Nahum 3:11

Ang Biblia 2011

Ikaw usab mahubog, malipong ikaw; ikaw mangita ug dalangpanan gikan sa imong kaaway.

Cross References

Salmo 75:8

Kay diha sa kamot sa Ginoo adunay usa ka kupa, nga may bino nga nagbula, maayong pagkasagol; ug gikan niini maghuwad siya ug kapaitan, ug ang tanan nga daotan sa kalibotan mohurot niini hangtod sa mga linugdang.

Isaias 2:10

Sulod ngadto sa bato, ug tago diha sa abog, gikan sa pagkamakalilisang sa Ginoo, ug gikan sa himaya sa iyang pagkahalangdon.

Isaias 2:19

Ang mga tawo manulod sa mga langob sa mga bato, ug sa mga lungib sa yuta, gikan sa atubangan sa pagkamakalilisang sa Ginoo, ug gikan sa himaya sa iyang pagkahalangdon, sa diha nga siya motindog aron sa paglisang sa yuta.

Isaias 29:9

Pakurati ang inyong kaugalingon ug kakugang, butai ang inyong kaugalingon ug pagpakabuta! Paghubog, apan dili sa bino; pagsusapinday, apan dili sa isog nga ilimnon!

Isaias 49:26

Ang nagdaogdaog kanimo pakan-on nako sa ilang kaugalingong unod, ug sila mangahubog sa ilang kaugalingong dugo ingon sa bino. Unya ang tananng unod masayod nga ako mao ang Ginoo nga imong Manluluwas, ug imong Manunubos, ang Gamhanan ni Jacob.”

Isaias 63:6

Gitumban nako ang mga katawhan diha sa akong kasuko, gipainom nako sila diha sa akong kaligutgot, ug gipabanaw nako ang ilang dugo diha sa yuta.”

Jeremias 4:5

Ipahayag ninyo sa Juda, ug isangyaw sa Jerusalem, ug ingna sila, “Patingoga ang mga trumpeta diha sa yuta; singgit ug kusog ug pag-ingon, ‘Pagtigom kamo, ug paadtoa kami sa mga kinutaan nga mga siyudad!’

Jeremias 51:57

Hubgon nako ang iyang mga pangulo ug ang iyang mga maalamong tawo, ang iyang mga gobernador, ang iyang mga tigmando ug ang iyang mga manggugubat; sila mangatulog sa dayong pagkatulog ug dili momata, nag-ingon ang Hari nga ang ngalan si Yahweh sa mga panon.

Jeremias 8:14

Nganong naglingkod kita nga hilom? Pagtigom kamo, ug manulod kita ngadto sa mga kinutaan nga siyudad ug mangamatay didto; kay ang Ginoo nga atong Dios nagsilot kanato aron mamatay, ug naghatag kanato ug tubig nga may hilo aron imnon, tungod kay kita nakasala batok sa Ginoo.

Oseas 10:8

Ang mga habog nga mga dapit sa Aven, ang sala sa Israel, laglagon. Ang tunok ug ang sagbot manubo sa ilang mga halaran ug sila mag-ingon sa kabukiran, Taboni kami, ug sa kabungtoran, Tumpagi kami.

Amos 9:3

Bisan pa ug magtago sila sa ilang kaugalingon didto sa kinatumyan sa Carmel, gikan didto pangitaon nako sila ug kuhaon; bisan pa ug motago sila gikan sa akong panan-aw sa ilalom sa dagat, didto sugoon nako ang bitin ug kini mopaak kanila.

Miqueas 7:17

sila magtilap sa abog sama sa usa ka bitin, sama sa mga nagkamang sa yuta; sila manggula nga magkurog gikan sa ilang mga salipdanan; uban sa kahadlok moduol sila sa Ginoo nga atong Dios, ug sila mangalisang tungod kanimo.

Nahum 1:10

Sama sa tunok sila nangagapos, sama sa mga palahubog sila nangahubog; sila nangapuo sama sa mga dagami.

Nahum 2:1

Ang tiglumpag miabot na batok kanimo. Andama ang mga panalipod; bantayi ang dalan; hugti pagbakos ang imong hawak; tigoma ang tanan nimong kusog.

Lucas 23:30

Unya mosugod sila sa pag-ingon ngadto sa mga bukid, ‘Tumpagi kami’ ug ngadto sa mga bungtod, ‘Taboni kami.’

1 Samuel 13:6

Sa pagkakita sa mga tawo sa Israel nga diha sila sa kalisdanan (kay ang katawhan naguol), ang mga tawo nagtago sa ilang kaugalingon sa mga langob ug sa mga lungag ug sa mga dagkong bato ug sa mga lubnganan ug sa mga gahong.

1 Samuel 14:11

Busa silang duha nagpadayag sa ilang kaugalingon didto sa mga sundalo nga nagbantay sa kuta sa mga Filistihanon ug ang mga Filistihanon nag-ingon, “Tan-awa, ang mga Hebreo nanggula gikan sa mga lungag diin sila nagtago sa ilang kaugalingon.”