Miqueas 7:2

Ang Biblia 2011

Ang tawo nga diosnon nahanaw gikan sa yuta, ug walay usa nga matarong taliwala sa mga tawo; silang tanan nangatang alang sa dugo, ang matag usa kanila nag-ayam sa iyang igsoon pinaagi sa pukot.

Cross References

Salmo 10:9

naghupo siya sa tago sama sa liyon diha sa iyang tagoanan; nag-atang siya aron dakpon ang kabos; dakpon niya ang kabos sa dihang masikop niya kini diha sa iyang pukot.

Salmo 12:1

Tabang, Ginoo, kay wala nay usa nga diosnon; kay ang matinumanon nangawala gikan sa mga anak sa mga tawo.

Salmo 12:2

Ang matag usa nagsulti ug bakak ngadto sa iyang silingan; uban sa ngabil nga nag-ulog-ulog ug sa kasingkasing nga palingpaling, sila nagsulti.

Salmo 57:6

Nag-andam sila ug pukot alang sa akong mga lakang; naguol ang akong kalag. Nagkalot sila ug usa ka gahong sa akong agianan, apan sila hinuon ang nangahulog diha niini. Selah

Mga Panultihon 1:11

Kon sila moingon, “Uban kanamo, mangatang kita aron sa pag-ula ug dugo, atong patyon sa walay kukaluoy ang walay sala;

Mga Panultihon 12:6

Ang mga pulong sa daotan nag-atang alang sa dugo, apan ang baba sa matarong magluwas sa katawhan.

Isaias 3:5

Ang katawhan magdaogdaog sa usa ug usa, ug ang matag tawo sa iyang kauban ug ang tanan sa iyang silingan; ang mga batan-on makigbatok sa tigulang, ug ang tawong walay hinungdan ngadto sa mga halangdon.

Isaias 57:1

Ang matarong nga tawo mawala ug walay usa nga magbutang niini sa iyang kasingkasing; ang mga tawo nga maunongon kuhaon samtang walay bisan usa nga makasabot. Kay ang matarong nga tawo kuhaon gikan sa katalagman,

Isaias 59:7

Ang ilang mga tiil managan padulong sa kadaotan, ug sila magdali sa pagpaagas sa dugo sa walay sala; ang ilang mga hunahuna, hunahuna sa kasal-anan, kasub-anan ug kalaglagan anaa sa ilang mga dalan.

Isaias 9:19

Pinaagi sa kapungot sa Ginoo sa mga panon ang yuta nasunog, ug ang katawhan daw sugnod alang sa kalayo; ug walay tawo nga magluwas sa iyang igsoon.

Jeremias 16:16

“Tan-awa, ako magpadala ug daghang mangingisda, nag-ingon ang Ginoo, ug sila managat kanila ug human niini magpadala ako ug daghang mga mangangayam ug sila mangayam kanila gikan sa tanang bukid ug gikan sa tanang bungtod ug gikan sa mga liki sa mga pangpang.

Jeremias 5:16

Ang ilang mga sudlanan sa pana sama sa usa ka abli nga lubnganan; silang tanan pulos mga kusgang tawo.

Jeremias 5:26

Kay ang mga daotang tawo nakita uban sa akong katawhan; sila naghupo sama sa mga mangangayam nga nag-atang. Sila nagbutang ug usa ka lit-ag; sila manakop ug mga tawo.

Jeremias 8:6

Ako nagtagad ug namati, apan wala sila magsulti sa matarong; walay tawo nga naghinulsol sa iyang pagkadaotan nga nag-ingon, ‘Unsa bay akong nabuhat?’ Ang matag usa nagpadayon sa iyang kaugalingong dalan, sama sa kabayo nga nagdagan paingon sa gubat.

Mga Pagbangotan 4:18

Ang mga tawo nangita sa among mga lakang aron dili kami makalakaw sa among kadalanan; ang among kataposan nagkaduol na; ang among mga adlaw maihap na lamang; kay ang among kataposan miabot na.

Ezequiel 22:12

Diha kanimo ang mga tawo magdawat ug mga suborno aron sa pagpaagas ug dugo. Nagdawat ikaw ug patong ug tubo ug nakaganansiya sa imong mga isigkatawo pinaagi sa pagpanapi ug ikaw nalimot kanako, nag-ingon ang Ginoong Dios.

Ezequiel 24:6

“Busa mao kini ang giingon sa Ginoong Dios: Alaot ang dugoon nga siyudad, sa kawa nga anaa ang taya ug nga ang taya wala mogula gikan niini! Kuhaa gikan niini ang tagsatagsa ka bahin sa walay pagpili.

Oseas 5:1

Pamatia kini, O mga pari! Tagda, O balay sa Israel! Paminawa, O balay sa hari! Kay ang paghukom mahitungod kaninyo; kay kamo nahimong lit-ag sa Mispa, ug pukot nga gibukhad didto sa Tabor.

Oseas 6:9

Ingon nga ang mga tulisan naghulat sa usa ka tawo, ang mga pari usab naghiusa, nagpatay diha sa dalan paingon sa Sekem, Oo, sila naghimo ug hilabihan ka daotan.

Miqueas 2:8

Apan nakigbatok kamo sa akong katawhan ingon nga kaaway; gilangkat ninyo ang kupo gikan kanila nga malinawon, gikan niadtong mga tawo nga adunay pagsalig nga walay hunahuna sa gubat.

Miqueas 3:10

nga nagtukod sa Zion uban sa dugo ug sa Jerusalem uban sa sayop.

Miqueas 3:2

kamo nga nagdumot sa maayo ug nahigugma sa daotan, nga naglaksi sa panit gikan sa akong katawhan, ug sa ilang unod gikan sa ilang mga bukog;

Zacarias 11:6

Kay dili na ako maluoy pag-usab sa mga nagpuyo sa yuta, nag-ingon ang Ginoo. Tan-awa, itugyan nako ang mga tawo aron mapukan ang matag usa diha sa kamot sa iyang isigkatawo, ug ang matag usa diha sa kamot sa iyang hari, ug gun-obon nila ang yuta ug wala akoy luwason kanila gikan sa ilang kamot.”

Mga Buhat 24:9

Ang mga Judio usab nangapil sa pagsumbong nga nagpahayag nga kadtong tanan tinuod.

1 Samuel 24:11

Tan-awa, akong amahan, ang sidsid sa imong bisti sa akong kamot, kay nianang pagputol nako sa sidsid sa imong bisti ug nga wala ikaw nako patya, mahibaloan nimo ug makita nga wala gayoy daotan o paglapas sa akong kamot. Wala ako makasala batok kanimo bisan pa ug nangita ikaw sa akong kinabuhi aron sa pagkuha niini.

1 Samuel 26:20

Busa karon, ayaw itugot nga ang akong dugo maula sa yuta nga layo sa atubangan sa Ginoo, kay ang hari sa Israel mianhi aron sa pagpangita sa usa ka pulgas, sama sa tawo nga nangayam sa usa ka langgam sa kabukiran.”