Miqueas 7:4

Ang Biblia 2011

Ang labing maayo kanila sama sa sampinit, ang labing matarong kanila tanom nga tunokon. Ang adlaw sa ilang mga tigbantay, sa ilang silot miabot na; ug ang ilang pagkalibog anaa na.

Cross References

Isaias 10:3

Unsa may inyong buhaton sa adlaw sa pagsilot diha sa bagyo nga umaabot gikan sa layo? Kang kinsa man kamo modangop aron magpakitabang, ug asa man ninyo ibilin ang inyong bahandi?

Isaias 22:5

Kay ang Ginoong Dios sa mga panon adunay usa ka adlaw sa kagubot ug sa pagyatak ug sa pagkalibog diha sa walog sa panan-awon, usa ka pagguba sa mga kuta, ug usa ka pagsinggit ngadto sa kabukiran.

Isaias 55:13

Inay mga tunok sipre ang motubo; inay mga sampinit mirto ang motubo; ug kini mahimong usa ka handomanan sa Ginoo, alang sa usa ka walay kataposan nga timaan nga dili gayod mapapas.”

Jeremias 10:15

Sila walay bili, usa ka buhat sa limbong; sa panahon sa pagsilot kanila, sila mangalaglag.

Jeremias 11:23

ug walay mahibilin kanila. Kay ako magpadala ug kadaotan ngadto sa mga tawo sa Anatot, sa tuig sa pagsilot kanila.”

Jeremias 46:21

Bisan ang iyang mga sundalong sinuholan sa taliwala niya sama sa pinatambok nga mga baka. Oo, sila namiya ug nangagiw, wala sila mosugakod; kay ang adlaw sa ilang katalagman miabot kanila, ang panahon sa pagsilot kanila.

Jeremias 8:12

Nangaulaw ba sila sa diha nga nagbuhat sila sa dulumtanan? Wala, wala gayod sila mangaulaw, dili sila mahibalong manglipaghong. Busa mangapukan sila uban niadtong nangapukan; sa diha nga silotan nako sila, sila mangapukan, nag-ingon ang Ginoo.

Ezequiel 2:6

Ug ikaw, anak sa tawo, ayaw kahadlok kanila o mahadlok sa ilang mga pulong, bisan pa ug ang mga sampinit ug mga tunok naglibot kanimo ug ikaw maglingkod taliwala sa mga tanga, ayaw kahadlok sa ilang mga pulong o malisang sa ilang mga panagway, kay sila usa ka panimalay nga masupilon.

Ezequiel 28:24

“Ug alang sa balay sa Israel, wala nay sampinit nga makatunok o tunok nga mosamad kanila taliwala sa tanan nilang mga silingan nga nagtamay kanila, ug sila makaila nga ako mao ang Ginoong Dios.

Amos 8:2

Ug siya miingon, “Amos, unsay imong nakita?” Ako miingon, “Usa ka bukag sa bunga sa ting-init.” Unya ang Ginoo miingon kanako, “Ang kataposan miabot na sa akong katawhan nga Israel; dili na gayod ako moagi pa diha kanila.

Nahum 1:10

Sama sa tunok sila nangagapos, sama sa mga palahubog sila nangahubog; sila nangapuo sama sa mga dagami.

Lucas 21:25

“Ug aduna unyay mga ilhanan diha sa adlaw ug sa bulan ug sa kabituonan, ug diha sa yuta adunay kagul-anan ang kanasoran, maglibog tungod sa dinahunog sa dagat ug sa mga balod.

Mga Hebreo 6:8

Apan kon kini mamunga man ug mga sampinit ug mga kadyapa, kini walay bili ug hapit na matinunglo, ang kataposan niini mao ang pagsunog.