Miqueas 7:8

Ang Biblia 2011

Ayaw paglipay batok kanako, O akong kaaway; sa diha nga ako mapukan, mobangon ako; sa diha nga ako molingkod sa kangitngit, ang Ginoo mao ang kahayag alang kanako.

Cross References

Job 31:29

“Kon gikalipay nako ang pagkalaglag niadtong nagdumot kanako, o nagmaya sa diha nga naapsan siya sa kadaot

Salmo 112:4

Ngadto sa mga matarong mosiga ang kahayag diha sa kangitngit, ang Ginoo puno sa grasya, maluluy-on ug matarong.

Salmo 143:3

Kay ang kaaway naggukod kanako; iyang gidugmok ang akong kinabuhi ngadto sa yuta; iya akong gipalingkod diha sa kangitngit sama niadtong dugay nang namatay.

Salmo 20:8

Mangatumba sila ug mangapukan; apan kami motindog ug mobarog nga lig-on.

Salmo 27:1

Ang Ginoo mao ang akong kahayag ug ang akong kaluwasan; kinsa man ang akong kahadlokan? Ang Ginoo mao ang salipdanan sa akong kinabuhi; kinsa man ang akong kalisangan?

Salmo 35:19

Ayaw itugot nga sila nga akong mga kaaway mangalipay batok kanako diha sa bakak, ug ayaw itugot nga sila nga nagdumot kanako sa walay hinungdan magkidhat sa ilang mata.

Salmo 37:21

Ang daotan mangutang ug dili mobayad, apan ang matarong maluluy-on ug manghatag.

Salmo 37:24

bisan ug matumba siya, dili siya malukapa, kay ang Ginoo mao ang magkupot sa iyang kamot.

Salmo 38:16

Kay ako nag-ampo, “Dili unta nimo itugot nga maglipay sila tungod kanako, sila nga nagpasigarbo batok kanako sa dihang naligas ang akong tiil!”

Salmo 84:11

Kay ang Ginoo nga Dios adlaw ug taming; ang Ginoo mohatag ug grasya ug himaya. Walay maayo nga butang nga ihikaw niya gikan niadtong mga naglakaw nga matarong.

Salmo 97:11

Ang kahayag gipadan-ag alang sa mga matarong, ug ang kalipay alang sa mga ligdong ug kasingkasing.

Isaias 2:5

O balay ni Jacob, dali kamo, ug manglakaw kita diha sa kahayag sa Ginoo.

Isaias 49:9

nga nag-ingon sa mga binilanggo, ‘Duol kamo,’ niadtong anaa sa kangitngit, ‘Pakita.’ Sila magkaon daplin sa kadalanan, diha sa tanang hawan nga kabungtoran ang ilang sibsibanan;

Isaias 50:10

Kinsa ba kaninyo ang adunay kahadlok sa Ginoo ug nagtuman sa tingog sa iyang sulugoon, nga naglakaw diha sa kangitngit ug walay kahayag, apan nagsalig diha sa ngalan sa Ginoo ug naglaom diha sa iyang Dios?

Isaias 9:2

Ang katawhan nga naglakaw sa kangitngit nakakita ug usa ka dakong kahayag, kadtong nagpuyo diha sa yuta nga hilabihan kangitngit, sa ibabaw nila misidlak ang kahayag.

Jeremias 48:27

Dili ba ang Israel yubitonon alang kanimo? Nakita ba siya uban sa mga kawatan, nga sa dihang naghisgot ikaw mahitungod kaniya naglingolingo man ikaw sa imong ulo?

Jeremias 50:11

“Bisan ug kamo naglipay, bisan ug kamo nagmaya, O tigpanglungkab sa akong panulundon, bisan ug kamo mapatuyangon sama sa usa ka nating baka diha sa sagbot ug magbahihi sama sa laki nga mga kabayo,

Jeremias 8:4

“Isulti ngadto kanila, Mao kini ang giingon sa Ginoo: Sa diha nga mapukan ang mga tawo, dili ba sila mobangon pag-usab? Kon motalikod ang usa, dili ba siya mobalik?

Ezequiel 25:6

Kay mao kini ang giingon sa Ginoong Dios: Tungod kay gipakpak nimo ang imong mga kamot ug gibundak ang mga tiil ug ikaw nagmaya uban ang hilabihan nga pagtamay sa sulod nimo batok sa yuta sa Israel,

Ezequiel 35:15

Ingon nga ikaw naglipay tungod sa panulundon sa balay sa Israel, kay kini nahimong biniyaan, mao usab ang buhaton nako kanimo. Ikaw mahimong biniyaan, O Bukid sa Seir, ug ang tibuok Edom, ang tanan nga anaa niini. Unya sila makaila nga ako mao ang Ginoo.

Ezequiel 36:5

busa mao kini ang giingon sa Ginoong Dios: Ako nagsulti diha sa kainit sa akong pangabubho batok sa ubang mga nasod, ug batok sa tibuok Edom, nga naggahin sa akong yuta alang sa ilang kaugalingon aron panag-iyahon uban ang kalipay sa tibuok nilang kasingkasing ug hilabihan nga pagtamay, aron ila kining maangkon ug panguhaan.

Amos 9:11

“Nianang adlawa akong patindogon ang balongbalong ni David nga napukan ug ayohon ang mga nangalumpag niini, ug akong bangonon ang mga nangaguba niini, ug tukoron kini nako pag-usab ingon sa mga adlaw sa kakaraanan;

Abdias 1:12

Apan wala unta ikaw magmaya tungod sa adlaw sa kaalaotan sa imong igsoon, ug wala unta ikaw maglipay sa adlaw sa pagkalaglag sa katawhan sa Juda; wala unta ikaw magpasigarbo sa adlaw sa kalisdanan.

Miqueas 4:10

Paglimbaglimbag ug pag-agulo, O anak nga babaye sa Zion, sama sa babaye nga nagbati; kay karon mogula gayod ikaw sa siyudad ug magpuyo diha sa kapatagan; moadto ikaw sa Babilonia. Didto luwason ikaw, didto ang Ginoo maglukat kanimo gikan sa kamot sa imong mga kaaway.

Miqueas 7:10

Unya ang akong kaaway makakita niini, ug ang kaulaw magtabon kaniya nga nag-ingon kanako, “Hain man ang Ginoo nga imong Dios?” Ang akong mga mata magpasigarbo batok kaniya; karon siya tamakan sama sa lapok sa kadalanan.

Zacarias 12:8

Nianang adlawa ang Ginoo magbutang ug salipod libot sa mga nagpuyo sa Jerusalem aron kadtong labing luya kanila nianang adlawa mahisama kang David, ug ang balay ni David mahisama sa Dios, sama sa anghel sa Ginoo nga nangulo kanila.

Malaquias 4:2

Apan kaninyo nga may kahadlok sa akong ngalan, ang adlaw sa pagkamatarong mosubang nga nagdala ug kaayohan sa iyang mga pako. Kamo manggula nga magluksolukso sama sa mga nating baka sa toril.

Mateo 4:16

ang mga tawo nga nagpuyo taliwala sa kangitngit nakakita ug dakong kahayag, ug kanila nga nagpuyo sa yuta ug sa landong sa kamatayon midan-ag ang kahayag.”

Juan 16:20

Sa pagkatinuod gayod, sultihan ko kamo, nga kamo manghilak ug magbangutan apan ang kalibotan maglipay. Kamo masubo apan ang inyong kasubo mahimong kalipay.

Juan 8:12

Unya misulti pag-usab si Jesus kanila nga nag-ingon, “Ako mao ang kahayag sa kalibotan. Siya nga magsunod kanako dili gayod maglakaw sa kangitngit, hinuon makabaton siya sa kahayag sa kinabuhi.”

Mga Buhat 26:18

sa pagpabuka sa ilang mga mata aron sila mobalhin gikan sa kangitngit ngadto sa kahayag ug gikan sa gahom ni Satanas ngadto sa Dios, aron makadawat sila ug kapasayloan sa ilang mga sala ug usa ka dapit uban sa mga gibalaan pinaagi sa pagtuo kanako.’

2 Mga Taga-Corinto 4:6

Kay ang Dios nga nag-ingon, “Gikan sa kangitngit mosidlak ang kahayag,” mao ang nagsidlak dinhi sa among mga kasingkasing aron paghatag sa kahayag sa kahibalo sa himaya sa Dios diha sa nawong ni Jesu-Cristo.

2 Mga Taga-Corinto 4:9

gilutos apan wala talikdi; nangatumba apan wala mangalaglag.

Gipadayag 21:23

Ug ang siyudad wala na magkinahanglan ug adlaw o bulan sa pagdan-ag niini, kay ang himaya sa Dios mao man ang kahayag niini, ug ang suga niini mao man ang Nating Karnero.

Gipadayag 22:5

Ug didto wala nay gabii, ug sila dili na magkinahanglan ug kahayag sa suga o sa adlaw, kay ang Ginoong Dios man ang ilang kahayag, ug sila maghari hangtod sa kahangtoran.