Miqueas 7:3

Ang Biblia 2011

Ang ilang mga kamot anaa sa kadaotan, aron sa pagbuhat niini nga makugihon; ang pangulo ug ang maghuhukom nangayo ug suborno, ug ang tawong gamhanan nagpahayag sa daotang tinguha sa iyang kalag, sa ingon gilangkob nila kini.

Cross References

Mga Panultihon 16:30

Siya nga magkidhat sa iyang mga mata, naglaraw sa mga butang nga sukwahi; kadtong nagpanakmol sa iyang mga ngabil nagdala ug daotan nga mahitabo.

Mga Panultihon 17:23

Ang tawong daotan modawat ug usa ka suborno gikan sa sabakan aron sa pagtuis sa mga pamaagi sa hustisya.

Isaias 1:23

Ang imong mga pangulo masupilon ug kauban sa mga kawatan. Ang matag usa nahigugma sa suborno ug nagtinguha sa mga gasa. Wala nila panalipdi ang mga wala nay amahan, ug ang mga sumbong sa biyuda wala modangat kanila.

Isaias 26:21

Kay ang Ginoo moanhi gikan sa iyang dapit aron sa pagsilot sa mga nagpuyo sa yuta tungod sa ilang kasal-anan, ang yuta mopakita sa dugo nga gipaagas diha kaniya, ug dili na motabon sa iyang mga patay.

Isaias 3:5

Ang katawhan magdaogdaog sa usa ug usa, ug ang matag tawo sa iyang kauban ug ang tanan sa iyang silingan; ang mga batan-on makigbatok sa tigulang, ug ang tawong walay hinungdan ngadto sa mga halangdon.

Isaias 32:7

Ang mga galamiton sa mga hakog daotan; naghimo siya ug daotan nga mga laraw aron sa paglaglag sa kabos pinaagi sa bakak nga mga pulong, bisan ug ang hangyo sa mga nanginahanglan matarong.

Isaias 5:23

nga nagpalingkawas sa sad-an tungod sa suborno, ug naghikaw sa matarong sa iyang katungod!

Jeremias 3:5

masuko ba siya hangtod sa kahangtoran? Mapungot ba siya hangtod sa kataposan?’ Tan-awa, ikaw misulti, apan imong nabuhat ang tanang daotan nga imong mahimo.”

Jeremias 4:22

“Kay ang akong katawhan mga buangbuang, wala sila makaila kanako; sila hungog nga mga anak, ug wala silay mga salabotan. Sila mga batid sa pagbuhat ug kadaotan, apan sa pagbuhat ug maayo sila walay kahibalo.”

Jeremias 8:10

Busa akong ihatag ang ilang mga asawa ngadto sa lain ug ang ilang mga uma ngadto sa mobuntog kanila, tungod kay gikan sa labing gamay ngadto sa labing dagko ang matag usa hakog sa dili matarong nga ganansiya; gikan sa propeta ngadto sa pari ang matag usa naglimbong.

Ezequiel 22:12

Diha kanimo ang mga tawo magdawat ug mga suborno aron sa pagpaagas ug dugo. Nagdawat ikaw ug patong ug tubo ug nakaganansiya sa imong mga isigkatawo pinaagi sa pagpanapi ug ikaw nalimot kanako, nag-ingon ang Ginoong Dios.

Ezequiel 22:27

Ang iyang mga pangulo sa taliwala niya sama sa mga lobo nga nagkuniskunis sa tinukob, nagpaagas ug dugo, nanglaglag sa mga kinabuhi aron sa pag-angkon ug ganansiya pinaagi sa panikas.

Ezequiel 22:6

“Tan-awa, ang mga pangulo sa Israel nga anaa kanimo, ang matag usa sumala sa ilang gahom, mahiligon sa pagpaagas ug dugo.

Ezequiel 34:21

Tungod kay gidasmagan ninyo sa kilid ug sa abaga ug gisungay ang tanang mga masakiton pinaagi sa inyong mga sungay hangtod nga sila napatibulaag ninyo,

Ezequiel 9:9

Unya siya miingon kanako, “Ang kasal-anan sa balay sa Israel ug sa Juda hilabihan ka dako, ug ang yuta napuno sa dugo, ug ang siyudad napuno sa pagtuis sa hustisya kay sila nag-ingon man, ‘Ang Ginoo mibiya sa yuta, ug ang Ginoo dili makakita.’

Oseas 4:18

Ang panon sa mga palahubog naghatag sa ilang kaugalingon ngadto sa pagkamakihilawason, gihigugma nila ang kaulawan labaw sa ilang dungog.

Oseas 7:3

Pinaagi sa ilang kadaotan gilipay nila ang hari, ug ang mga pangulo pinaagi sa ilang mga pagpamakak.

Amos 5:12

Kay ako nahibalo sa kadaghan sa inyong mga kalapasan ug unsa ka dako ang inyong mga sala— kamo nga nagsakit sa mga matarong, nga nagdawat ug suborno, ug nagsalikway sa mga nanginahanglan diha sa ganghaan.

Miqueas 2:8

Apan nakigbatok kamo sa akong katawhan ingon nga kaaway; gilangkat ninyo ang kupo gikan kanila nga malinawon, gikan niadtong mga tawo nga adunay pagsalig nga walay hunahuna sa gubat.

Miqueas 3:11

Ang mga pangulo niini naghukom alang sa suborno, ang mga pari niini nagtudlo alang sa suhol, ang mga propeta niini nagpropesiya alang sa salapi; bisan pa niini sila nagsandig sa Ginoo ug nag-ingon, “Dili ba ang Ginoo ania taliwala kanato? Walay kadaot nga moabot kanato.”

Miqueas 3:2

kamo nga nagdumot sa maayo ug nahigugma sa daotan, nga naglaksi sa panit gikan sa akong katawhan, ug sa ilang unod gikan sa ilang mga bukog;

Mateo 26:15

ug miingon, “Unsa may inyong ihatag kanako kon itugyan nako siya kaninyo?” Ug gibayran nila siya ug 30 ka salapi nga plata.

1 Mga Taga-Corinto 4:5

Busa ayaw pagpanghukom sa dili pa ang panahon, hangtod nga moabot ang Ginoo nga mao ang magdala ngadto sa kahayag sa mga butang nga karon natago diha sa kangitngit ug magpadayag sa mga katuyoan sa mga kasingkasing. Unya ang pagdayeg gikan sa Dios maangkon sa matag usa.