Nahum 2:4

Ang Biblia 2011

Ang mga karwahi misutoy sa kadalanan, sila nanagan ngadto-nganhi sa lapad nga mga dalan; nagpangidlap sila sama sa mga sulo, mikilab sama sa kilat.

Cross References

Mga Panultihon 31:21

Siya dili mahadlok sa katugnaw alang sa iyang panimalay, kay ang tanan sa iyang panimalay gibistihan ug pula.

Isaias 37:24

Pinaagi sa imong mga sulugoon gipakaulawan nimo ang Ginoo, ug ikaw nag-ingon, “Sa panon sa akong mga karwahi ako nakadangat sa kinahabogan sa kabukiran, ngadto sa kinahiladman nga mga bahin sa Lebanon, giputol nako ang mga tag-as nga mga cedro niini, ang pinili nga mga kahoyng sipre; ug akong naabot ang labing layo nga kahitas-an, ang kinabag-an sa mga lasang niini.

Isaias 66:15

“Kay, tan-awa, ang Ginoo moanhi diha sa kalayo, ug ang iyang mga karwahi sama sa alimpulos, aron sa pagpahamtang sa iyang kasuko diha sa kapungot, ug sa iyang pagbadlong pinaagi sa nagdilaab nga kalayo.

Jeremias 4:13

Tan-awa, siya moanhi sama sa mga panganod, ang iyang mga karwahi sama sa alimpulos; ang iyang mga kabayo tulin pa kay sa mga agila— alaot kita, kay kita nangalaglag!

Jeremias 46:9

Dagan, mga kabayo ug haguros kamo, mga karwahi! Paasdanga ang mga manggugubat: ang mga tawo sa Etiopia ug sa Put nga nagkupot sa taming, ang mga tawo sa Lud nga batid sa paggamit ug pana.

Ezequiel 23:24

Ug sila manganhi batok kanimo gikan sa amihanan uban ang mga karwahi ug mga karomata, ug usa ka panon sa mga katawhan. Sila magpahiluna sa ilang kaugalingon batok kanimo sa tanang dapit uban ang sagang ug taming ug helmet ug akong itugyan ang paghukom ngadto kanila ug sila maghukom kanimo sumala sa ilang mga paghukom.

Ezequiel 26:10

Tungod sa pagkadaghan sa iyang mga kabayo, ang ilang mga abog magtabon kanimo. Ang imong mga kuta mangurog sa kagahob sa mga tigpangabayo, sa mga karomata ug sa mga karwahi, sa diha nga siya mosulod sa imong mga ganghaan, sama sa tawo nga mosulod sa usa ka siyudad nga natumpag.

Ezequiel 26:7

“Kay mao kini ang giingon sa Ginoong Dios: Ania karon, gikan sa amihanan ipadala nako ngadto sa Tiro si Nabucodonosor nga hari sa Babilonia, hari sa mga hari, uban ang mga kabayo, mga karwahi ug uban ang mga tigpangabayo ug usa ka panon sa daghang kasundalohan.

Daniel 11:40

“Nianang panahona sa kataposan, ang hari sa habagatan mosulong kaniya apan ang hari sa amihanan mosulong kaniya sama sa alimpulos, uban ang mga karwahi ug mga tigpangabayo ug daghang mga sakayan sa dagat ug siya mosulod sa kayutaan, ug molukop ug moagi niini.