Miqueas 7:6

Ang Biblia 2011

kay ang anak nga lalaki magtamay sa amahan, ang anak nga babaye mosukol sa iyang inahan, ang umagad nga babaye batok sa iyang ugangan nga babaye; ang mga kaaway sa usa ka tawo mao ang mga tawo sa iyang kaugalingong balay.

Cross References

Genesis 49:4

Dili mahimutang sama sa tubig; dili ikaw mahimong pangulo, kay misaka ikaw sa higdaanan sa imong amahan, unya gihugawan nimo kini, gisaka nimo ang akong higdaanan.

2 Samuel 16:11

Ug si David miingon kang Abisai ug sa tanan niyang mga sulugoon, “Tan-awa, ang akong kaugalingong anak nangita sa akong kinabuhi, unsa pa kaha karon kining kaliwat ni Benjamin? Pasagdi siya ug pasagdi nga siya magtunglo kay ang Ginoo nagsugo kaniya.

Salmo 41:9

Bisan ang akong suod nga higala nga akong gisaligan, nga nagkaon sa akong pan, nag-isa sa iyang tikod batok kanako.

Mga Panultihon 30:11

Adunay magtunglo sa ilang mga amahan ug dili magpanalangin sa ilang mga inahan.

Mga Panultihon 30:17

Ang mata nga nagyubit sa usa ka amahan ug nagtamay sa pagtuman sa usa ka inahan dagiton sa mga uwak sa walog ug kan-on sa mga agila.

Isaias 3:5

Ang katawhan magdaogdaog sa usa ug usa, ug ang matag tawo sa iyang kauban ug ang tanan sa iyang silingan; ang mga batan-on makigbatok sa tigulang, ug ang tawong walay hinungdan ngadto sa mga halangdon.

Isaias 9:19

Pinaagi sa kapungot sa Ginoo sa mga panon ang yuta nasunog, ug ang katawhan daw sugnod alang sa kalayo; ug walay tawo nga magluwas sa iyang igsoon.

Jeremias 12:6

Kay bisan ang imong mga igsoon, ug ang balay sa imong amahan nagmabudhion kanimo; sila nagsinggit ug kusog batok kanimo; ayaw pagtuo kanila, bisan kon sila mosulti kanimo ug mga maayong pulong.”

Jeremias 20:10

Kay ako nakadungog ug daghang mga hagawhaw. Kalisang anaa sa tanang dapit! “Isumbong siya! Isumbong nato siya!” nag-ingon ang tanan nakong mga suod nga higala, nga nagbantay sa akong pagkapukan. “Basin ug malingla siya, ug mabuntog nato siya, ug makapanimalos kita kaniya.”

Jeremias 9:4

Pabantaya ang matag usa sa iyang silingan ug ayaw kamo pagsalig ni bisan kinsang igsoon; kay ang matag igsoon limbongan, ug ang matag silingan molibot ingon nga usa ka tigpanaot.

Ezequiel 22:7

Diha kanimo gitamay nila ang amahan ug inahan, ang mga langyaw nag-antos sa pagpanapi kanila diha sa imong taliwala, ang mga wala nay amahan ug ang mga biyuda gibuhatan ug sayop diha kanimo.

Abdias 1:7

Ang tanan nimong mga kaabin nagbudhi kanimo, sila nag-abog kanimo ngadto sa utlanan; ang tanan nimong kadapig mipatigbabaw kanimo, ang gisaligan nimong mga higala nagbutang ug laang alang kanimo— dili kini mamatikdan.

Mateo 10:21

Ang igsoon magtugyan sa iyang igsoon ngadto sa kamatayon ug ang amahan sa iyang anak ug ang mga anak mosukol sa ilang mga ginikanan ug ipapatay sila.

Mateo 26:23

Siya mitubag nga nag-ingon, “Ang nagtuslob sa iyang kamot sa panaksan uban kanako, mao ang magbudhi kanako.

Lucas 12:53

Mabahin sila, ang amahan batok sa anak nga lalaki ug ang anak nga lalaki batok sa amahan, ug ang inahan batok sa anak nga babaye ug ang anak nga babaye batok sa iyang inahan, ang ugangang babaye batok sa iyang umagad nga babaye ug ang umagad nga babaye batok sa iyang ugangang babaye.”

Lucas 21:16

Itugyan kamo bisan gani sa inyong mga ginikanan ug mga igsoon, ug mga kaparyentihan ug mga kahigalaan, ug ang uban kaninyo ilang patyon.

Juan 13:18

Wala ako magsulti mahitungod kaninyong tanan. Ako nakaila kanila nga akong gipili. Apan kinahanglang matuman ang kasulatan nga nag-ingon, ‘Siya nga nagkaon sa akong pan nag-isa sa iyang tiil batok kanako.’