Nahum 1:4

Ang Biblia 2011

Siya magbadlong sa dagat ug magpahubas niini, siya magpahubas sa tanang mga suba; ang Basan ug ang Carmel nalaya, ang bulak sa Lebanon nagkalawos.

Cross References

Genesis 8:1

Apan ang Dios nahinumdom kang Noe ug sa tanan nga mga mananap ug sa tanang kahayopan nga uban kaniya didto sa arka. Ug gipahuros sa Dios ang usa ka hangin sa ibabaw sa kalibotan, ug mianam paghubas ang tubig.

2 Samuel 22:16

Unya ang mga agianan sa dagat nakita, ang mga patukoranan sa kalibotan nadayag sa pagbadlong sa Ginoo, sa paghuyop sa gininhawa sa iyang ilong.

Job 38:11

ug nag-ingon, ‘Kutob ra ikaw dinhi, ug dili na molapaw, ug dinhi magpabilin ang mapagarbohon nimong mga balod’?

Salmo 104:7

Sa imong pagbadlong namahawa sila; sa tingog sa imong dalugdog nangagiw sila.

Salmo 106:9

Gibadlong niya ang Dagat nga Pula ug kini nauga; ug gidala niya sila latas sa kahiladman, sama nga naglatas ug kamingawan.

Salmo 114:3

Ang dagat nakakita niini ug mipahawa, ang Jordan misibog.

Salmo 114:5

Unsay imong gibati, O dagat, nga mipahawa man ikaw? O Jordan, nga misibog man ikaw?

Salmo 18:16

Mikab-ot siya gikan sa itaas, gikuha niya ako; gihaw-as niya ako gikan sa daghang mga katubigan.

Salmo 74:15

Imong gipabuswak ang tubod ug ang suba; gipauga nimo ang dagkong mga suba.

Isaias 33:9

Ang yuta nagsubo ug nagluya; ang Lebanon nalibog ug nalaya; ang Sharon sama sa usa ka kamingawan; ug ang Basan ug ang Carmel nagyabyab sa ilang mga dahon.

Isaias 42:15

Akong lumpagon ang kabukiran ug ang kabungtoran, ug palayaon nako ang tanan nilang mga tanom, himoon nako nga mga pulo ang mga suba, ug pahubason nako ang mga linaw.

Isaias 44:27

nga nag-ingon sa kahiladman, ‘Mauga ikaw, ug akong pahubson ang imong kasapaan;’

Isaias 51:10

Dili ba ikaw mao ang nagpauga sa dagat, sa katubigan sa dakong kahiladman; nga naghimo sa mga kahiladman sa dagat nga usa ka dalan aron agian sa mga linukat?

Ezequiel 30:12

Ug akong pahubson ang Nilo ug ibaligya ang yuta ngadto sa kamot sa mga tawong daotan; ang yuta akong himoon nga biniyaan ug ang tanan nga anaa niini, pinaagi sa kamot sa mga langyaw; ako, ang Ginoo, nagsulti niini.

Ezequiel 38:20

Ang mga isda sa dagat, ang mga langgam sa kalangitan, ang mga mananap sa kapatagan, ang tanang mga butang nga nagkamang sa yuta ug ang tanang mga tawo nga anaa ibabaw sa yuta, mokurog sa akong atubangan, ug ang mga bukid mangapukan, ug ang mga pangpang mangatumpag, ug ang tanang mga kuta mangahugno ngadto sa yuta.

Amos 1:2

Ug siya miingon, “Ang Ginoo nagdahunog gikan sa Zion, ug mipalanog sa iyang tingog gikan sa Jerusalem; ang mga sibsibanan sa mga tigbantay sa karnero nagsubo ug ang kinatumyan sa Carmel nalaya.”

Amos 5:8

Siya nga nagbuhat sa Pleades ug sa Orion, ug naghimo sa hilabihan nga kangitngit ngadto sa kabuntagon ug nagpangiob sa adlaw ngadto sa kagabhion, nga nagtawag sa katubigan sa dagat ug nagbubo niini ibabaw sa yuta, Yahweh ang iyang ngalan,

Mateo 8:26

Siya miingon kanila, “Nganong nangalisang man kamo, O mga tawong gamay ug pagsalig?” Unya mibangon siya ug iyang gibadlong ang mga hangin ug ang lanaw ug dihay dakong kalinaw.

Josue 3:16

ang mga tubig nga mibaha gikan sa ibabaw mihunong ug mitingob sa usa ka pundok sa layo, didto sa Adam, ang lungsod nga tupad sa Zaretan ug kadtong mga nagbaha padulong sa dagat sa Araba, ang Dagat nga Asin, naputol sa hingpit ug ang mga tawo nanabok atbang sa Jerico.