Miqueas 7:14

Ang Biblia 2011

Bantayi ang imong katawhan pinaagi sa imong sungkod, ang panon sa imong panulundon, nga nagpuyo nga nag-inusara diha sa kalasangan taliwala sa tanaman; pasibsiba sila didto sa Basan ug sa Gilead sama sa kanhing mga adlaw.

Cross References

Salmo 100:3

Ilha ninyo nga ang Ginoong Dios. Siya mao ang nagbuhat kanato, ug kita iya; kita iyang katawhan, ang mga karnero sa iyang sibsibanan.

Salmo 143:5

Nahinumdom ako sa kanhing mga adlaw, namalandong ako sa tanan nga imong nabuhat; naghanduraw ako sa nahimo sa imong mga kamot.

Salmo 28:9

O luwasa ang imong katawhan ug panalangini ang imong panulundon; magbalantay unta ikaw nila, ug magsapnay nila hangtod sa kahangtoran.

Salmo 95:7

Kay siya mao ang atong Dios, ug kita ang katawhan sa iyang sibsibanan, ug mga karnero sa iyang kamot. Niining adlawa mamati lamang unta kamo sa iyang tingog!

Exodo 33:16

Kay unsaon man sa pag-ila nga ako nakakaplag ug kahimuot diha sa imong panan-aw, ako ug ang imong katawhan? Dili ba diha sa imong pag-uban kanamo nga kami mahimong lahi, ako ug ang imong katawhan, gikan sa tanang mga katawhan nga ania ibabaw sa yuta?”

Awit sa mga Awit 4:1

Tan-awa, maanyag ikaw, akong hinigugma, pagkaanyag gayod nimo! Ang imong mga mata sama sa mga salampati luyo sa imong pandong. Ang imong buhok sama sa usa ka panon sa mga kanding, nga nanglugsong sa bakilid sa Gilead.

Isaias 27:13

Ug nianang adlawa ang usa ka dakong trumpeta patingogon, ug kadtong mga nangawala sa yuta sa Asiria ug kadtong giabog ngadto sa yuta sa Ehipto manganhi ug magsimba sa Ginoo diha sa balaang bukid sa Jerusalem.

Isaias 35:2

kini mamulak pag-ayo, ug maglipay uban sa kasadya ug pag-awit. Ang himaya sa Lebanon ihatag ngadto niini, ang katahom sa Carmelo ug sa Sharon. Sila makakita sa himaya sa Ginoo, sa kahalangdon sa atong Dios.

Isaias 37:24

Pinaagi sa imong mga sulugoon gipakaulawan nimo ang Ginoo, ug ikaw nag-ingon, “Sa panon sa akong mga karwahi ako nakadangat sa kinahabogan sa kabukiran, ngadto sa kinahiladman nga mga bahin sa Lebanon, giputol nako ang mga tag-as nga mga cedro niini, ang pinili nga mga kahoyng sipre; ug akong naabot ang labing layo nga kahitas-an, ang kinabag-an sa mga lasang niini.

Isaias 40:11

Siya magpasibsib sa iyang panon sama sa usa ka tigbantay sa karnero, siya nagtigom sa mga nating karnero diha sa iyang bukton, magkugos kanila diha sa iyang dughan, ug malumong maggiya niadtong adunay mga gagmay.

Isaias 49:10

dili sila gutomon o uhawon, ang init nga hangin o ang adlaw dili mohampak kanila, kay siya nga adunay kaluoy kanila magmando kanila, ug sa daplin sa mga tuboran sa tubig siya magtultol kanila.

Isaias 65:10

Ang Sharon mahimong sibsibanan sa panon sa mga karnero, ug ang walog sa Akor, usa ka dapit nga pahulayan sa panon, alang sa akong katawhan nga nangita kanako.

Jeremias 49:31

“Panindog kamo, sulonga ninyo ang nasod nga anaa sa kasayon, nga nagpuyo nga walay kadaot, nag-ingon ang Ginoo, nga walay mga ganghaan o mga trangka, nga nagpuyo nga nag-inusara.

Mga Pagbangotan 1:7

Ang Jerusalem nahinumdom diha sa mga adlaw sa iyang kagul-anan ug sa iyang paglatagaw, sa tanang mga butang nga iyang nahuptan sukad sa unang mga adlaw. Sa diha nga nahulog ang iyang katawhan sa kamot sa kaaway, ug walay mitabang kaniya, ang kaaway mitan-aw nga nagbiaybiay kaniya diha sa iyang pagkahulog.

Mga Pagbangotan 5:21

Ipahiuli kami nganha kanimo, O Ginoo, aron kami mapahiuli! Bag-oha ang among mga adlaw sama sa kanhing panahon!

Ezequiel 36:11

Padaghanon nako diha kaninyo ang tawo ug ang mga mananap, ug sila modaghan ug magmabungahon. Himoon nako nga puy-an kamo sama sa kahimtang ninyo kaniadto ug buhaton nako ang labi pang maayo kaninyo kay sa kaniadto. Unya kamo makaila nga ako mao ang Ginoo.

Levitico 27:32

Ug ang tanan nga ikapulo sa mga baka o sa mga karnero, bisan unsa nga moagi ilalom sa sungkod, ang ikapulo niini balaan ngadto sa Ginoo.

Amos 9:11

“Nianang adlawa akong patindogon ang balongbalong ni David nga napukan ug ayohon ang mga nangalumpag niini, ug akong bangonon ang mga nangaguba niini, ug tukoron kini nako pag-usab ingon sa mga adlaw sa kakaraanan;

Abdias 1:19

Sila nga atua sa Negeb manag-iya sa Bukid ni Esau, ug kadtong atua sa Sefela manag-iya sa yuta sa mga Filistihanon; sila manag-iya sa yuta sa Efraim ug sa yuta sa Samaria, ug si Benjamin manag-iya sa Gilead.

Miqueas 5:4

Ug siya motindog ug magpakaon sa iyang panon diha sa kusog sa Ginoo, diha sa pagkahalangdon sa ngalan sa Ginoo nga iyang Dios. Ug sila magpuyo nga layo sa kakuyaw kay karon siya mahimong bantogan hangtod sa mga kinatumyan sa kalibotan.

Sofonias 3:13

kadtong salin sa Israel; sila dili magbuhat ug sayop o mosulti ug mga bakak, o ang malimbongon nga dila makaplagan pa diha sa ilang baba. Sila manibsib ug manghigda, ug walay bisan kinsa nga maghadlok kanila.

Zacarias 10:10

Dad-on nako sila pauli gikan sa yuta sa Ehipto, ug tigomon sila gikan sa Asiria; ug dad-on nako sila ngadto sa yuta sa Gilead ug sa Lebanon hangtod nga wala nay dapit alang kanila.

Zacarias 11:7

Busa nahimo akong tigbantay sa mga karnero nga ihawonon alang niadtong mga tigbaligya ug karnero. Ug mikuha ako ug duha ka sungkod, ang usa akong ginganlan ug Grasya, ug ang usa ginganlan nako ug Panaghiusa. Ug akong giatiman ang mga karnero.

Malaquias 3:4

Unya ang halad sa Juda ug sa Jerusalem makapahimuot sa Ginoo sama sa mga adlaw sa kakaraanan ug sama sa katuigan nga nanglabay.

Numeros 23:9

Kay gikan sa kinatumyan sa mga kabukiran ako nakakita kaniya, gikan sa kabungtoran ako naglantaw kaniya. Tan-awa, ang katawhan nga nagpuyo nga nag-inusara, ug wala mag-isip sa ilang kaugalingon nga uban sa kanasoran!

Numeros 32:1

Karon ang mga kaliwat ni Ruben ug ang mga kaliwat ni Gad adunay hilabihan ka dagko nga mga panon sa kahayopan, ug ilang nakita ang yuta sa Jaser ug ang yuta sa Gilead, ug ang maong dapit usa ka dapit alang sa kahayopan.

Numeros 32:4

ang kayutaan nga gilaglag sa Ginoo sa atubangan sa katilingban sa Israel usa ka yuta alang sa kahayopan, ug ang imong mga sulugoon adunay kahayopan.”

Mateo 2:6

‘Ug ikaw, O Betlehem, sa yuta sa Juda, sa pagkatinuod dili maoy labing ubos sa mga prinsipe sa Juda; kay anha kanimo maggikan ang usa ka pangulo nga mao ang magbantay sa akong katawhan, ang Israel.’ ”

Juan 17:16

Sila dili iya sa kalibotan ingon nga ako dili iya sa kalibotan.

Deuteronomio 33:28

Ug ang Israel magpuyo nga layo sa kadaot, tuboran ni Jacob lamang, sa yuta sa trigo ug sa bino, ang iyang kalangitan maghulog ug yamog.