Miqueas 7:19

Ang Biblia 2011

Siya magbaton pag-usab ug kaluoy kanato, siya magyatak sa atong mga kasal-anan. Isalibay nimo ang tanan namong mga sala ngadto sa kahiladman sa dagat.

Cross References

2 Samuel 24:14

Unya si David miingon kang Gad, “Ako ania sa dakong kaguol, itugot nga mahulog kami sa kamot sa Ginoo kay ang iyang kaluoy dako apan ayaw itugot nga ako mahulog sa kamot sa tawo.”

Salmo 103:12

sama sa gilay-on sa silangan gikan sa kasadpan, mao usab ang gilay-on sa iyang pagpahimulag kanato gikan sa atong mga kalapasan.

Salmo 130:8

Ug iyang lukaton ang Israel gikan sa tanang kasal-anan niini.

Salmo 85:3

Gipasibog nimo ang tanan nimong kaligutgot, milingiw ikaw gikan sa kabangis sa imong kapungot.

Isaias 33:24

Ug walay lumulupyo nga mag-ingon, “Ako masakiton”; ang katawhan nga nagpuyo didto pasayloon sa ilang kasal-anan.

Isaias 38:17

Sa pagkatinuod kana tungod sa akong kaayohan nga ako adunay dakong kapaitan; apan ikaw nagpugong sa akong kalag gikan sa gahong sa pagkalaglag, kay gisalibay nimo sa imong likod ang tanan nakong kasal-anan.

Isaias 43:25

“Ako, ako mao siya nga nagpala sa imong kalapasan tungod ug alang kanako, ug dili na nako hinumdoman ang imong mga sala.

Jeremias 31:20

Si Ephraim ba ang akong minahal nga anak? Siya ba ang akong pinanggang anak? Kay sa makadaghan nga ako magsulti batok kaniya, ako nahinumdom pa gihapon kaniya. Busa ang akong kasingkasing nangandoy kaniya; kaluy-an gayod nako siya, nag-ingon ang Ginoo.

Jeremias 31:34

Ang matag tawo dili na gayod magtudlo sa iyang isigkatawo ug ang matag tawo sa iyang igsoon, nga mag-ingon, ‘Ilha ang Ginoo,’ kay silang tanan makaila kanako, gikan sa labing gamay kanila ngadto sa labing dako, nag-ingon ang Ginoo; kay pasayloon nako ang ilang kasal-anan, ug dili na gayod nako hinumdoman ang ilang sala.”

Jeremias 33:8

Hinloan nako sila gikan sa tanan nilang pagkasad-an batok kanako, ug pasayloon nako ang tanang pagkasad-an nila ug pagsupil batok kanako.

Jeremias 50:20

Nianang mga adlawa ug nianang panahona, nag-ingon ang Ginoo, ang kasal-anan pangitaon diha sa Israel ug walay makita, ug ang sala diha sa Juda ug walay makita; kay pasayloon nako kadtong akong gibilin ingon nga salin.

Mga Pagbangotan 3:22

Ang gugmang walay paglubad sa Ginoo dili gayod mohunong, ang iyang kaluoy dili gayod matapos;

Mga Pagbangotan 3:32

apan bisan ug siya naghatag ug kaguol, siya maluoy sumala sa kadagaya sa iyang gugmang walay paglubad;

Ezequiel 18:22

Walay usa sa iyang kalapasan nga iyang nahimo nga hinumdoman batok kaniya. Tungod sa pagkamatarong nga iyang nahimo siya mabuhi.

Ezequiel 39:29

Dili na nako tagoon pag-usab ang akong nawong gikan kanila sa dihang mabubo na nako ang akong Espiritu sa ibabaw sa balay sa Israel, nag-ingon ang Ginoong Dios.”

Daniel 9:24

Ang gisugo mahitungod sa imong katawhan ug sa imong balaang siyudad, sa paghuman sa kalapasan ug sa pagtapos sa mga sala, ug sa paghimo sa pagtabon alang sa kasal-anan, ug sa pagdala sa walay kataposang pagkamatarong, ug sa pagmatuod sa panan-awon ug sa propeta, ug pagdihog sa labing balaan nga dapit, 70 ka pito ka tuig.

Oseas 14:2

Dad-a ang inyong mga pulong, ug balik ngadto sa Ginoo; ingna siya, “Kuhaa ang tanang kasal-anan; dawata ang maayo ug among ihatag ang bunga sa among mga ngabil.

Oseas 14:4

Ayohon nako ang ilang pagkamaluibon; higugmaon nako sila sa walay sukod, kay ang akong kasuko mibiya kanila.

Zacarias 3:4

Ug ang anghel miingon niadtong mga nagtindog sa atubangan niya, “Huboa ang hugawng mga bisti gikan kaniya.” Ug kaniya miingon siya, “Tan-awa, gikuha nako ang imong kadaotan gikan kanimo, ug sul-oban ko ikaw sa hamili nga mga bisti.”

Roma 6:14

Kay ang sala dili maggahom diha kaninyo, tungod kay dili man kamo ilalom sa Balaod kondili ilalom sa grasya.

Roma 8:13

kay kon magkinabuhi kamo sumala sa unod mangamatay kamo, apan kon pinaagi sa Espiritu patyon ninyo ang mga binuhatan sa lawas, mangabuhi kamo.

Deuteronomio 30:3

ang Ginoo nga inyong Dios magpahiuli kaninyo sa maayong kahimtang ug maluoy kaninyo, ug magtigom siya pag-usab kaninyo gikan sa tanang katawhan diin kamo gipatibulaag sa Ginoo nga inyong Dios.

Deuteronomio 30:6

Ug ang Ginoo nga inyong Dios magbag-o sa inyong kasingkasing ug sa kasingkasing sa inyong kaliwatan aron inyong higugmaon ang Ginoo nga inyong Dios sa tibuok ninyong kasingkasing ug sa tibuok ninyong kalag aron mabuhi kamo.

Deuteronomio 32:36

Kay ang Ginoo maghatag ug hustisya sa iyang katawhan ug maluoy sa iyang mga sulugoon, sa dihang makita niya nga ang ilang kusog nawala ug walay nahibilin, ulipon o gawasnon.

Tito 2:14

Siya mihatag sa iyang kaugalingon alang kanato aron sa paglukat kanato gikan sa tanang pagkadaotan ug sa pagputli alang sa iyang kaugalingon sa usa ka katawhan nga iya gayod, madasigon sa maayong binuhatan.

Mga Hebreo 8:12

Kay ako magmaluluy-on sa ilang kalapasan, ug ang ilang kasal-anan dili na nako hinumdoman.”

1 Juan 3:8

Ang nagbuhat ug pagpakasala, iya sa yawa kay ang yawa nagpakasala man sukad pa sa sinugdan. Ang hinungdan nganong gipadayag ang anak sa Dios mao ang paglaglag sa mga binuhatan sa yawa.