Miqueas 7:12

Ang Biblia 2011

Nianang adlawa sila moanha kanimo, gikan sa Asiria ngadto sa Ehipto, ug gikan sa Ehipto ngadto sa Suba, gikan sa dagat ngadto sa dagat ug gikan sa bukid ngadto sa bukid.

Cross References

Isaias 11:11

Nianang adlawa ang Ginoo magbakyaw sa iyang kamot sa ikaduhang higayon aron sa pagbawi sa salin sa iyang katawhan nga nahibilin, gikan sa Asiria, sa Ehipto, sa Patros, sa Etiopia, sa Elam, sa Sinar, sa Hamat, ug gikan sa mga pulo sa dagat.

Isaias 11:16

Busa aduna unyay dalan nga lapad gikan sa Asiria alang sa salin nga nahibilin sa iyang katawhan, ingon nga dihay salin sa Israel sa adlaw sa ilang paggula gikan sa yuta sa Ehipto.

Isaias 43:6

Ako moingon sa amihanan, “Buhii sila”, ug sa habagatan, “Ayaw pugngi;” dad-a ang akong mga anak nga lalaki gikan sa layo, ug ang akong mga anak nga babaye gikan sa kinatumyan sa yuta,

Isaias 49:12

Tan-awa, kini sila maggikan sa layo, ug tan-awa, kini sila gikan sa amihanan ug gikan sa kasadpan, ug kini sila gikan sa yuta sa Syene.”

Jeremias 23:3

Unya tigomon nako ang nahibilin sa akong panon gikan sa tanang mga dapit diin didto giabog ko sila ug dad-on nako sila pagbalik ngadto sa ilang mga toril ug sila magmabungahon ug mosanay.

Jeremias 3:18

Nianang mga adlawa ang balay sa Juda mokuyog sa balay sa Israel ug silang duha mogula gikan sa yuta sa amihanan ngadto sa yuta nga akong gihatag sa inyong mga katigulangan ingon nga usa ka panulundon.

Jeremias 31:8

Tan-awa, dad-on nako sila gikan sa amihanan nga yuta, ug tigomon nako sila gikan sa kinalayoang mga bahin sa yuta, uban kanila ang buta ug ang bakol, ang babaye nga nagmabdos ug siya nga nagbati; usa ka dakong pundok, mobalik sila dinhi.

Jeremias 46:27

“Apan ayaw kahadlok, O Jacob nga akong alagad, o malisang ikaw Oh Israel; kay tan-awa, ikaw akong luwason gikan sa layo, ug ang imong kaliwatan gikan sa yuta sa ilang pagkabinihag; Si Jacob mobalik ug makabaton ug kalinaw ug kasayon ug walay makapahadlok kaniya.

Ezequiel 29:21

“Nianang adlawa akong patuboon ang usa ka sungay ngadto sa banay sa Israel ug ablihan nako ang imong mga ngabil diha sa ilang taliwala. Unya sila makaila nga ako mao ang Ginoo.”

Ezequiel 37:21

ingna sila, Mao kini ang gisulti sa Ginoong Dios: Tan-awa, kuhaon nako ang katawhan sa Israel gikan sa taliwala sa mga nasod diin sila miadto, ug tigomon nako sila gikan sa tanang bahin, ug panad-on nako sila ngadto sa ilang kaugalingong yuta.

Oseas 11:11

Sila mangabot nga magkurog sama sa mga langgam gikan sa Ehipto, ug sama sa mga salampati gikan sa yuta sa Asiria; ug iuli nako sila sa ilang mga pinuy-anan, nag-ingon ang Ginoo.