabihag niadtong mga gipamihag ni Nabucodonosor nga hari sa Babilonia. Namauli sila ngadto sa Jerusalem ug sa Juda, ang matag usa ngadto sa iyang lungsod.

Esdras 2:70

Ang mga pari, ug ang mga Levihanon ug ang uban sa katawhan mipuyo sa Jerusalem ug sa mga kasikbit niini. Ug ang mga mag-aawit, ug ang mga tigbantay sa ganghaan ug ang mga alagad sa Templo nagpuyo sa ilang mga lungsod ug ang tibuok Israel sa ilang mga siyudad.

Nehemias 11:4

Ug sa Jerusalem namuyo ang pipila sa mga kaliwat sa Juda ug ang mga kaliwat ni Benjamin. Sa mga kaliwat ni Juda: si Ataias nga anak ni Uzias nga anak ni Zacarias nga anak ni Amarias nga anak ni Sefatias nga anak ni Mahalalel, sa mga kaliwat ni Peres;

Nehemias 7:7

Miadto sila uban kang Zerubabel, kang Jesua, kang Nehemias, kang Asarias, kang Raamias, kang Nahamani, kang Mardoqueo, kang Bilsan, kang Misperet, kang Bigvai, kang Nehum, kang Baana. Ang gidaghanon sa mga tawo sa katawhan sa Israel:

Nehemias 7:39

Ang mga pari: ang mga kaliwat ni Jedaias, sa balay ni Jesua, 973.

Nehemias 7:43

Ang mga Levihanon: ang kaliwat ni Jesua, kang Kadmiel, sa mga anak ni Hodeva, 74.

Nehemias 7:46

Ang mga alagad sa Templo: ang mga kaliwat ni Ziha, ang mga kaliwat ni Hasufa, ang mga kaliwat ni Tabaot,