Miqueas 7:7

Ang Biblia 2011

Apan alang kanako, ako motutok sa Ginoo, ako maghulat sa Dios sa akong kaluwasan; ang akong Dios magpatalinghog kanako.

Cross References

Genesis 49:18

Naghulat ako sa imong kaluwasan, O Ginoo.

Salmo 109:4

Tugbang sa akong gugma nakigbatok sila kanako, bisan ug ako nag-ampo alang kanila.

Salmo 130:5

Naghulat ako sa Ginoo, ang akong kalag naghulat, ug sa iyang pulong naglaom ako;

Salmo 25:5

Tultoli ako diha sa imong kamatuoran, ug tudloi ako, kay ikaw mao ang Dios sa akong kaluwasan; kanimo naghulat ako sa tibuok nga adlaw.

Salmo 37:7

Paghilom diha sa Ginoo ug paghulat nga mapailobon kaniya; ayaw kaguol tungod kaniya nga nagmauswagon sa iyang dalan, tungod sa tawo nga naghimo ug daotan nga mga laraw.

Salmo 38:15

Apan kanimo, O Ginoo, naghulat ako; ikaw, O Ginoo nga akong Dios, mao ang motubag.

Salmo 50:15

ug sangpita ako sa adlaw sa kalisdanan; luwason ko ikaw, ug ikaw maghimaya kanako.”

Salmo 65:2

O ikaw nga magpatalinghog sa pag-ampo! Nganha kanimo manuol ang tanang tawo.

Salmo 85:5

Masuko ba ikaw kanamo hangtod sa kahangtoran? Palungtaron ba diay nimo ang imong kaligutgot ngadto sa tanang kaliwatan?

Isaias 12:2

“Sa pagkatinuod ang Dios mao ang akong kaluwasan; ako mosalig, ug dili mahadlok kay ang Ginoong Dios mao ang akong kusog ug ang akong awit, ug siya nahimo nga akong kaluwasan.”

Isaias 17:7

Nianang adlawa ang mga tawo moila sa ilang Magbubuhat, ug ang ilang mga mata motan-aw sa Balaan sa Israel;

Isaias 25:9

Isulti unya kini nianang adlawa, “Tan-awa, kini mao ang atong Dios; kita naghulat kaniya aron siya magluwas kanato. Kini mao ang Ginoo, kita naghulat kaniya; magmaya kita ug maglipay diha sa iyang pagluwas.”

Isaias 45:22

“Dangop kanako, ug mangaluwas kamo, tanang kinatumyan sa yuta! Kay ako mao ang Dios, ug wala nay lain.

Isaias 8:17

Ako maghulat alang sa Ginoo, nga nagtago sa iyang nawong gikan sa balay ni Jacob, ug ako maglaom diha kaniya.

Mga Pagbangotan 3:24

“Ang Ginoo mao ang akong bahin,” nag-ingon ang akong kalag, “busa maglaom ako diha kaniya.”

Daniel 3:17

Kon mao kana, ang among Dios nga among gialagaran makahimo sa pagluwas kanamo gikan sa hudno nga nagdilaab sa kalayo ug siya magluwas kanamo gikan sa imong kamot, O hari.

Oseas 12:6

Busa ikaw, balik sa imong Dios, hupti ang gugma ug hustisya ug paghulat nga mapadayonon alang sa imong Dios.

Joel 1:19

Kanimo, O Ginoo, ako nagtuaw. Kay ang kalayo milamoy sa mga sibsibanan sa kamingawan, ug ang siga sa kalayo misunog sa tanang mga kahoy sa kapatagan.

Habacuc 2:1

Ako motindog aron sa pagbantay, ug mopahiluna sa akong kaugalingon ibabaw sa tore, ug molantaw aron sa pagtan-aw kon unsay iyang isulti kanako, ug kon unsa ang akong itubag mahitungod sa akong mulo.

Habacuc 2:3

Kay sa gihapon ang panan-awon nagpaabot sa panahon niini; kini nagdali paingon sa kataposan, dili kini mamakak. Kon daw dugay kini, paabota kini; moabot gayod kini, dili kini maglangay.

Numeros 5:28

Ug kon ang babaye wala mahugawi ug siya hinlo, siya maluwas ug magsamkon.