Nahum 1:8

Ang Biblia 2011

Apan uban sa dakong bul-og sa baha iyang puohon ang iyang mga kaaway, ug gukdon niya ang iyang mga kaaway ngadto sa kangitngit.

Cross References

Job 30:15

Ang mga kalisang gipadasmag kanako; ang akong kadungganan gigukod sama sa hangin, ug ang akong kauswagan milabay sama sa panganod.

Job 40:11

Ibubo ang mga inawas sa imong kasuko; ug tan-awa ang matag usa nga mapahitas-on, ug ipaubos siya.

Mga Panultihon 4:19

Ang dalan sa daotan sama sa hilabihan nga kangitngit; sila dili mahibalo kon unsa ang ilang napandolan.

Isaias 13:10

Kay ang mga bituon sa kalangitan ug ang mga pundok sa bituon niini dili mohatag sa ilang kahayag; ang adlaw ngitngit sa iyang pagsubang, ug ang bulan dili mohatag sa iyang dan-ag.

Isaias 13:9

Tan-awa, ang adlaw sa Ginoo nagsingabot, bangis, uban ang kaligutgot ug pintas nga kasuko, aron sa paghimo sa yuta nga kamingawan, ug aron sa paglaglag sa mga makasasala gikan niini.

Isaias 28:17

Ug ang hustisya himoon nako nga latid, ug ang pagkamatarong mao ang tunton; ug ang unos nga yelo molaglag sa dalangpanan sa kabakakan, ug ang katubigan mosanap sa dapit nga tagoanan.”

Isaias 28:18

Unya ang inyong kasabotan uban sa kamatayon papason, ug ang inyong gikauyonan uban sa Sheol dili molungtad, sa diha nga ang naghaguros nga bunal moagi na, kamo hampakon niini.

Isaias 28:2

Tan-awa, ang Ginoo adunay usa nga gamhanan ug kusgan; sama sa usa ka bagyo nga yelo, usa ka makalaglag nga bagyo, sama sa usa ka unos nga kusog, nag-awas nga katubigan, ibusdak niya kini ngadto sa yuta diha sa kabangis.

Isaias 8:22

Sila motan-aw sa yuta, apan ilang makita ang kalisdanan ug ang kangitngit, ang kadulom sa kasakit, ug sila itambog ngadto sa hilabihan nga kangitngit.

Jeremias 13:16

Himayaa ang Ginoo nga imong Dios sa dili pa siya magpadala ug kangitngit, sa dili pa mapandol ang inyong mga tiil sa ngiob nga kabukiran, ug samtang mangita kamo sa kahayag, iya kining gihimo nga kangitngit, ug gihimo kini nga hilabihang kangitngit.

Jeremias 51:64

ug isulti kini, ‘Sa ingon niini ang Babilonia maunlod, dili na molutaw tungod sa kadaotan nga akong dad-on niini.’ ” Hangtod dinhi ang mga pulong ni Jeremias.

Ezequiel 13:13

Busa mao kini ang giingon sa Ginoong Dios: Pinaagi sa usa ka kusog nga hangin sa akong kapungot, ug moabot ang magbaha nga ulan sa akong kasuko, ug ang dagkong ulan nga yelo sa akong kapungot sa pagguba niini.

Daniel 11:10

“Ang iyang mga anak nga lalaki makiggubat ug magtigom ug usa ka dakong panon sa kasundalohan nga mosulong ug molapaw ug molabang ug magdala na usab sa gubat hangtod sa iyang kuta.

Daniel 11:22

Ang kasundalohan mangahanaw sa iyang atubangan ug mabungkag ug ang pangulo sa kasabotan usab.

Daniel 11:40

“Nianang panahona sa kataposan, ang hari sa habagatan mosulong kaniya apan ang hari sa amihanan mosulong kaniya sama sa alimpulos, uban ang mga karwahi ug mga tigpangabayo ug daghang mga sakayan sa dagat ug siya mosulod sa kayutaan, ug molukop ug moagi niini.

Daniel 9:26

Ug human sa 62 ka pito ka tuig, ang dinihogan patyon ug walay mabatonan bisan unsa, ug ang katawhan sa pangulo nga moabot maoy molaglag sa siyudad ug sa balaang dapit. Ang kataposan niini moabot sama sa baha ug hangtod sa kataposan adunay gubat, ang pagkagun-ob gitakda na.

Amos 8:8

Dili ba mokurog ang yuta tungod niini, ug maguol ang tanan nga nagpuyo niini, ug ang tanan niini motubo sama sa Nilo, ug motubo ug mohubas pag-usab, sama sa Nilo sa Ehipto?”

Nahum 1:1

Ang mensahe mahitungod sa Ninibe. Ang basahon sa panan-awon ni Nahum nga taga-Elkos.

Nahum 2:8

Ang Ninibe sama sa usa ka linaw nga ang mga tubig mibuhagay. “Hunong! Hunong!” sila naninggit; apan walay usa nga milingi.

Sofonias 2:13

Ug iyang tuy-oron ang iyang kamot batok sa amihanan, ug laglagon ang Asiria; ug himoon niya nga biniyaan ang Ninibe, uga nga dapit sama sa kamingawan.

Mateo 7:27

Mibundak ang ulan ug miabot ang mga baha, ug mihuros ang mga hangin ug mihapak niadtong balaya ug kadto napukan ug dako kaayo ang iyang pagkapukan.”

Mateo 8:12

apan ang mga anak sa gingharian abogon ngadto sa kangitngit didto sa gawas. Didto ang mga tawo manghilak ug magkagot ang ilang mga ngipon.”

1 Samuel 2:9

“Siya magbantay sa mga tiil sa mga matinud-anon; apan ang daotan mangahanaw diha sa kangitngitan; kay dili pinaagi sa kusog nga ang tawo magmadaogon.