Nehemias 1:3

Ang Biblia 2011

Ug sila miingon kanako, “Ang mga nahibilin diha sa lalawigan nga nakaikyas gikan sa pagkabihag anaa sa dakong kasamok ug kaulaw, ug ang paril sa Jerusalem nagun-ob ug ang mga ganghaan niini nangaguba pinaagi sa kalayo.”

Cross References

Nehemias 2:17

Unya miingon ako kanila, “Inyong nakita ang kasamok diin anaa kita, ang pagkagun-ob sa Jerusalem ug ang mga ganghaan niini nga nangasunog. Dali, atong tukoron ang paril sa Jerusalem aron dili na kita mag-antos sa kaulawan.”

2 Mga Hari 25:10

Unya ang kasundalohan nga Caldeanhon nga uban sa pangulo sa mga bantay miguba sa mga paril nga naglibot sa Jerusalem.

Nehemias 7:6

Kini mao ang katawhan sa lalawigan nga miabot gikan sa pagkabihag niadtong mga gipamihag ni Nabucodonosor nga hari sa Babilonia. Namauli sila ngadto sa Jerusalem ug sa Juda, ang matag usa ngadto sa iyang lungsod.

Nehemias 2:13

Migula ako sa pagkagabii dapit sa Ganghaan sa Walog ngadto sa Atabay sa Dragon ug ngadto sa Ganghaan sa Basura ug akong gitan-aw ang mga paril sa Jerusalem nga natumpag ug ang mga ganghaan niini nga gipangguba pinaagi sa kalayo.

Nehemias 2:3

Ako miingon sa hari, “Mabuhi unta ang hari hangtod sa kahangtoran! Nganong dili man masulob-on ang akong nawong nga ang siyudad, ang dapit sa mga lubnganan sa akong mga katigulangan, nahimong kamingawan ug ang mga ganghaan niini naguba sa kalayo?”

Esdras 5:8

Angay kini nga mahibaloan sa hari nga kami miadto sa lalawigan sa Juda, ngadto sa Balay sa dakong Dios. Gitukod kini uban sa dagkong mga bato ug ang mga kahoy gipahimutang sa mga kuta ug kining buhata nagpadayon uban sa kakugi ug nag-uswag diha sa ilang mga kamot.

Mga Pagbangotan 5:1

Hinumdomi, O Ginoo, unsay nahitabo kanamo; tan-awa, ug sud-onga ang among kaulawan!

Mga Pagbangotan 3:61

“Nadungog nimo ang ilang mga pagbiaybiay, O Ginoo, ang tanan nilang mga laraw batok kanako.

Mga Pagbangotan 1:7

Ang Jerusalem nahinumdom diha sa mga adlaw sa iyang kagul-anan ug sa iyang paglatagaw, sa tanang mga butang nga iyang nahuptan sukad sa unang mga adlaw. Sa diha nga nahulog ang iyang katawhan sa kamot sa kaaway, ug walay mitabang kaniya, ang kaaway mitan-aw nga nagbiaybiay kaniya diha sa iyang pagkahulog.

Jeremias 52:14

Ug ang tanang kasundalohan sa mga Caldeanhon uban sa kapitan sa mga bantay mitumpag sa paril nga naglibot sa Jerusalem.

Jeremias 42:18

“Kay mao kini ang giingon sa Ginoo sa mga panon, ang Dios sa Israel: Ingon nga ang akong kasuko ug ang akong kapungot gibubo ngadto sa mga nagpuyo sa Jerusalem, ang akong kapungot ibubo usab nako nganha kaninyo sa dihang moadto kamo sa Ehipto. Mahimo kamong dulumtanan, kalisangan, tunglo ug usa ka talamayon. Dili na kamo makakita pa niining yutaa.

Jeremias 39:8

Gisunog sa mga Caldeahanon ang balay sa hari, ug ang mga balay sa katawhan ug gitumpag ang mga paril sa Jerusalem.

Jeremias 29:18

Gukdon nako sila pinaagi sa espada, sa gutom ug sa kamatay, ug himoon nga kalisangan sa tanang mga gingharian sa yuta aron mahimong tunglo, usa ka kahadlokan, usa ka talamayon ug usa ka kaulawan sa taliwala sa tanang mga nasod diin didto giabog nako sila,

Jeremias 24:9

Himoon nako sila nga kalisangan ngadto sa tanang mga gingharian sa yuta aron mahimo nga usa ka talamayon, usa ka sanglitanan, usa ka biaybiay ug usa ka tunglo didto sa tanang mga dapit diin hinginlan nako sila.

Jeremias 5:10

“Panaka kamo agi sa iyang mga kaparasan, ug gun-oba kini, apan ayaw hingpita sa pagguba; kuhaa ang iyang mga sanga, kay dili kini iya sa Ginoo.

Isaias 43:28

Tungod niini gipasipad-an nako ang mga pangulo sa balaang dapit, gitugyan nako si Jacob ngadto sa kalaglagan, ug ang Israel ngadto sa kaulawan.

Isaias 5:5

Ug karon sultihan ko ikaw kon unsay akong buhaton sa akong parasan. Kuhaon nako ang koral niini ug kini lamyon; bungkagon nako ang paril niini, ug kini tamakan.

Salmo 79:4

Nahimo kaming usa ka tinamay sa among mga silingan, giyubit ug gikataw-an nila nga naglibot kanamo.

Ester 1:1

Sa mga adlaw ni Ahasuero, ang Ahasuero nga naghari sukad sa India hangtod sa Etiopia, ibabaw sa 127 ka lalawigan,

Nehemias 11:3

Kini sila mao ang mga pangulo sa lalawigan nga nagpuyo sa Jerusalem, apan didto sa mga lungsod sa Juda ang matag usa nagpuyo sa iyang yuta didto sa ilang mga lungsod: ang Israel, ang mga pari, ang mga Levihanon, ang mga alagad sa Templo ug ang mga kaliwat sa mga alagad ni Solomon.

Esdras 2:1

Mao kini sila ang katawhan sa lalawigan, nga nahiuli gikan sa pagkabihag niadtong mga binihag nga gidala ni Nabucodonosor nga hari sa Babilonia ug namauli sila ngadto sa Jerusalem ug sa Juda, ang matag usa ngadto sa iyang kaugalingong lungsod.

1 Mga Hari 9:7

ipahimulag nako ang Israel gikan sa yuta nga akong gihatag kanila, ug kining balay nga akong gibalaan alang sa akong ngalan isalikway nako gikan sa akong panan-aw ug ang Israel mahimong usa ka sanglitanan ug usa ka talamayon diha sa tanang katawhan.

Mga Panultihon 25:28

Ang tawo nga walay pagpugong sa kaugalingon sama sa usa ka siyudad nga nalumpag ug gibiyaan nga walay mga paril.

Mga Pagbangotan 2:9

Ang iyang mga ganghaan nangalusno ngadto sa yuta; iyang gilaglag ug gipamunggo ang mga trangka niini; ang iyang hari ug ang iyang mga pangulo atua sa taliwala sa mga nasod; wala na ang balaod, ug ang iyang mga propeta wala nay panan-awon gikan sa Ginoo.

Levitico 26:31

Ang inyong mga lungsod himoon nako nga kamingawan ug gub-on nako ang inyong mga balaang dapit ug dili nako panimahoon ang kahumot sa inyong humot nga halad.

Levitico 26:33

Patibulaagon kamo nako taliwala sa mga nasod ug laniton nako ang espada ug gukdon kamo ug ang inyong yuta mangatumpag ug mangalaglag ang inyong mga lungsod.

2 Cronicas 36:19

Ilang gisunog ang balay sa Dios ug gigun-ob ang kuta sa Jerusalem ug gisunog sa kalayo ang tanang harianong balay niini ug giguba ang tanang mga bililhon nga galamiton niini.