Nahum 2:7

Ang Biblia 2011

Ang rayna niini gihuboan, gidala siya, ang iyang mga sulugoong babaye nagbangutan, nag-agulo sama sa mga salampati, nagpamukpok sa ilang mga dughan.

Cross References

Isaias 32:12

Pamukpoka ang inyong mga dughan tungod sa maayo nga mga uma, tungod sa mabungahon nga paras,

Isaias 38:14

Sama sa sayaw o talabong, ako nag-agulo, nag-agulo sama sa usa ka salampati. Ang akong mga mata naluya sa pagtan-aw sa itaas. O Ginoo, ako gidaogdaog; mahimo unta ikaw nga saliganan nako!

Isaias 59:11

Kaming tanan nagngulob sama sa mga oso, nag-agulo pag-ayo sama sa mga salampati; kami nangita sa hustisya, apan walay nakaplagan; sa kaluwasan, apan kini layo kanamo.

Ezequiel 7:16

Kon adunay mahibilin nga makaikyas, sila makaplagan diha sa kabukiran, sama sa mga salampati sa kawalogan, silang tanan mag-agulo, ang matag usa tungod sa iyang kasal-anan.

Nahum 2:6

Ang mga ganghaan sa mga suba gibuksan, ang palasyo nagkaguliyang.

Nahum 3:13

Tan-awa, ang imong katawhan mga babaye sa imong kinataliwad-an. Ang mga ganghaan sa imong yuta nangabukas alang sa imong mga kaaway; ang kalayo milamoy sa imong mga trangka.

Marcos 14:66

Samtang didto si Pedro sa silong, sa hawanan sa tugkaran, miabot ang usa sa mga babayeng sulugoon sa labawng pangulong pari.

Lucas 23:27

Ug misunod kaniya ang usa ka dakong panon sa katawhan ug mga babaye nga nanghilak ug nagminatay tungod kaniya.

Lucas 23:48

Ug ang panon sa katawhan nga mitapok aron pagtan-aw niini, sa ilang pagkakita sa nahitabo, mipauli nga namukpok sa ilang mga dughan.