Miqueas 7:17

Ang Biblia 2011

sila magtilap sa abog sama sa usa ka bitin, sama sa mga nagkamang sa yuta; sila manggula nga magkurog gikan sa ilang mga salipdanan; uban sa kahadlok moduol sila sa Ginoo nga atong Dios, ug sila mangalisang tungod kanimo.

Cross References

2 Samuel 22:46

Ang mga langyaw nawad-an ug kaisog, ug nangabot nga nagkurog gikan sa ilang lig-ong salipdanan.

2 Cronicas 17:10

Ang pagkahadlok sa Ginoo diha sa tanang mga gingharian sa kayutaan nga naglibot sa Juda ug wala na sila maghimo ug pakiggubat batok kang Jehosafat.

Salmo 18:45

Ang mga langyaw nangaluya, ug nanggula nga nagkurog gikan sa ilang mga dapit nga tagoanan.

Salmo 72:11

Ang tanang mga hari magyukbo unta sa atubangan niya; mag-alagad unta kaniya ang tanang mga nasod!

Salmo 72:9

Ang iyang mga kabatok moyukbo unta sa iyang atubangan, ug ang iyang mga kaaway magtilap sa abog!

Salmo 9:20

Ibutang sila diha sa kahadlok, O Ginoo! Pailha ang mga nasod nga sila tawo lamang! Selah

Isaias 25:3

Busa ang mga kusgan nga mga katawhan magpasidungog kanimo; ang mga siyudad sa makalilisang nga mga nasod mahadlok kanimo.

Isaias 49:23

Ang mga hari mahimo nga imong ama-ama ug ang ilang mga rayna mahimong inahan nga mag-atiman. Sila magyukbo kanimo, nga ang ilang nawong anha sa yuta ug magtilap sa abog sa imong mga tiil. Unya ikaw masayod nga ako mao ang Ginoo; ug sila nga maghulat kanako dili maulawan.”

Isaias 59:19

Tungod niini sila mahadlok sa ngalan sa Ginoo gikan sa kasadpan, ug sa iyang himaya gikan sa sidlakan; kay siya moanhi sama sa magbaha nga suba, nga gihuyop sa hangin sa Ginoo.

Isaias 60:14

Ang mga anak nga lalaki niadtong nagsakit kanimo manganhi nga magyukbo kanimo; ug silang tanan nga nagbiaybiay kanimo mangyukbo diha sa imong tiilan; ikaw tawgon nila nga Siyudad sa Ginoo, ang Zion sa Balaan sa Israel.

Isaias 64:2

sama nga ang kalayo magpadilaab sa kasagbotan, ug ang kalayo magpabukal sa tubig, aron sa pagpaila sa imong ngalan ngadto sa imong mga kabatok, aron ang mga nasod mangurog sa imong atubangan!

Isaias 65:25

Ang lobo ug ang nating karnero magsalo sa pagsibsib, ug ang liyon mokaon sa dagami sama sa torong baka ug ang abog mahimong kan-onon sa bitin. Sila dili magdaot o maglaglag diha sa tibuok nakong bukid nga balaan, nag-ingon ang Ginoo.”

Isaias 7:19

Ug silang tanan manganhi, ug mamuyo sa mga walog nga biniyaan, ug diha sa mga liki sa mga pangpang, ug diha sa tanang katunokan ug diha sa tanang sibsibanan.

Jeremias 16:16

“Tan-awa, ako magpadala ug daghang mangingisda, nag-ingon ang Ginoo, ug sila managat kanila ug human niini magpadala ako ug daghang mga mangangayam ug sila mangayam kanila gikan sa tanang bukid ug gikan sa tanang bungtod ug gikan sa mga liki sa mga pangpang.

Jeremias 33:9

Kining siyudara mahimo alang kanako nga usa ka ngalan sa kalipay, usa ka pagdayeg ug usa ka himaya sa atubangan sa tanang mga nasod sa yuta nga makadungog sa tanang kaayohan nga buhaton nako kanila. Sila mangahadlok ug mangurog tungod sa tanang kaayohan ug tanang kauswagan nga akong gihatag niini.

Mga Pagbangotan 3:29

ipabutang ang iyang baba sa abog, mahimong aduna pay paglaom;

Zacarias 14:5

Ug ang walog sa akong kabukiran maalihan kay ang walog sa mga bukid moabot sa kilid niini, ug kamo mangagiw sama sa inyong pagkagiw tungod sa linog panahon ni Uzias nga hari sa Juda. Unya ang Ginoo nga inyong Dios moanhi ug ang tanang mga balaan uban kaniya.

Deuteronomio 32:24

mangaluya sila sa kagutom, ug lamyon sa nagdilaab nga kainit ug sa pait nga katalagman; ug ipadala nako ang mga ngipon sa mga mananap batok kanila, uban ang kalala sa mga butang nga nagkamang sa yuta.

Josue 9:24

Sila mitubag kang Josue, “Tungod kay gisulti man gayod ngadto sa imong mga ulipon nga ang Ginoo nga imong Dios nagsugo kang Moises nga iyang alagad sa paghatag kaninyo sa tibuok yuta ug sa paglaglag sa tanang namuyo sa yuta gikan sa inyong atubangan, busa nangahadlok kami pag-ayo sa among kinabuhi tungod kaninyo ug naghimo kami niining butanga.

Gipadayag 3:9

Tan-awa, sila nga mga iya sa sinagoga ni Satanas, nga nag-ingon nga sila mga Judio apan dili diay, hinuon namakak, tan-awa, kini sila paanhaon nako ug pahapaon diha sa imong tiilan, ug pailhon nako sila nga ikaw akong gihigugma.

1 Samuel 14:11

Busa silang duha nagpadayag sa ilang kaugalingon didto sa mga sundalo nga nagbantay sa kuta sa mga Filistihanon ug ang mga Filistihanon nag-ingon, “Tan-awa, ang mga Hebreo nanggula gikan sa mga lungag diin sila nagtago sa ilang kaugalingon.”